Рускиот производител на гас Газпром го претстави својот деловен извештај за првите седум и пол месеци од оваа година.

Наведуваа и „конзервативна проценка“ според која цената на гасот во Европа ќе надмине 4.000 долари за 1.000 кубни метри во текот на претстојната зима.

Извозот во земјите надвор од Комонвелтот на независни држави (ЗНД), односно сојузот на поранешните советски републики, изнесува 78,5 милијарди кубни метри, што е намалување за 36,2%. Истовремено расте извозот на руски гас во Кина, пишува Комерсант.

Производството на Газпром од 1 јануари до 15 август, според прелиминарните податоци, изнесува 274,8 милијарди кубни метри гас, што е за 13,2 отсто помалку во однос на истиот период лани. Побарувачката за гас што го произведува Газпром на домашниот пазар е намалена за 2,3 отсто.

Комерсант наведува дека на крајот на јули почнала да расте цената на гасот во Европа, која сега надминала 2.000 долари за 1.000 кубни метри и пишува дека причина за тоа е намалувањето на испораките на Газпром преку Северен тек.

На 15 август цената на гасот во Европа се искачил на рекордни 2.500 долари за илјада кубни метри, надминувајќи ги вредностите од почетокот на март. Гасот е сѐ поскап поради топлината и сушата, што го отежнува транспортот на јаглен по реките. Дополнително, намалени се испораките на гас од Норвешка поради поправки во производствените капацитети, пишува Комерсант.

Новиот тренд на „Тик-ток“, што вклучува лепење на устата ноќе за да се поттикне дишење со носот при спиењето, е оценет како опасен по здравјето.

Хаштагот „#mouthtaping“ („лепење на устата“ на англиски) има 24 милиони прегледи на интернет-платформата и вклучува серија видеа во кои корисниците демонстрираат лепење на усните во обид да го поттикнат дишењето со носот за време на спиењето.

Целта е да дишете низ нос додека спиете, а не преку уста… Тоа овозможува подобра орална хигиена, помалку сува уста и помалку ‘рчење, објаснува еден корисник.

Сепак, има малку научни истражувања за придобивките од лепењето на устата и стручњаците брзо ги отфрлија овие лаички тврдењата на „Тик-ток“. Британската фондација за сон откри дека несаканите последици од лепењето на устата може да вклучуваат иритација на или околу усната и нарушување на спиењето поради отежнато дишење преку нос.

И д-р Џејмс Вилсон рече дека придобивките од дишењето со носот не се вредни за опасноста од затнувањето на устата.

За жал, лепењето на устата е екстремен начин да се поттикне дишењето со носот што има сериозни здравствени ризици… Во тој случај, лепењето уста ќе го влоши Вашето здравје и може да придонесе за посериозни проблеми како што се срцеви заболувања, хронична опструктивна белодробна болест и мозочен удар, особено ако се применува додека страдате од апнеја при спиење, изјави тој за „Њусвик“.

Опасностите може да бидат особено високи за оние со апнеја при спиење, што е состојба кога дишење престанува и почнува за време на спиењето. 

Владата донесе мерки за заштеда на струја до 15 отсто – за домаќинствата и компаниите се предвидени препораки, а за државните институции конкретни задолженија кои мора да се испочитуваат зашто во спротивно ќе следуваат санкции.

Како што соопшти денеска министерот за економија Крешник Бектеши, мерките ќе стапат во сила од 1 септември годинава, а ќе важат до 31 март 2023 година.

Пред нас е една од најтешките зими на енергетски план, не само за нас, туку и за сите земји во регионот, како и во Европа. За полесно да се справиме со она што не очекува, за непречено снабдување со електрична енергија, рационално трошење и пониски сметки, подготвивме план и препораки за заштеда на струја. Мерките се поделени во повеќе категории, зависно дали се работи за домаќинства, компании или објекти, институции и претрпијатија во државна сопственост. Целта е намалување на потрошувачката за 15 отсто споредено со истиот месец лани. Ако не се постигне оваа цел, ќе следуваат согласно етичкиот кодекс и сите уредби, одредени санкции за сите раководители на институциите, истакна Бектеши.

Исклучување на декоративното осветлување на фасадите на јавните објекти и културните споменици, гаснење сијалици кога има доволно дневна светлина, во сезона на ладење климите да се местат не пониско од 27 степени, а во сезона на греење не повисоко од 20 степени, да се исклучуваат компјутерите по работата, редовно да се менуваат филтрите на грејните тела и клима уредите, да се принтаат само потребните материјали, да се заменат прозорците со енергетски ефикасни, се само дел од препораките за државните институции.

Детали за мерките на прес-конференцијата во Владата се очекува да соопшти и генералниот директор на АД ЕСМ, Васко Ковачевски. 

Претприемачот чувствува интерес да иновира и за возврат, да имплементира нови форми на бизнис, каде што ќе покаже креативност да се вклучи во светот на нови идеи. 

Претприемачите имаат една заедничка работа: сите тие се во потрага по опстанок и раст. Но, тие користат различни стратегии за раст на својот бизнис.

Подолу ви ги претставуваме четирите типа на претприемачи:

1. Иницијатор - им доаѓа можност (или не);
2. Конзервативн - многу умерено користење на ресурсите, заштита на постоечките ресурси;
3. Агресивен - проактивен, all-in, активно бара можност;
4. Иноватор/револуционер - достигнува раст преку иновација.

Секој нов хоризонт предизвикува несигурност поради непознатото, но претприемништвото со себе носи силни страни кои помагаат да се расчистат сомнежите и грижите кои преку иновации можат да се претворат во амбициозни проекти.

Она што е најважно е да се има прецизна задача која ќе биде фокусирана во самите цели кои по примената на стратегијата, можат да се претворат во сакани резултати од новиот бизнис.