Богатството на Марк Закерберг падна за 11 милијарди долари откако компанијата Мета објави разочарувачки приходи втор квартал по ред. Ова му донесе вкупна загуба на богатство на повеќе од 100 милијарди долари за само 13 месеци.

Мета објави втор квартал по ред на пад на приходите оваа недела. Компанијата се бореше да излезе на врвот откако инвестираше 70 милијарди долари во Metaverse, нејзиниот извонреден виртуелен свет кој е исмеан затоа што не привлекува корисници, пишува Daily Mail.

Компанијата исто така е погодена од падот на продажбата на реклами бидејќи се соочува со конкуренција од неверојатно популарната видео апликација на TikTok.

Компанијата Менло Парк, Калифорнија, заработила 4,4 милијарди долари, или 1,64 долари по акција, во трите месеци кои завршија на 30 септември. Тоа е пад од 52 отсто од 9,19 милијарди долари или 3,22 долари по акција, во истиот период претходната година.

Приходите се намалија за 4 отсто на 27,71 милијарди долари од 29,01 милијарди долари, нешто повеќе отколку што предвидуваа аналитичарите од 27,4 милијарди долари. Според FactSet, аналитичарите очекуваа профит од 1,90 долари по акција, во просек.

Се трошат пари на метаверзум

Некои од инвеститорите на компанијата се загрижени дека Мета троши премногу пари и ги збунува луѓето со својот фокус на метаверзумот, концептот на виртуелна, мешана и проширена реалност.

Мета и Закерберг , исто така, навестија дека ќе има дополнителен пад на продажбата во текот на тековниот квартал, во суштина потврдувајќи дека падот ќе биде тренд, а не аномалија.

Иако се соочуваме со краткорочни предизвици во однос на приходите, темелите се таму за враќање на посилен раст на приходите. Се приближуваме до 2023 година со фокус на поставување приоритети и ефикасност кои ќе ни помогнат да се движиме во тековната средина и да станеме уште посилна компанија – се вели во соопштението.

Мета вели дека нивото на вработени ќе остане приближно исто како во тековниот квартал, што е промена во однос на ланскиот двоцифрен раст на работната сила.

Компанијата заклучно со 30 септември имаше околу 87.000 вработени, што е зголемување од 28 отсто во однос на претходната година.

Австриската работна комора (АК) предупредува дека поскапувањето на храната полека излегува од контрола, бидејќи и најевтините производи поскапуваат.

Тековното истражување на АК укажува на големо зголемување на цените на неделно ниво за купување поевтини намирници, аптекарски производи и стоки од познати брендови.

За многу граѓани домашниот буџет стана недоволен, а многумина веќе живеат на работ на сиромаштија, па се почесто се купуваат поевтини производи. Но, и тие поволни производи станаа многу поскапи од порано - изјави од Габриеле Згубиќ, претставник на Здружението за заштитата на потрошувачите на АК.

Таа посочува дека според АК има драстично зголемување на цената од 194 отсто на поевтиното сончогледово масло и 118 отсто на поповолното брашно.

Лани во септември литар сончогледово масло произведено од „Клевер“ се продаваше по цена од 1,19 евра, а една година подоцна најприфатливо сончогледово масло беше од брендот Сониголд по цена од 3,50 евра, што е зголемување за 194,1 отсто.

Што се однесува до брашното, килограм брашно од марка „Хепи берба“ лани чинеше 0,39 евра, а годинава 0,85 евра што е зголемување за 117,9 отсто.

Најдрастично поскапување е забележано кај отстранувачот на лак за нокти, бидејќи најевтиниот производ чинел 0,48 евра во јануари, а во септември цената скокнала на 3,93 евра, што е зголемување за цели 718,8 отсто, наведува АК.

Бензинот ЕУРОСУПЕР БС-98 поскапува за два денара од ноќеска на полноќ и литар ќе чини 90 денари.  Не се менуваат малопродажните цени на ЕУРОСУПЕР БС-95, како и на ЕУРОДИЗЕЛ (Д-Е V), Екстра лесното масло за домаќинство на (ЕЛ-1) и на Мазутот М-1 НС, одлучи денеска Регулаторната комисија за енерегетика и водни услуги.

Литар ЕУРОСУПЕР БС – 98 и понатаму ќе чини 92,5 денари,  100 денари ЕУРОДИЗЕЛ БС (Д-Е V), а 97 денари Екстра лесното 1 (ЕЛ-1).

РКЕ одлучи да ги зголеми малопродажните цени на нафтените деривати во просек за 0,44 проценти во однос на вчерашната одлука.

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,317 проценти, кај дизелот намалување за 0,078 проценти, кај екстра лесното масло зголемување за 0,110 проценти  и кај мазутот зголемување е за 0,802 проценти.  Курсот на денарот во однос на доларот во изминатиот период по кој беа формирани цените со претходната пресметка е понизок за 0,444 проценти, информира РКЕ.  

Поговорката вели дека се е работа на договор, но малку кој се држи до неа. Многумина во преговори се впуштаат без страв, други со резерва, а трети пак не се ни обидуваат да преговараат. Преговорите се составен дел од секојдневието. Еве неколку практични совети како да ги подобрите своите техники на преговарање и да ги свртите работите во своја корист.

Делете комплименти
Пред да преминете на главното, обидете се да го “омекнете” соговорникот. Бидете љубезни, веројатноста да го добиете тоа што го сакате е поголема.

Прашајте дали постојат исклучоци
Дури и ако соговорникот цврсто стои на својот став, не се откажувајте. Следно што треба да направите е да прашате дали постојат исклучоци и дали никогаш до сега не отстапил од договореното.

Понудете решение
Кај преговарањето понекогаш е важно да знаете точно да го составите и да го кажете тоа што го сакате. Ако, на пример, се жалите на услугите на некоја компанија, понудете им предлог како да се реши проблемот. Ако не го прифатат вашиот предлог, ќе мораат да ви понудат алтернативно решение.

Повикајте се на правилата
Ако, на пример, се обидувате да решите проблем со некој продавач затоа што се чувствувате измамени, инсистирајте вашиот соговорник да ви ја објасни политиката на работењето или поставените стандарди на стоката што ја продава, притоа потсетувајќи го колку долго сте негов потрошувач. Поставувајте прашања како “Дали е тоа официјален став на компанијата?” или “Како ќе ја вратите мојата доверба?”

Бидете самоуверени
Кај преговорите, покрај пријателскиот настап и насмевка, секогаш е важно до крај да останете самоуверени и сталожени. Дури и во ситуации кога вашиот соговорник ќе почне да ви се обраќа на повисок тон, останете мирни.

Моќта на тишината
Бројните искуства велат дека некогаш, откако во преговорите ќе слушнете “не”, неколку секунди молчење од ваша страна можат да бидат многу корисни.