Рестрикции на струја нема да има, нѐ уверуваа со месеци од Владата, но можно е да нема струја поради дефекти, признаа денеска од Илинденска.

Имено, како што посочија од Владата, поради дополнителната оптовареност што се очекува на енергетските производни капацитети, зависно од временските услови и од зголемената потрошувачка на струја, во наредниот период се можни неочекувани испади (во електричната мрежа). Состојбата, велат, се следи, а за преземените мерки граѓаните навреме ќе бидат информирани.

Мораме да имаме во предвид дека државата во моментот располага со енергетски капацитети кои се стари повеќе од половина век. Во периодот што следува заради временските услови и заради зголемената потрошувачка на електрична енергија овие производните објекти дополнително ќе бидат оптоварени и можни се неочекувани испади. Состојбата секојдневно се следи и ќе се следи, а за преземените мерки граѓаните навреме ќе бидат информирани, изјави денеска на прес-конференција Виктор Андонов – советник за енергетика во Кабинетот на премиерот.

Како што соопшти, вчерашниот биланс покажува дека вкупното производство на електрична енергија од ЕСМ изнесува 10.756 мегават часа на електрична енергија, од кои 7.800 се произведени во термоелектраните, додека останатите 2.956 од обновливи извори на енергија, односно од хидроелектраните и од ветерниот парк.

Како што беше најавено, 2.400 мегават часови се обезбедени од набавката на електрична енергија, додаде Андонов.

Тој повторно апелираше да се штеди струја.

Граѓаните, компаниите и институции да посветат уште поголемо внимание на штедење на електрична енергија. Да не се опуштаме во периодот што ни претстои. Мораме да бидеме внимателни, одговорни и рационални, порача тој.

На прес-конференцијата, Андонов ги повика субјектите од прехранбениот сектор, комуналните дејности и образовните институции да се пријават за субвенционирана електрична енергија која ќе ја добиваат од ЕСМ продажба.

Со одлука на Владата, прехранбениот сектор, односно производството на основни продукти, млеко, месо, леб, масла и друго, ќе добиваат електрична енергија по цена од 80 евра за мегават час, со цел намалување на основните продукти за живот.

Намалувањето на цените на некои од овие продукти веќе може да се забележи, а истото е пренесено и од дел од медиумите. Ова е дел од ветувањето на Владата дека храна оваа зима ќе има за сите. Навремено се преземаат сите мерки за стабилизација и намалување на цените и даваат резултат, рече Андонов, потсетувајќи дека комуналните претпријатија кои вршат дејност снабдување со вода, како и основните и средните училишта ќе добиваат електрична енергија по цена од 95 евра за мегават час.

Извор: МИА

Славица Јанковиќ (49) од Хрватска ги оставила зад себе патиштата на Србија, Босна и Херцеговина, па дури успеала да вози до Англија. Самохраната мајка на четиринаесетгодишната Милица пред шест години поради здравствени проблеми морала да ја напушти работата во месарница, а потоа и се отворила можност да ја започне својата „работа од соништата“.

Кога бев дете, застанував со велосипедот и ги гледав камионите додека не исчезнеа на хоризонтот. Во конкуренција од 70 кандидати бев меѓу петте кандидати на кои ЕУ ќе им ги покрие трошоците за преквалификација и така почна се – вели Славица за Вечерњи.хр.

Имено, таа веќе била запознаена со помалите камиони, бидејќи во животот правела секакви работи, а со години возела комбе со роба која потоа ја продавала.

Заминување за Англија

Откако се преквалификувала, заминала во Англија, каде живее нејзината сестра, а набрзо побарала дозвола да вози по нивните патишта. Потоа дојде нејзината прва работа, која беше добро платена, но нејзината ќерка не можеше да се навикне на новиот начин на живот, па поради болеста на нејзините родители реши да се врати во Хрватска.

Можам да кажам дека не се покајав и дека работам работа што ја сакам. Работам за многу помалку пари, но ќерка ми е среќна и задоволна, а јас сум блиска со татко ми кој е болен. Едноставно уживам во возењето и ништо не ми е тешко. За доброто на ќерка ми и болниот татко, само побарав од сопственикот на фирмата да возам тури каде што не морам да спијам за да можам да се вратам дома до вечер. Тие се трудат да ме запознаат, за што сум благодарна и тоа многу ми значи - истакнува Славица Јанковиќ.

