Вита Медиа Груп, данската онлајн гејминг компанија која од 2019 година работи и со претставништво во Македонија, ја прошири инвестицијата во Македонија и отвори нова и модернизирана канцеларија во Скопје изградена според современ дански дизајн. 

Новата канцеларија на Вита Медиа Груп ја задржа својата локација во Парк Резиденс, но овојпат се простира на повеќе од 500 квадрати.

Тоа што е најкарактеристично за новите простории на компанијата е hygge канцеларијата. 

Во данската култура, hygge се смета како дефинирачка карактеристика на данскиот начин на живот и означува квалитет на удобност кој предизвикува чувство на задоволство. Отсега, hygge моделот е инкорпориран и во бизнис секојдневието на вработените на Вита Медиа Груп изразено и преку архитектурната композиција, како и компаниската култура.

Главниот извршен директор на компанијата, Џими Меилструп, се заблагодари на вработените за истрајноста за време на градежниот процес. 

„Како компанија, нас не’ дефинира вредната работа и пронаѓање на патот кон успехот во секакви околности. Во светот на iGaming индустријата покажавме дека со нашата уникатна компаниска култура можеме да се носиме во лидерството и иновациите дури и со најголемите имиња. Токму затоа се надевам дека новата канцеларија во Македонија ќе биде простор во кој сите заедно ќе ја зголемиме нашата продуктивност и заеднички ќе изградиме компанија на која сите сме горди и од која луѓето ќе сакаат да бидат дел.“ изјави Меилструп.

По повод отворањето на новата канцеларија, данскиот тим на Вита Медиа Груп допатува во Македонија каде што заедно со македонскиот тим организира забава за добредојде. Вработените од двете држави ја искористија приликата за да ги усогласат кварталните планови за работа. 

Комерцијалниот директор Филип Спасовски и овластен претставник на Вита Медиа Груп во Македонија се чусвствува задоволно дека новата инвестиција на компанијата е креација во која вработените сакаат да го поминуваат своето време и заеднички да ја градат иднината на компанијата, особено после долг период на работа од дома заради пандемијата.

„Главната цел на оваа инвестиција беше да добиеме простор во кој ќе ставиме акцент на благосостојбата на вработените. Веруваме дека овој концепт е единствен начин да се расте како тим.“ изјави Спасовски.

Вита Медиа Груп е данска iGaming компанија која од 2019 отвори претставништво во Македонија. Во моментот компанијата вработува повеќе од 40 луѓе само во Македонија, а во 2021 беше прогласена за Top 20 Affiliate од страна на EGR Global. 

Германските производители на пиво стравуваат дека би можеле да се соочат со недостиг на пивски шишиња, делумно поради зголемената цена на енергетски интензивниот процес потребен за нивно производство.

„Ќе почувствуваме недостиг најдоцна до лето“, изјави во средата Холгер Ајхеле, извршен директор на Здружението на германски пивари, додавајќи дека ситуацијата е екстремно напната.

Покрај трошоците за производство, недостигот на возачи на камиони го отежнува одржувањето на синџирите за снабдување, рече тој.

Пиварите без долгорочни договори треба да платат 80 отсто повеќе за нови стаклени шишиња отколку пред една година, рече Аjхеле, додавајќи дека некои пиварници би можеле да останат без работа бидејќи наскоро може да снема шишиња.

Потрошувачите треба што поскоро да ги вратат празните шишиња во продавниците за да се олесни ситуацијата, рече тој.

Купувачите во Германија при купувањето плаќаат депозит на стаклени и пластични шишиња, кој се враќа кога шишињата ќе се вратат за повторна употреба.

Заменик-претседателот на Здружението на пивари Берлин-Бранденбург, Штефан Фриче, смета дека недостигот на шишиња главно ги погодил малите и средните пиварници.

Тоа ја загрозува различноста на германскиот пазар на пиво, нагласи тој.

Според средната курсна листа на НБРСМ, еврото денеска изнесува 61.6950 денари, а американскиот долар чини 58.5286 денари. Британската фунта изнесува 73.0983 денари.

Македонските работници во странство во 2021 како дознаки испратиле 344,45 милиони евра, од кои 19,92 милиони биле одлив, покажуваат обработените податоци од Народна банка кои ни се испратени за минатата година.

Тоа е значителен прилив по официјалните канали како банки и брз трансфер на пари, според критериумите на НБ, ако се знае дека деценискиот просек од 2010 до 2020 беше редовно нешто повеќе или нешто помалку од 180 милиони евра. Отскокнување имаше и во 2020 со прилив од 262,04 милиони евра, според податоците на централната банка.

Податоците на Евростат објавени на крајот од минатата година покажаа дека во текот на 2020 година, од земјите на Европската Унија (ЕУ) кон балканските земји испратени се над 8,5 милијарди евра.

Според методологијата на Еуростат, во текот на 2020 година дијаспората испратила 361 милион евра во Македонија, што е околу 3,4 проценти од бруто-домашниот производ на земјата. Тоа е убедливо најмал процент на учество во БДП доколку се споредат податоците со земјите во Западен Балкан.

Од Народна банка често нагласуваат дека е тешко да се посочи на прецизен износ, поради поголемата застапеност на дознаки во готовина, колкава е вкупната и реална сума испратена од иселениците.

Според Народна банка, вообичаено од испратените пари, делот во готовинска форма го сочинуваат над 70 отсто од вкупните приватни трансфери, додека дознаките кои доаѓаат во нашата економија преку формалните канали е помалку од една третина.

Целиот текст прочитајте го на Фактор.мк