Движејќи се кон врвот полека, но сигурно, Бојан Ковачевски ја слави својата 9-та година во Compass Management International (CMI). Вистински виртуоз во транспортната индустрија, Бојан без напор ги менува брзините, полека на состаноците, а брзо на отворените патишта. Од аспиративен продажен агент до инспиративен колега – приказната за кариерата на Бојан е приказна којашто ќе ве инспирира да се осмелите да пробате нешто различно.

1. Пред скоро 10 години, Бојан ја започна својата кариера како продажен агент во CMI. Се сеќаваш ли на очекувањата кои ги имаше во 2015?

Пред една деценија, само сакав да ѝ дадам шанса на оваа индустрија и CMI се чинеше како одлична почетна точка за тоа. Гледајќи наназад, од оваа перспектива, можам со сигурност да кажам дека одлуката да станам дел од CMI беше една од најдобрите одлуки што сум ги донел. Моето време во компанијата ме обликуваше како на професионален, така и на личен план, и се гордеам со растот и достигнувањата што ги постигнав заедно со компанијата.

2. Како се развиваше твојата улога во CMI?

Своевремено, почнав како претставник за продажба, а денес мојата позиција е Senior Account Executive, па можам да кажам дека и мојата улога се развиваше заедно со CMI во изминатата деценија. Мојата првична улога се фокусираше на таканареченото cold calling, што во груб превод се сведува на остварување факторинг продажби по телефонски пат и генерирање нови потенцијални клиенти. Генерирањето клиенти сметам дека беше многу поголем предизвик тогаш за разлика од денес, од аспект на развојот на технологијата. И, иако сум човек кој сака предизвици, таа позиција, искрено, не ми дозволуваше да ги искористам сите свои вештини. За среќа, менаџментот го препозна ова и ми понуди нова можност во различен сектор само околу една година откако започнав во одделот за продажба. Сега, на шега умеам да кажам дека од генерирање leads стигнав до склопување deals. Во секој случај, моите работни обврски во моментот, не само што одговараат на мојот карактер, туку и ми даваат простор да ги користам сите свои вештини, но и да учам нови. Уживам што можам да им помагам на луѓето со нивните финансиски прашања и доаѓам на работа со нестрпливост и елан за она што ќе го донесе денот.

3. Што е она што те одвојува од тимот, нешто по кое си препознатлив?

Мојата смисла за хумор и мојот карактер! Додека трае работното време, во потполност сум фокусиран на своите работни обврски и го давам својот максимум работата да е сериозно и професионално завршена. Но, секогаш останува тој 1% од мојот карактер кој изглегува на површина да ги сподели моите ставови, а моите ставови често умеат да им се ужасно хумористични на моите колеги.

4. Кој е најголемиот предизвик со кој си се соочил откако стана дел од тимот?

Најголемиот предизвик откако станав дел од CMI беше КОВИД пандемијата. Модделот на работа од дома не одговара на мојот практичен карактер, бидејќи се чувствувам многу попродуктивно кога сум во канцеларија, но со помош на тимот, сите предизвици се надминаа со леснотија. Од првиот ден, ние бевме тука едни за дриги 24/7 – се слушавме на телефон, ја користевме секоја можна алатка за да обезбедиме квалитетна услуга за нашите клиенти, а истовремено и да се поддржиме меѓусебно. Комуникацијата беше клучна за надминување на овие пречки, и иако самиот предизвик беше оддржување на комуникацијата, благодарение на технологијата и силниот тимски дух, не само што успеавме да ја контролираме работата, туку и ги надминавме очекувањата.

5. Која е најважната вештина што треба да ја поседува еден Senior Account Executive?

Најважната вештина сметам дека е способноста да се слуша и да се разбере не само она што луѓето го кажуваат, туку и она што го изразуваат без зборови. Во суштина, би ја издвоил способноста да се читаат или предвидат потребите на луѓето и да се поседува специфичен вербален арсенал со кој би се смирила тензијата. Во денешната сложена економска клима, оваа вештина е клучна. Секој Senior Account Executive треба да ја поседува способноста јасно да им доближи на клиентите кои бараат заеми дека, со правилна стратегија, плановите за плаќање може да бидат приспособени на начин кој би осигурал бенефит и за двете странки.

6. Што уживаш да правиш во слободното време?

