Единствена причина за зголемувањето на сметките за топлинска енергија што ги добија граѓаните за август е тоа што во нив не е вкалкулирана субвенцијата која што ја дава Владата за потрошувачите на топлинска енергија во Градот Скопје и од тие причини се значително зголемени, порача денеска претседателот на Регулаторната комисија за енергетика и водни услуги (РКЕ), Марко Бислимоски и додаде дека сметките се зголемени за 40-тина проценти.

Тој на прес-конференција посочи дека РКЕ бара БЕГ да ги сторнира сите сметки коишто се испратени до потрошувачите и да се изготват нови сметки во коишто ќе биде вкалкулирана субвенцијата која што ја добиваат граѓаните од страна на Владата. За оние граѓани кои веќе ги платиле сметките рече дека ќе им биде вратена разликата во сумата во наредните сметки без разлика дали дејноста ќе ја врши БЕГ или некоја друга компанија.

Средства во Буџетот на државата се обезбедени. Исто така, има одредена одлука која што е донесена веќе еднаш. Доколку е таа со изминат рок ќе се донесе нова одлука со која што уште еднаш ќе се потврди дека потрошувачите на топлинска енергија во Градот Скопје ќе ги добијат субвенциите, рече Бислимоски.

Нагласи дека е невообичаено сметките да се испраќаат на 30 и 31 август , бидејќи месецот не бил се уште завршен. Потенцира дека БЕГ треба да ги сторнира и да бидат изготвени нови сметки во коишто ќе биде вкалкулирана и субвенцијата која што ја дава Владата за потрошувачите на топлинска енергија во Градот Скопје.

Сметам дека немало потреба да се испраќаат сметки на 30 и 31 август. Не мие јасно зашто од БЕГ не не информирале за тоа и треба да ја исправат грешката што ја направиле со сторинирање на фактурите и граѓаните да добијат сметки за топлинска енергија како што беше договорено, посочи Бислимоски.

Прашан дали е точна информацијата дека не не набавен гас за потребите на загревањето на скопјани кои се приклучени на централно греење, претседателотна РКЕ рече дека има информации оти компанијата што планира да го преземе снабдувањето со топлинска енергија е во комуникација со најголемиот трговец со природен гас во земјава за да го обезбеди овој енергенс за потребите на домаќинствата.

Со оваа цена на природен гас која минатата недела беше 3.500 долари за нормален кубен метар, а деновиве има тренд на намалување ако може тоа да се каже и сега чини 2.600 долари треба сериозно да се размисли дали ќе постои и опција со мазут доколку цената е висока. Верувам дека ќе биде обезбеден гас, а и ТЕ-ТО ќе работи во септевмри, рече Бислимоски.

Нагласи дека ТЕ-ТО мора да работи во грејната сезона бидејќи цената што ја дава за греењето е за 60-тина проценти пониска од  цената на топланите, а плус тоа се обезбедува и да нема агадување во градот Скопје.

Работењето на ТЕ-ТО во делот на електричната енергија е неопходно во зимските месеци од технички аспект за да ги стабилизра напонскит еприлики во мрежата. Според мене, не постои опција ТЕ-ТО да не работи во текот на змеиските месеци, потенцира Бислимоски и додаде дека веќе е прогласена кризна сиосотјба во енергетиката и државата ќе најде начин за да функционира системот за топлинска и за електрична енергија.

Регулаторната комисија за енергетика и водни услуги (РКЕ) денеска  донесе вонредна одлука за цените на нафтените деривати со која се намалуваат цените на бензините за два денари, а условот да се намали дизелот се уште не е исполнет, информира претседателот на РКЕ Марко Бислимоски.

Во изминатиот период имаше голем број на шпекулации за начинот на формирање на цените на нафтените деривати. РКЕ ги следи цените на медитеранската берза и за тоа од ПЛАЦ добива потврда за секој нафтен дериват посебно за бензин, посебно за дизел, посебно за екстра лесно, посебно за мазут. Цената на бренд нафтата ние не ја земаме во предвид бидејќи, за жал, во државата немаме рафинерија која што произведува нафтени деривати. Од овие причини со новата методологија ги земаме во предвид цените на бензините посебно, цените на дизелот посебно, посебно на екстра лесното и посебно на мазутот, рече Бислимоски на денешната прес-конференција.

Тој нагласи дека во август имаше драстична промена на односот цена на бензин и на дизел на светски берзи.

За првпат откога го пратиме ние овој сектор, цената на бензините е пониска од цената на дизелот не во Македонија, туку и на светските берзи. Овие податоци од ПЛАЦ коишто ги користиме имаме обврска како што ги преземаме така да ги применуваме. Доколку прекршиме кој било податок добиен од ПЛАЦ ќе бидеме изложени да плаќаме сериозни пенали во милионски суми. Нема теоретска шанса РКЕ да даде котација во еден ден која што е различна на ПЛАЦ. Дополнително истите тие податоци ги користат и сите трговци со нафта и нафтени деривати и доколку приметат дека ние работиме спротивно на податоците од ПЛАЦ ќе имаме сериозни проблеми, појасни Бислимоски.

Како што кажа со истите податоци работат и во Хрватска, во Црна Гора, Србија, Словенија.

