Владата донесе мерки за заштеда на струја до 15 отсто – за домаќинствата и компаниите се предвидени препораки, а за државните институции конкретни задолженија кои мора да се испочитуваат зашто во спротивно ќе следуваат санкции.

Како што соопшти денеска министерот за економија Крешник Бектеши, мерките ќе стапат во сила од 1 септември годинава, а ќе важат до 31 март 2023 година.

Пред нас е една од најтешките зими на енергетски план, не само за нас, туку и за сите земји во регионот, како и во Европа. За полесно да се справиме со она што не очекува, за непречено снабдување со електрична енергија, рационално трошење и пониски сметки, подготвивме план и препораки за заштеда на струја. Мерките се поделени во повеќе категории, зависно дали се работи за домаќинства, компании или објекти, институции и претрпијатија во државна сопственост. Целта е намалување на потрошувачката за 15 отсто споредено со истиот месец лани. Ако не се постигне оваа цел, ќе следуваат согласно етичкиот кодекс и сите уредби, одредени санкции за сите раководители на институциите, истакна Бектеши.

Исклучување на декоративното осветлување на фасадите на јавните објекти и културните споменици, гаснење сијалици кога има доволно дневна светлина, во сезона на ладење климите да се местат не пониско од 27 степени, а во сезона на греење не повисоко од 20 степени, да се исклучуваат компјутерите по работата, редовно да се менуваат филтрите на грејните тела и клима уредите, да се принтаат само потребните материјали, да се заменат прозорците со енергетски ефикасни, се само дел од препораките за државните институции.

Детали за мерките на прес-конференцијата во Владата се очекува да соопшти и генералниот директор на АД ЕСМ, Васко Ковачевски. 

Претприемачот чувствува интерес да иновира и за возврат, да имплементира нови форми на бизнис, каде што ќе покаже креативност да се вклучи во светот на нови идеи. 

Претприемачите имаат една заедничка работа: сите тие се во потрага по опстанок и раст. Но, тие користат различни стратегии за раст на својот бизнис.

Подолу ви ги претставуваме четирите типа на претприемачи:

1. Иницијатор - им доаѓа можност (или не);
2. Конзервативн - многу умерено користење на ресурсите, заштита на постоечките ресурси;
3. Агресивен - проактивен, all-in, активно бара можност;
4. Иноватор/револуционер - достигнува раст преку иновација.

Секој нов хоризонт предизвикува несигурност поради непознатото, но претприемништвото со себе носи силни страни кои помагаат да се расчистат сомнежите и грижите кои преку иновации можат да се претворат во амбициозни проекти.

Она што е најважно е да се има прецизна задача која ќе биде фокусирана во самите цели кои по примената на стратегијата, можат да се претворат во сакани резултати од новиот бизнис.

Mагазинот Global Finance состави листа на најбогати земји на светот според БДП по глава на жител. На врвот е Луксембург. Оваа мала европска земја има високообразовани граѓани, одлични примања и ниска невработеност.

Луксембург има само околу 630.000 жители, но неговиот БДП по жител е околу 140.000 долари, поради што е пред другите земји во Европа и светот. На второ место е Сингапур со 131.580 долари БДП по глава на жител и Ирска со околу 125.000 долари, пренесува Punkufer.

Во топ 10 се најдоа уште две европски земји – Швајцарија на 6-то место и Норвешка на 8-то место, додека останатите се Катар, Макао, Обединетите Арапски Емирати, САД и Брунеи.

10-те најбогати земји во светот на Global Finance по БДП по глава на жител:

• Луксембург, 140.694 долари по глава на жител
• Сингапур, 131.580 долари по глава на жител
• Ирска, 124.596 долари по глава на жител
• Катар, 112.789 долари по глава на жител
• Макао, 85.611 долари по глава на жител
• Швајцарија, 84.658 долари по глава на жител
• Обединети Арапски Емирати, 78.255 долари по глава на жител
• Норвешка, 77.808 долари по глава на жител
• САД, 76.027 долари по глава на жител
• Брунеи, 74.953 долари по глава на жител

И според Евростат, претходните години Луксембуг беше лидер по висината на платите. 
foto freepik.com/sabinoparente

Пијаните возачи во Молдавија под казна мора да работат во мртовечница. 

Бидејќи многу возачи возат пијани, властите со новата мерка го намалиле бројот на лица кои го повторуваат прекршокот. 

Возачите во Молдавија на кои им е одземена возачката дозвола поради возење под дејство на алкохол, можат да ја добијат назад ако пред сè платат околу 200 евра (просечната плата е околу 270 евра) и на тој начин купат влезница за посебна колективна програма.

Тие треба да му помагаат на медицинскиот персонал во болниците при пружање помош на жртви од сообраќајни несреќи, а кога помошта тука не е потребна, што е многу често, ги препраќаат на друго одделение. Станува збор за мртовечница. 

Програмата започнала во главниот град Кишињев во 2019 година со 6 возачи кои биле казнети поради возење под дејство на алкохол. Еден од нив се откажал неколку минути откако почнал да помага во мртовечница. Возачите велат дека за нив е многу тешко да работат во мртовечница. За 3 години 600 возачи морале да работат во мртовечница.

foto freepik.com/standret