Уживам да патувам со својот мотор заедно со други ентузијасти, да се дружам со моите пријатели и да поминувам колку што можам повеќе време со семејството! Исто така, се обидувам да сум општествено свесен и одговорен, па често умеам да се вклучам во кампањи за подигање на свеста, како и волонтерски активности и активности за граѓански права. Сметам дека е многу важно човек да има цели и идеали за кои што се бори, па затоа моите микро-обиди да направам некаква општествена разлика и да допринесам кон тоа мојата заедница да е подобро место за сите нас е нешто што ми предизвикува вистинско задоволство. Сепак, нели, ние треба да бидеме промената која сакаме да ја видиме во светот?

7. Постои ли нешто што повеќето луѓе не го знаат за тебе?

Имам ОГРОМЕН страв од жаби. Само, не кажувајте никому, шшшш...

8. Можеш ли да се сетиш на некои моменти кога си се чувствувал особено горд што си дел од CMI?

За време на пандемијата, кога ситуацијата беше кризна и никој не се надеваше на ништо позитивно, CMI успеа не само да се носи со предизвиците, туку и да напредува. Имаше соработка помеѓу секој член од тимот, помеѓу тимовите меѓусебно, и најнакрај и помеѓу различните сектори. До моментот кога се вративме во канцеларијата, не само што се зголеми нашиот тим, туку се зголеми и бројот на нашите достигнувања.

Исто така, би кажал дека сум горд и на силниот тимски дух во канцеларијата. Верувам дека клучот за формирање стабилна професионална врска е разбирањето на специфичните карактерни црти на секој член на тимот. Кога ги знаеш навиките, тенденциите, наравот на луѓето со кои поминуваш поголем дел од денот, многу полесно можеш да им помогнеш ако наидат на пречка во работата, но и точно да знаеш како да побараш помош од нив. Доаѓањето на работа не треба да биде монотона задача, треба да се заснова на само-подобрување и развој, како на професионален, така и на личен план. Ова моите колеги многу добро го знаат и во оваа прилика би сакал да споменам дека сум горд на нашата тимска атмосфера.

Морам да го истакнам и исклучителниот професионализам и грижата за вработените во CMI. Компанијата се труди да не` мотивира и секој вработен да се чувствува дека неговиот труд вистински се вреднува. Постои здрава рамнотежа помеѓу работните обврски и слободното време, што е особено добро за луѓето како мене, кои сакаат понекогаш да го запалат моторот и да видат нешто различно.

Развојот на Бојан во CMI е доказ за издржливоста, снаодливоста и оддржувањето рамнотежа – без разлика дали е тоа на автопатот или во салата за состаноци. Со скоро деценија искуство, Бојан е олицетворение на тимски дух, професионализам и континуирано усовршување. Неговата способност да се премостуваат потешкотиите со хумор и емпатија е тоа што го прави посебен и важен дел од CMI.

1. Како се одвиваше развојот во текот на твојата долгогодишна кариера во Зегин ?

Мојата кариера во Зегин започна пред 21 година. Кога почнав да работам бев на студии на Фармацевтскиот Факултет Кирил и Методиј последна година со преостанати 5 испити, и се вработив на позиција Фармацевтски Техничар (имав завршено средно фарм.училиште). Како секој млад студент намерата ми беше да видам и научам што значи да си од другата страна на шалтерот во услуга на потребите на пациентите, а сонот ми беше да работам во лабораторија (аналитика и испитување на лекови). Не бев свесна што ме очекува, и дека оваа работа не е само долг пат по кој што ќе чекорам и ќе се соочувам со различни предизвици, туку скалило по кое ќе се искачувам секој ден се повисоко и повисоко. Почетоците беа предизвикувачки за мене, постојано осознавав и учев нови работи од најдобрите “ментори” (барем јас така ги чуствував колегите кои што максимално се посветија на мојата обука) работата во официната и секојдневното учење за грижата на пациентите, и нивните потреби. Возбудата и предизвиците постојано растеа во мене. По завршувањето на факултетот и 2 години искуство стекнато во аптеката ме назначија како раководител на Аптека. Низ годините постојано го надоградував моето знаење и се едуцирав на различни теми поврзани со фармацијата и новите производи кои излегуваа на пазарот за продажбата во аптека. Велат дека упорноста секогаш се исплати тоа можам да го потврдам со моето стекнато долго годишно искуство и работа во Зегин. Мојот следен кариерен напредок и унапредување беше одговорноста за 10 подружници - аптеки на работна позиција Регионален  Раководител, каде бев одговорна за повеќе подружници и тимови, организација и нормален тек на работата и вработените во аптеките. Во моментов сум на работна позиција Регионален Менаџер и имам поголема одговорност за 17 подружници - аптеки. Позади секое мое унапредување следеше професионална обука од компјутерска подршка, континуирани тренинзи со високо квалификувани фирми за подржување на компаниите со користење на современи концепти и техники за управување, за постигнување на посакуваната реалност, зголемувајќи ја креативноста и самооткривањето, обуки за лидерство, Невро-лингвистичко програмирање (НЛП).

