На 31.05.2022г. во Double Tree by Hilton во Скопје се одржа првата регионална конференција за Microsoft бизнис технологиите, со фокус на Microsoft Dynamics 365 и Microsoft Power Platform организирана од Axapta Masters. Главното мото на конференцијата е „The future is digital“, акцентирајќи ја потребата на компаниите да го започнат или продолжат процесот на дигиталната трансформација низ кој поминуваат, воедно следејќи ги брзо растечките трендови кои веќе постепено стануваат задолжителни.

Конференцијата ја отворија Ристе Маревски, еден од тројцата менаџмент партнери и сопственици на компанијата Axapta Masters, и директорот на Microsoft Македонија и Косово Љупчо Георгиев.

На еднодневната конференција имаше вкупно 8 сесии, од кои на 4 се преставија најновите технологии и опции кои ги нудат Microsoft Dynamics 365 for Finance and Supply Chain Management, Microsoft Dynamics 365 Customer engagement и Field service, Microsoft Power Platform со фокус на Microsoft Power Apps и Microsoft Power BI.

Една од сесиите, предводена од Бојан Димитриевски – оперативен менаџер во Axapta Masters, беше посветена на поддршката на Microsoft која ја нуди на компаниите во процесот на дигитална трансформација и започнување на користење на најновите Microsoft технологии. Љупчо Георгиев, директорот на Microsoft Македонија и Косово, истакна дека во заедничка соработка со партнер компании како Axapta Masters, Microsoft отвора нови опции за компаниите кои сакаат да го направат првиот чекор и проценка на нивните потреби како организации со креирање на прилагодено решение за специфичните барања во сите индустрии.  

Две од сесиите беа дискусии со соработници и клиенти на Axapta Masters од Европа, како и од Македонија, кои го споделија своето искуство со дигиталната трансформација на своите компании. На двете сесии гостите имаа можност да слушнат повеќе за важноста на користењето на „cloud“ сервисите во однос на застарените „on-premise“ софтвери и секако важноста на првиот чекор кој се превзема пред да се започне со дигитална трансформација на компанијата, односно правилна проценка на потребите на компанијата од страна на бизнис аналитичарите и консултанти. Оваа сесија беше предводена од Димитар Бојчев, проектен менаџер во Axapta Masters.

Костадин Нечевски, директорот на ИТ одделот во Авто – Мото Сојуз на Македонија, го сподели искуството и причината зошто АМСМ одлучија да започнат со користење на Microsoft Dynamics 365 F&SCM и едно централизирано „cloud“ решение за седумте ентитети кои се дел од АМСМ. Дискусијата со АМСМ беше предводена од Владимир Митрески, еден од тројцата менаџмент партнери и сопственици на компанијата Axapta Masters, каде што се истакна дека проценката и изработката на идејно решение за АМСМ е во соработка со Axapta Masters, која има креирано Македонска локализација на Microsoft Dynamics 365 F&SCM. Повеќе информации за македонската локализација може да прочитате на следниот линк.

За крај конференцијата беше затворена со последната панел дискусија со 5 соговорници, како и модераторот Мирослав Паневски – проектен менаџер во Axapta Masters, каде што во заедничка дискусија ја истакнаа потребата за прилагодување и следење на светските трендови кои ги носи технологијата и нивна имплементација локално во компаниите, како и во образованието при создавањето на компетентен кадар кој што е подготвен да се соочи со секојдневните предизвици во компаниите.

Пораката кон присутните од страна на претставниците од Европа, гласеше дека компаниите мора да инвестираат во иновации и дигитализација на повторливите бизнис процеси бидејќи на тој начин го унапредуваат своето работење што доведува до раст на компанијата. Како резултат на дигитализацијата и автоматизацијата на бизнис процесите во европските компании, се создаваат можности за нови работни места, односно, дигитализацијата не го заменува човечкиот капитал, туку напротив, ослободува голема продуктивност од вработените што истовремено значи поголем и побрз раст на компанијата.

Оваа година конференцијата беше од затворен карактер и на истата присуствуваа 100 гости од Македонија и регионот, како и соработници од Европа.

