Зголемените цени на производите во маркетите повеќе ги загрижуваат Германците отколку војната во Украина или пандемијата. Речиси секој трет жител на Германија се плаши дека ќе мора да го промени својот начин на живот, покажале резултатите од последното испитување на јавното мислење спроведено од консултантската фирма „McKinsey“.

Околу 40 отсто од 1.000 испитаници рекле дека нивната најголема грижа во моментот е инфлацијата, додека пак 34 отсто рекле дека се загрижени поради руската инвазија на Украина, а само осум отсто ја посочиле пандемијата на Ковид 19. Скоро една третина од испитаниците (29 отсто) стравуваат дека го ограничуваат вообичаениот начин на живот во некои области. Стравот од пораст на цените особено ги погоди луѓето со пониски примања. Две третини од испитаниците очекуваат пораст на цените во следните 12 месеци, пишува „Дојче веле“.

Изминатите две години од почетокот на пандемијата оставија силен белег, но сега, поради инфлацијата и руската инвазија на Украина, луѓето станаа попесимисти од било кога претходно. Луѓето ги забележуваат повисоките цени во меркетите, но исто така забележуваат и дека на крајот на месецот помалку пари им остануваат во паричникот – објаснува Маркус Јакоб од „McKinsey“ при презентирањето на резултите.

Истражувањето покажало оти лицата кои заработуваат подобро ги менуваат своите потрошувачки навики. Две третини од испитаниците посочиле дека сега трошат повеќе пари за храна, додека 61 процент повеќе потрошиле на бензин и транспорт, како и енергија. Поради ова, речиси секое трето лице од испитаниците укажало оти ги ограничиле своите потрошувачки навики. Најмногу се штеди на трошоци за козметика, облека, забава и патување.

Штедење особено ги погоди оние области од економијата кои беа сериозно погодени и од пандемијата. Луѓето трошат помалку на задоволства кои сакале да си ги дозволат по пандемијата, како на пример одење во ресторани, ноќевања во хотели или забави – објасни Сајмон Ленд, претставник на компанијата која го спроведе истражувањето.

Истражувањето покажа дека две третини од потрошувачите веќе ги менуваат своите потрошувачки навики поради порастот на цените: на пример, со префрлување на поевтини брендови или купувања за време на попусти. Повеќе од половина од испитаниците изјавиле дека се повнимателни кога трошат енергија дома.

Фото: EPA/FRIEDEMANN VOGEL

А1 Македонија го одбележува 17 Мај, Светскиот ден на телекомуникациите, кој оваа година Меѓународната телекомуникациска заедница го одбележува под мотото “Дигитални технологии и здраво стареење на возрасните лица”.

Придружувајќи се кон овој светски тренд, А1 Македонија ги отвори вратите за возрасните лица и ги стави на располагање своите волонтери-експерти кои на едноставен начин ги внесоа во дигиталниот свет, потенцирајќи ја важноста од дигиталната трансформација и користењето на дигиталните алатки кои овозможуваат нивна меѓусебна поврзаност и независност олеснувајќи го нивното секојдневие.

Како општествено-одговорна компанија но и како компанија двигател на дигитализацијата во земјава, наша одговорност е да ги едуцираме не само младите туку и повозрасните како безбедно да ја користат светската мрежа и како од истата да исползуваат придобивки во секојдневието – изјави Елена Димовска, Раководителка на одделот за корпоративни комуникации во А1 Македонија.

Навистина ни е драго што нашите членови беа дел од овој настан. Добија многу корисни совети кои ќе им помогнат во нивното интернет секојдневие, како да бидат информирани, како да комуницираат со своите најблиски но и како безбедно да користат онлајн услуги, притоа внимавајќи на своите лични податоци. Благодарност до А1 Македонија која покажува дека не заборава на возрасните и секогаш знае што е во моментот актуелно и што нам ни е потребно, - изјави Претседателката на Сојузот на пензионери на Македонија, г-ѓа Станка Трајкова.

Под мотото “За подобар свет” во рамки на програмата ESG (environmental, social and corporate governance), А1 Македонија целосно е посветена кон развој и реализација на општествено-одговорни проекти во областа на животната средина, дигиталната писменост и корпоративно управување.

Комерцијален текст

Илон Маск кажа дека неговиот 44 милијарди долари вредниот договор за купување на Твитер не може да се реализира сè додека компанијата јавно не покаже доказ дека помалку од 5% од профилите на платформата се лажни.

Шефот на Твитер, Параг Агравал, ги бранеше проценките на фирмата дека лажните профили сочинуваат помалку од 5% од корисниците. Маск одговори на ова дека Твитер ја потценува вистинската бројка на лажни профили.

Аналитичарите шпекулираа дека Маск бара начини да ја намали цената на зделката, но тој кажа дека тоа не доаѓа предвид.

„20% од профилите би можеле да бидат лажни, четири пати повеќе од она што го тврди Твитер. Мојата понуда се базираше на тоа поднесоците на Твитер да бидат точни. Вчера, извршниот директор на Твитер одби да покаже доказ за тврдењето за 5%. Овој договор не може да се реализира сè додека не видам доказ“, напиша Маск на Твитер.

Агравал вели дека компанијата користи комбинација од јавни и приватни податоци за да проценува колку од профилите се вистински, анализирајќи случајни примероци на секои неколку месеци. Тој додаде дневно се суспендираат околу 500.000 профили.

Регулаторната комисија за енергетика и водни услуги на Република Северна Македонија информираше дека се врши зголемување на малопродажните цени на нафтените деривати во просек за 0,09 % во однос на одлуката од 12.5.2022 година.

Малопродажните цени на еуродизел (Д-Е V) и на екстра лесното масло за домаќинство (ЕЛ-1) се намалија за 1,00 ден/лит, додека малопродажните цени на бензините еуросупер БС-95 и еуросупер БС-98 се зголемија за 1,50 ден/лит.

Малопродажната цена на мазутот М-1 НС се намали за 0,258 ден/кг и сега изнесува 52,436 ден/кг.

Од 17.5.2022 година од 00:01 часот максималните цени на нафтените деривати изнесуваат:

• Моторен бензин еуросупер БС – 95 92,00 (денари/литар)
• Моторен бензин еуросупер БС – 98 94,00 (денари/литар)
• Дизел гориво еуродизел БС (Д-Е V) 86,00 (денари/литар)
• Масло за горење екстра лесно 1 (ЕЛ-1) 84,00 (денари/литар)
• Мазут М-1 НС 52,436 (денари/килограм)

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,334 %, кај дизелот има намалување за 1,840%, кај екстра лесното масло намалувањето е за 1,559% и кај мазутот има намалување за 0,96%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,307%.