Тешко повреден 77-годишник од Скопје откако го нападнале кучиња од расата питбул, кои биле придружувани од сопственикот.

Од Министерството за внатрешни работи информираат дека случајот бил пријавен на 08.11.2022 околу 11.30 часот во СВР Скопје. Инцидентот се случил на ул.„Франце Прешерн" во Скопје, на кејот на реката Вардар.

Две кучиња од расата питбул, со сопственик, го нападнале Б.С.(77) од Скопје и му нанеле тешки телесни повреди. Во Полициската станица Кисела Вода бил извршен разговор со сопственикот, а кучињата биле одземени и предадени во ЈП „Лајка“ - соопштуваат од МВР.

МВР информира дека по целосно документирање на случајот, во координација со Јавен обвинител, против сопственикот ќе биде поднесена соодветна пријава.

Успешно да се постои на пазарот на труд 30 години е доказ за истрајност, упорност, борбеност и секако добро чувство за бизнис.

„Алфи Би Компани“ со седиште во населбата Карпош, Куманово е една од поретките компании кои неодамна, на 30.10.2022 го прославија својот 30ти јубилеј. Успешната приказна на „Алфи Би Компани“ започнува во далечната 1990 година кога генералниот директор на компанијата, Гоце Серафимовски и неговата сопруга Весна Серафимовска за првпат донесуваат одлуката да основаат сопствен семеен бизнис.

Ваквата одлука ја реализираат во 1992 година кога го основаат трговското друштво под името "Алфи," и ја отвораат првата сервис продавница. Развојот на семејниот бизнис со секоја измината година успешно напредувал и имал свои големи подеми. Па така, во 1995 година бил отворен и првиот продажен простор во центарот на Куманово. Истата година, „Алфи“ започнува и со извоз на резервни делови за апарати за домаќинство на територија на тогашна Југославија.
Успешното раководење на компанијата, донесувањето на решителни одлуки доведуваат до сè поголеми успеси и отворање на нови канцелариски и магацински простории во периодот во 2001 година.

Веќе во 2005 и 2006 година „Алфи“ го завршува процесот на присоединување со „Алфи Би Компани“ и се регистрира како трговско друштво за вработување на лица со попреченост. Со ова се дава целосна, еднаква можност за вработување на лицата со попреченост на различни работни позиции во компанијата кои се прилагодени во зависност од степенот и видот на попреченост на вработените. Компанијата секојдневно работи со лицата со попреченост и дава максимални напори за нивен личен и професионален напредок. „Алфи Би Компани“ има 57 лица со попреченост кои се вработени во сектор продажба, магацин, прием на роба, маркетинг секторот, сектор за човечки ресурси, како и во сектор за постојана грижа за потрошувачите и интернет продажба.

Навраќајќи се на историскиот развој на компанијата, мора да посочиме дека во 2009 година „Алфи Би Компани“ го отвара и првиот Техноцентар во населба Карпош, Куманово, кој го носи името „Алфи Техноцентар“, кој e значаен, препознатлив бренд на територија на Македонија. Во 2010 започнува со развој и сертификација на сопствен бренд fabbygo, со асортиман кој вклучува над 400 различни производи како што се:

- ситни апарати за домаќинство;

- репроматеријали за бела техника;

- шпорети на цврсто гориво и други грејни тела;

- комплетна гарден програма за уредување на дворови;

- и многу други различни производи.

Поточно, fabbygo е синоним за квалитет, изглед и достапна пазарна цена. Веќе во 2019 година, „Алфи Би Компани“ го отвора и вториот Техноцентар, „Алфи Техноцентар“ во населба Автокоманда во Скопје.

Во нивните продажни салони може да најдете голем асортиман од над 50.000 различни продукти - сè што Ви е потребно за Вашиот дом. Успешната приказна на „Алфи Би Компани“ континуирано продолжува, од сервис продавница со еден и единствен вработен, „Алфи Би Компани“ денеска успешно функционира моментално со 122 вработени, со размислување за нови вработувања и постојан развој.

Еден ваков јубилеј секако, не може да помине без оддавање на признание и благодарност за вработените кои своите кариери долги години ги градат токму во „Алфи Би Компани.“ 

Новиот сопственик на „Твитер“, Илон Маск, преку мејл на вработените во компанијата им нагласил дека работата од дома веќе нема да биде дозволена, и оти од нив се очекува да бидат во канцеларија најмалку 40 часови неделно, пренесува „Блумберг“. Ваквиот ултиматум на милијардерот потсетува на слично барање до вработените во неговата фабрика за електрични автомобили „Тесла“ упатено во јуни, но и на практиките во „Спејс екс“, каде што инсистира на 40 работни часа неделно поминати во канцеларија.

