(преземи го огласот во Word)
Техничар за управување со опасен отпад
Компанијата Екоценар 97 активно се занимава со рециклирање повеќе од 20 години и денес е една од водечките компании за рециклирање во регионот. Нашата дејност вклучува рециклирање на метали, електронски отпад и опасен отпад. Во моментов, имаме отворена позиција за техничко лице кое има искуство со идентификување и селектирање на опасен отпад. Искуството со опасен отпад е приоритет во однос на останатите квалификации.
Опис на работно место
- идентификување, класификација и селектирање на опасен отпад (одредување на категорија на отпад, EWC и сл.);
- одредување на метод за отстранување, складирање и третман на опасниот отпад;
- теренска инспекција за проценка на отпад и земање на проби за хемиска анализа;
- давање насоки за безбедно ракување и отстранување на опасен отпад;
- советување на корпорации и други субјекти за следење на загадување и чистење на контаминирани локалитети и средини;
- соработка со стручни лица од земјата и странство во врска со опасен отпад;
- мониторинг на работата во секторот за опасен отпад;
- подготовка на извештаи и документација за тековни и завршените проекти.
Професионални квалификации
- завршено високо образование (инженер за животна средина, инженер за еколошка санација, хемиски инженер, технолошки инженер или друго релевантно образование);
- претходно работно искуство со управување, селектирање и третман на опасен отпад;
- познавање на Законот за Управување со Отпад, како и на меѓународните правилници за транспорт и пакување на опасен отпад;
- познавање и практикување на стандардите за безбедност и здравје при работа и стандарди за заштита на животната средина;
- одлично познавање на англискиот јазик (читање, пишување и говорење);
- познавање на Microsoft Word и Microsoft Excel;
- предност доколку имате познавање на Германски јазик и завршени обуки за безбедност и здравје при работа.
Други вештини и способности
- проактивност, експедитивност и темелно завршување на работните задачи;
- добри комуникациски и организациски способности.
Работниот однос за позицијата првично се заснова со Договор за работа на определено време од 3 (три) месеци до 1 (една) година, во зависност од искуството на кандидатот, со можност за продолжување на договорот на неопределено. Постои можност за напредување и бонус во зависност од перформансот.
Работните задачи ќе се извршуваат со полно работно време од 8 (осум) часа, од понеделник до петок, со работно време од 8:00 до 16 часот.
Предвидената основна нето-плата за позицијата може да варира и ќе зависи од работното искуство на кандидатот.
Доколку ги имате потребните квалификации, пратете ни CV со кратката биографија, диплома за завршено образование и копијата од дополнителни сертификати (доколку има) на следната електронска пошта [најави се за да го видиш е-маилот] со назнака “За позиција техничар за опасен отпад”.
Ќе бидат исконтактирани само кандидатите кои што ќе влезат во потесна селекција.
Краен рок за пријавување: 1 октомври 2020