Сепак, ќе се излажете ако не кажете дека зад воланот на 17 метарски шлепер и под товар од 40 тони, нема стрес. Како што вели, најтешко и е чекањето на границите, а раскажува иа за тоа кога и пукнала гума во текот на ноќта, како и кога возела по снег и мраз. Славица беше номинирана за најдобар работник за оваа година, а во конкуренција од 780 пријавени влезе во првите десет кандидати.

ФОТО: EPA-EFE/DENIS CHARLET

Тешко повреден 77-годишник од Скопје откако го нападнале кучиња од расата питбул, кои биле придружувани од сопственикот.

Од Министерството за внатрешни работи информираат дека случајот бил пријавен на 08.11.2022 околу 11.30 часот во СВР Скопје. Инцидентот се случил на ул.„Франце Прешерн" во Скопје, на кејот на реката Вардар.

Две кучиња од расата питбул, со сопственик, го нападнале Б.С.(77) од Скопје и му нанеле тешки телесни повреди. Во Полициската станица Кисела Вода бил извршен разговор со сопственикот, а кучињата биле одземени и предадени во ЈП „Лајка“ - соопштуваат од МВР.

МВР информира дека по целосно документирање на случајот, во координација со Јавен обвинител, против сопственикот ќе биде поднесена соодветна пријава.

Успешно да се постои на пазарот на труд 30 години е доказ за истрајност, упорност, борбеност и секако добро чувство за бизнис.

„Алфи Би Компани“ со седиште во населбата Карпош, Куманово е една од поретките компании кои неодамна, на 30.10.2022 го прославија својот 30ти јубилеј. Успешната приказна на „Алфи Би Компани“ започнува во далечната 1990 година кога генералниот директор на компанијата, Гоце Серафимовски и неговата сопруга Весна Серафимовска за првпат донесуваат одлуката да основаат сопствен семеен бизнис.

Ваквата одлука ја реализираат во 1992 година кога го основаат трговското друштво под името "Алфи," и ја отвораат првата сервис продавница. Развојот на семејниот бизнис со секоја измината година успешно напредувал и имал свои големи подеми. Па така, во 1995 година бил отворен и првиот продажен простор во центарот на Куманово. Истата година, „Алфи“ започнува и со извоз на резервни делови за апарати за домаќинство на територија на тогашна Југославија.
Успешното раководење на компанијата, донесувањето на решителни одлуки доведуваат до сè поголеми успеси и отворање на нови канцелариски и магацински простории во периодот во 2001 година.

Веќе во 2005 и 2006 година „Алфи“ го завршува процесот на присоединување со „Алфи Би Компани“ и се регистрира како трговско друштво за вработување на лица со попреченост. Со ова се дава целосна, еднаква можност за вработување на лицата со попреченост на различни работни позиции во компанијата кои се прилагодени во зависност од степенот и видот на попреченост на вработените. Компанијата секојдневно работи со лицата со попреченост и дава максимални напори за нивен личен и професионален напредок. „Алфи Би Компани“ има 57 лица со попреченост кои се вработени во сектор продажба, магацин, прием на роба, маркетинг секторот, сектор за човечки ресурси, како и во сектор за постојана грижа за потрошувачите и интернет продажба.

Навраќајќи се на историскиот развој на компанијата, мора да посочиме дека во 2009 година „Алфи Би Компани“ го отвара и првиот Техноцентар во населба Карпош, Куманово, кој го носи името „Алфи Техноцентар“, кој e значаен, препознатлив бренд на територија на Македонија. Во 2010 започнува со развој и сертификација на сопствен бренд fabbygo, со асортиман кој вклучува над 400 различни производи како што се:

- ситни апарати за домаќинство;

- репроматеријали за бела техника;

- шпорети на цврсто гориво и други грејни тела;

- комплетна гарден програма за уредување на дворови;

- и многу други различни производи.

Поточно, fabbygo е синоним за квалитет, изглед и достапна пазарна цена. Веќе во 2019 година, „Алфи Би Компани“ го отвора и вториот Техноцентар, „Алфи Техноцентар“ во населба Автокоманда во Скопје.

Во нивните продажни салони може да најдете голем асортиман од над 50.000 различни продукти - сè што Ви е потребно за Вашиот дом. Успешната приказна на „Алфи Би Компани“ континуирано продолжува, од сервис продавница со еден и единствен вработен, „Алфи Би Компани“ денеска успешно функционира моментално со 122 вработени, со размислување за нови вработувања и постојан развој.

Еден ваков јубилеј секако, не може да помине без оддавање на признание и благодарност за вработените кои своите кариери долги години ги градат токму во „Алфи Би Компани.“