Тоа што го објавува ПЛАЦ од медитеранската берза ние го ставаме во нашите пресметки, земајќи го во предвид и курсот на доларот. Факт е дека последниве две-три недели курсот на доларот е речиси залепен до курсот на еврото. И тоа беа главни причини за зголемување на цената на дизелот. Ниту имало идеи намерно да се зголемува цената на дизелот, па заради тоа да се полни буџетот, сето тоа се шпекулации и невистини од највулгарен тип, истакна Бислимоски и додаде дека на овие влезни параметри цена на светски берзи и курс на долар се додаваат давачките коишто се кон државата.

Во овој говор за TEDx во Скопје поддржан од КАРИЕРА.мк е Osei Gyamfi, кој имаше привилегија и чест да го одржи неговиот TEDx говор со приемчива група во Македонија. Osei Gyamfi споделува како преку неговата авантура на избор на кариера и помагање на другите да го направат истото, го нашол својот вистински повик и почнал да има влијание околу него.

Еден ден тој се најде во агенција за регрутирање откако разговараше со регрутерите на што му беше понудена работа во нивната фирма. Оттогаш тој не погледна наназад, стана директор на една од дивизиите и менаџер на филијала за големи фирми, а сега е специјалист за регрутирање за Мета (порано познат како Facebook) кој наоѓа врвен талент за да го поттикне Metaverse.

Osei Gyamfi е високо мотивиран поединец со силна работна етика, тимски дух и 7+ години искуство во управувањето со стекнување таленти и регрутирање, како и неговите други вештини за менаџирање и организација.

Целиот говор ОВДЕ

Во насока на континуирано мотивирање на вработените во МВР, издејствувавме зголемување на платите за пет проценти почнувајќи од 1 септември 2022, од Буџетот на МВР, што претставува трето покачување на платите на вработени во МВР, објави министерот за внатрешни работи Оливер Спасовски на неговиот фејсбук профил.

Во 2018 година, појаснува, се издејствува зголемување на платите за околу пет илјади униформирани полициски службеници, притоа овозможувајќи издвојување на работните позиции помлад полицаец, полицаец и виш полицаец од останатите вработени.

Со ова за првпат е извршено зголемување на бодови за полициски службеници за 10 и 20 бодови за работната позиција „полицаец“, од категориите Е5, Е4, Е3 и Ж5, Ж4 и Ж3, за што во Буџетот на Министерството за внатрешни работи за 2019 година побарани се и одобрени парични средства за исплата на зголемување на плата во износ од 80.000.000 денари на годишно ниво за 4.821 униформиран вработен. Посебно значајно за ова раководство на МВР е што вакво зголемување за основната компонента полицаец се остварува за првпат од 1991 година па наваму, напиша Спасовски.

Второто покачување следуваше во септември 2019 година, при што платата на вработените во МВР беше зголемена за пет проценти, а за спроведување на ова зголемување беше зголемена вредноста на бодот од 26,09 денари на 27,72 денари.

Исто така, со зголемување на платите од 30 отсто, пишува Спасовски на фејсбук, се опфатени 100 лица од Одделот за информатика и телекомуникации и тоа сметано од 01.01.2020 година.

Министерството за внатрешни работи се реши на овој чекор токму од причина да се мотивираат овие кадри да не заминуваат од министерството и соодветно да придонесат на позициите за кои се ангажирани, објави министерот.

Меѓудругото, во 2020 и 2021 година, благодарение на домаќинското работење и остварените заштеди во Буџетот, оценува Спасовски, беа обезбедени средства за доброволна исплата на бонус плата за оствaрени над 150 часа прекувремена работа на годишно ниво во текот на 2017 и 2018 година, во вкупен износ од околу 97.995.636 денари, и тоа: бонус плата за 2017 за 1.819 вработени во вкупен износ од 46.339.025 денари и бонус плата за 2018 за 1.916 вработени во вкупен износ од 51.680.268 денари.

И во 2021 година е извршена исплатата на бонус плата за вработени во МВР за остварени прекувремени часови во 2020 година, при што се исплатени 4.502 вработени, во вкупен износ од 135.969.404 денари. Покрај ова, за припадниците на Одделот за специјални полициски операции отпочна исплатата на патни трошоци за оние кои живеат надвор од градот Скопје, како и исплата на дневници за службени патувања.

Со најновиот Колективен договор, потсетува министерот Спасовски, донесени се одлуки кои значат финансиско зголемување за вработените во МВР.

Пет проценти исплата за домашно дежурство за неуниформирани полициски службеници, исплата на јубилејна награда за 10 години непрекината работа во МВР, исплата на еднократна помош од 100 евра во денарска противвредност за новородено дете, за припаднички на МВР, исплата на надоместок за ментор за успешно спроведена менторска програма, исплата за надоместок на храна за ноќна работа, а во 2021 година исплатени се 259 вработени во вкупен износ од 6.149.195 денари, напиша Спасовски.

Дополнително, во согласност со новиот Закон за минимална плата, за сите вработени во Министерството за внатрешни работи, на кои им се исплаќа платата врз основа на Законот за внатрешни работи и Колективниот договор, минималната бруто-плата изнесува 26.800 денари. Тоа значи дека платата за вработените во МВР за најниското работно место со статус на овластени лица и полициски службеници, во согласност со систематизацијата на МВР, е над предвидената минимална плата.

Од полициските службеници кои беа доведени во состојба на супстандардни услови, без потребна опрема и униформи, објави на фејсбук министерот Спасовски, создадовме мотивирана полиција која работи во интерес на граѓаните и државата.

Тој најавува дека продолжуваат и во наредниот период со уште поголема енергија да ги воспоставуваат европските стандарди во полицијата за да можат да претендираат на уште подобри резултати во работењето.