2. Раскажи ни за Зегин Младина – менторското обучување на новите вработени?

Оваа година веќе е изработена Менторската  програма “Зегин младина” со специјален Менторски центар на обука, за сите млади со завршено средно или високо фармацевтско образование, а ќе бидат водени од лиценцирани Ментори кои што учествуваа и во изработката на оваа програма. Ова  претставув аеден сосема поразличен и уникатен систем за работување на кандидати, нов начин за стекнување на искуство и знаење, унапредување на вештините на кандидатите со или без работно искуство, за кое што јас посебно се радувам и кое доколку постоеше кога јас започнував многу ќе ми олеснеше.

3. Што претставува за Зегин учеството на СМАРТ Фармацевт, обуките кои фармацевтите ги посетуваат?

Нашата фирма постојано ги следи сите светски фармацевтски трендови и стручни обуки како што се СМАРТ фармацевтските обуки, кои се однесуваат на подигање на грижата за фармацијата на следното ниво, фокусирајќисеналичниот и професионалниот раст. Програмата е наменета за фармацевти кои работат во аптека и треба да поседуваат врвно знаење, вештини за донесување одлуки, повисока концентрација, приспособливост, одлична комуникација и емотивна стабилност.

4. Дали постои систем на признание и наградување на вработените?

Покрај грижата за пациентите, исто многу важна е и грижата за вработените. Годинава покрај многубројните признанија и финансиски награди, Зегин организираше наградно патување за најдобрите 15 избрани вработени кои постигнаа солидни резултати во изминатата 2023. Вработените  кои беа дел од ова шест дневно наградно патување  имаа можност да ги посетат и осознаат убавите предели на Италија “Тоскана и Чинкве Тере’’. Можност за учество на ова наградно патување имаа вработените од малопродажба - аптеки, магацин – логистика, онлајн шоп и комерција. Чувството е непроценливо кога вложениот труд има некој што го препознава и наградува, раскажуваа за ова искуство нашите вработени. Им благодариме на сите колеги кои постигнаа резултати и беа дел од ова наградно патување кое ги зближи и сплоти вработените и уште долго ке се зборува за убавите спомени во Италија. Искрено верувам дека ова ќе прерасне во една убава традиција во иднина за наградување на успешноста на вработените.

Зошто Зегин?

Ако го сакаш најдоброто за себе несомненено одбери ја компанијата Зегин...

Најубаво опремен ресторан, кафана, хотел што и да е, да има прекрасен ентериер, прекрасни ексцес чаши се...меѓутоа ако ти немаш обучен кадар, љубезни луѓе кои што прво и основно некој кој да го зготви јадењето или немаш луѓе кој што знаат да го претстават ресторанот нели преку јадењата, виното се што се нуди на соодветен начин џабе е ентериерот џабе е се. - вели Билјана Чкламовска: раководител на правен сектор и човечки ресурси во ХТЛ Македонија 

Лошо е ако функционираш цело време во просторија каде што ти си најпаметниот. Тоа е слабост за успешен менаџер така да јас секогаш сакам да бидам опкружен со луѓе професионалци кои што се професионалци во областа во делување, така да споделувањето на различни искуства различни начини на размислување е драгоцено. Перцепцијата на гледање на одредена проблематика каде што нели одредени професионалци се навикнати да ја гледаат шољава како што  е поставена но доколку имаме соодветна едукација ти дава друга преспектива и начин на пронаоѓање и разрешување одредени проблеми. -  вели Александар Зарков - Генерален менаџер на Normak Investment Group