Менаџерот за човечки ресурси на Мета, Лори Голер рече дека вработените кои ќе останат без работа ќе добијат најмалку четири месеци плата.

Мета платформата ќе почне да отпуштаат вработени од денеска, изјави извршниот директор Марк Цукерберг, пренесува Wall Street Journal.

Според њујоршкиот весник, се очекува да бидат отпуштени илјадници вработени, што ќе биде најголемото отпуштање во технолошкиот сектор оваа година.

Весникот додава, повикувајќи се на свои доверливи извори, дека Цукерберг се појавил вознемирен на состанокот и рекол дека е одговорен за погрешните чекори на компанијата.

Тој исто така изјавил дека неговиот преголем оптимизам во однос на растот довел до прекумерен број вработени, пренесува Ројтерс. Менаџерот за човечки ресурси на Мета, Лори Голер, рече дека вработените кои ќе останат без работа ќе добијат отпремнина најмалку четири месеци.

Според податоците на Мета, компанијата на крајот на септември имала повеќе од 87.000 вработени.

Со новиот Закон за заштита на потрошувачи кој беше изгласан во Собранието, а треба да стапи на сила од идната недела, сезонски попусти ќе има само два пати годишно.  Сезонско намалување продавниците ќе имаат:само во периодот помеѓу 25 август и 25 септември во тековната година, и зимско сезонско намалување во периодот помеѓу 25 декември од тековната и 25 јануари од наредната година.

Во новите законски решенија се издвојуваат нечесните, измамничките и агресивните трговски практики за кои се предвидуваат и повисоки санкции, со цел да се спречи и нелојалната конкуренција и профитерство на грбот на потрошувачите.

Акција за еден или повеќе производи ќе може да трае најмногу 30, а промоција само 8 дена. Белата техника или друг производот же може да се замени со нов ако два пати се расипе од иста причина во гарантен рок. Трговецот нема да смее да го вознемирува потенцијалниот купувач и да го наведува да купи производ кој вообичаено не би го купил.

Почетокот на попустот на одреден производ ќе мора да се назначи со датум. Трикратно прелепување на „првичната превисока“ цена за да мислите како сте го начекале производот на трето, четврто намалување, не е дозволено.

Македонија бележи највисока инфлација споредено со земјите од поранешна СФРЈ.

Инфлацијата во земјава е 19.8%, а Словенија има речиси двојно помала инфлација. Исто така, за споредба, во Словенија се и двојно повисоки платите и повисок е животниот стандард. На пример, ннфлацијата кај храната и пијалоците е 32.4% во Македонија, а 17.2% во Словенија.

Слично е и ако се изврши споредба со Србија, каде што инфлацијата е 14% и Хрватска каде се бележи инфлација од 12.8%.

Во Македонија, најмногу се покачени цените на енергенсите, храната и пијалоците. 

Сојузот на синдикати на Македонија континиурано ја следи економската состојба во државата, а посебно од аспект на обезбедување на основни егзистенцијални права за достоинствен животен стандарт на работниците и граѓаните.

Како најголем и репрезентативен синдикат загрижени сме, и сметаме дека работниците и граѓаните ќе бидат доведени до тешка економска социјална положба, со зголемувањето на инфлацијата во државата. Растот на инфлацијата која од месец за месец е се поголема за месец октомври рекордно достигна до 19,8% што влијае врз намалувањето на куповната моќ на работниците и доведува до осиромашување на целокупното население - изразуваат загриженост од Сојузот на синдикати на Македонија.

Од таму велат дека ја изработиле новата минималната синдикална кошница за месец октомври која достигна до 51 514,00 ден. и истата е зголемена за 1 290,00 ден. од претходниот месец септември кога изнесуваше 50 224,00 ден, а од почетокот на годината јануари 2022 год. порасна за 15 703,00 ден, соопштија од ССМ.

Во споредба со истиот месец октомври претходната година зголемена е за 16.940,00 ден.

Од месец во месец, драстично се зголемуваат трошоците за живот на едно четиричлено семејно домакинство, а платите не го следат истиот раст. Истото го покажува и самата пресметка на синдикалната минимална кошница што ССМ ја пресметува секој месец. Овој процент на инфлацијата за месец септември е нов аларм за синдикатите, затоа што платите не се зголемуваат, но цените и натаму растат и покрај маржите. Затоа ССМ со право бара зголемување на платите на сите вработени како во јавниот така и во приватниот сектор - реагираат од ССМ.