Axapta Masters е златен партнер на Microsoft со повеќегодишно искуство и соработка со клиенти и проекти како од Европа така и од Македонија. Доколку сте заинтересирани за да дознаете повеќе за услугите на Axapta Masters како и досегашните клиенти, посетете го вебсајтот на следниот линк.

На 40-годишниот бивш пилот Рос Вијтман канадската влада му призна дека се здобил со инвалидитет по примањето на вакцината против ковид-19 од АстраЗенека.

Вијтман е дијагностициран со ГБС (Гилијан-Баре синдром) само неколку денови откако ја прима првата и единствена доза од вакцината од што останува делумно парализиран. ГБС е невролошко нарушување кое може да предизвика парализа, слабеење на мускулите, па дури и смрт. Исто така се работи за крајно ретка нуспојава од вакцините која се појавува кај еден на 700.000 вакцинирани, и главно од вакцината на АстраЗенека.

Поранешниот пилот е само еден од десетина вакцинирани на кои канадската влада за сега ќе им исплати оштета заради нуспојави од вакцината. Максималната сум што може да биде исплатена е 284.000 канадски долари.

Вон ова, тој е потенцијален кандидат за надомест на загубен приход од 90.000 канадски долари месечно.

По вакцината, Вијтман не може сам да се движи, ниту пак да има какви било активности со децата, што претходно му биле стандардна пракса.

Освен делумната парализираност, Вијтман по вакцината го има изгубено целото чувство во стапалата, има проблеми со гледање и извитоперување на дланките.

Откако инспекциските служби ќе утврдат дали порастот на цените е реален, Владата ќе ги објави сите компании кои направиле вештачки скок на цените, најави денеска вицепремиерот за економски прашања Фатмир Битиќи.

Битиќи останува на ставот дека е направено вештачко зголемување на одредени производи, а како пример посочува тестенина за која маржата на добивка за два дена скокнала од 4 на 72,5 проценти.

Дека има вртоглаво и вештачко зголемување на цените, кажав и минатата недела. Еве, два примера зошто го тврдев тоа. За само два дена, маржата на добивка кај тестенина од еден производител, пораснала од четири проценти на 31 мај на 72,5 проценти т.е. граѓаните плаќаат 65 проценти повисока маржа на добивка за тестенина од еден производител, изјави Битиќи, одговарајќи на новинарски прашања по денешната посета на фабриката „Таб мак“ во Пробиштип.

Во текот на оваа недела, според најавите на вицепремиерот, повторно треба да има и средба со претставници на Сојузот на синдикати кои најавија генерален штрајк на 22-ри овој месец поради неисполнување на нивните барања.

Дијалогот, како што изјави Битиќи, продолжува и има отворени прашања за кои треба да се разговара.

Имаме отворени прашања со ССМ. Не е само усогласувањето на платите и нивното барање за линеарно зголемување на платите. Тука е методологијата за раст на платите и законот за плати кој треба еднаш за секогаш да го реши прашањето за зголемувањето, ефикасноста, ефективноста. Се додека имаме отворени прашања, не би требало да повикаме на штрајк. Треба да седнеме на маса. Веќе оваа недела ќе ги повикаме, за да зборуваме за овие отворени прашања, рече Битиќи, најавувајќи дека на следната владина седница ќе бидат формирани работните групи од страна на Владата кои ќе треба да почнат да работат на одржливо решение. 

Во периодот од 30.05.2022 до 05.06.2022 била спроведена засилена акциска контрола на територијата на државата за санкционирање на прекршоци што ги направиле возачите на мотоцикли, при што биле санкционирани 539 возачи.

Од нив, 340 возачи не користеле заштитна кацига за време на возење, 121 возеле без возачка дозвола, 15 мотоцикли биле одземени поради истечена сообраќајна дозвола и предизвикување голема бучава, а санкционирани се и други прекршоци.

Засилените акциски контроли продолжуваат и во наредните денови, најави МВР и апелира до сите учесници во сообраќајот да ги почитуваат сообраќајните правила и прописи.