Претходното раководство на „Твитер“ им порача на вработените дека можат да се вратат во канцеларија кога ќе посакаат, кога повторно ги отвори службените простории во март. Маск исто така им порачал на вработените дека сака половина од приходите на „Твитер“ да дојдат од претплата.

Маск, претходно побарал од вработените во „Тесла“ да се вратат во канцеларија или да ја напуштат компанијата за производство на електрични автомобили, според службен мејл во кој имал увид „Ројтерс“ во јуни.

Задолжително е сите во „Тесла“ да поминат во канцеларија минимум од 40 часа неделно. Ако не се појавите, ќе сметаме дека сте дале отказ – напишал Маск во тогашната порака.

Тој напоменал дека колку повисока функција извршуваат вработените, толку повидливо ќе биде нивното присуство.

Токму затоа јас живеев во фабриката во толку голема мера, за работниците на лентата да ме видат како работам покрај нив. Да не го сторев тоа, „Тесла“ ќе банкротираше – порачал Маск.

Дел од вработените во „Тесла“ тогаш изразиле незадоволство од последните коментари на Маск.

Ако дојде до масовен егзодус, како ќе завршат проектите на „Тесла“. Мислам дека инвеститорите не би биле среќни – вели еден вработен, додека друг навел дека очекува Маск набргу да го смени ставот.

Големите технолошки фирми во Силиконската долина не бараат од вработените да се вратат со полно работно време во канцеларија, поради отпорот на дел од вработените и зголемувањето на бројот на случаи на коронавирус во американската сојузна држава Калифорнија. Седиштето на „Тесла“ е во Остин, во сојузната држава Тексас, но една од фабриките се наоѓа во Сан Франциско, во Калифорнија.

Министерот за економија Крешник Бектеши денеска на брифинг со новинарите информираше дека согласно информациите и очекувањата од компаниите од прехранбената индустрија, во наредниот период се очекува намалување на цените на основните прехранбени производи.

Очекуваме намалување на цените на основните прехбранбени производи од 5 до 12 проценти во наредните 10 дена. Солгасно Одлуката на Владата со која компаниите од прехранбената индустрија ќе добијат двојно пониска цена на електрична енергија, согласно нивните проекции очекуваме пониски цени за престојните празници на основните прехранбени производи, односно цените да се намалат пред новогодишните и верските празници„ кажа министерот економија Крешник Бектеши на денешниот брифинг со медиумите.

Министерот исто така информираше дека до крајот на неделата ќе биде донесена Одлука за проширување на списокот на компании од прехранбената индустрија кои ќе имаат субвенционирана цена на електрична енергија.

Списокот ќе биде проширен. Ќе ги внесеме и компаниите од секторот одгледување на молзни крави, говеда и одгледување на свињи за да се затвори кругот при производство на месото и млекото. Тоа ќе одигра улога во крајната цена за потрошувачите. Од 1. декември очекуваме и поголеми поевтинувања, ако суровините останат со увозните цени кои се во момнетов кажа министерот и потенцираше дека листата на сите компании кои ќе добијат субвенционирана струја ќе се достави до Државниот пазарен инспекторат и ќе се направат соодветните контроли.

Ги повикувам потрошувачите и граѓаните, доколку утврдат дека нема намалување на овие производи согласно процентите, да пријават во Државниот пазарен инспекторат се со цел да намалат и тие цени и залихи кои се направени од одредени компании, кажа министерот Бектеши.

Во однос на очекувањата за цените на парното и на струјата после Нова година министерот кажа дека не очекува драстичен раст.

Граѓаните да бидат спокојни. До крајот на грејната сезона нема да имаат никаков проблем во делот на снабдување со топлинска и со електрична енергија. Нема да има ниту драстично зголемување на цените од 1 јануари и за парното и за струјата зашто ги правиме соодветните анализи и проекции. Веќе Регулатрорната комисија за енергетика е подготвена со сите податоци за утврдување на цената за наредните шест месеци од идната година. Значи, до крајот на декември ќе го завршат овој процес и очекуваме да нема драстично зголемување. Поместувања секогаш се очекува да има, но тие се прават и во надолна и во нагорна линија. Треба да ги имате предвид двете опции, а дали ќе биде надолу или нагоре ќе одлучи РКЕ, а поместувањето може да биде и надолу, истакна Бектеши.