Новиот извршен директор на „Твитер“, Илон Маск, им рекол на вработените дека мора да се обврзат да работат „долги часови со висок интензитет“ или во спротивно ќе ја напуштат компанијата.

Во порака до персоналот, новиот сопственик на фирмата напишал дека работниците треба да се согласат со ветувањето доколку сакаат да останат, објави Вашингтон пост.

Маск соопшти дека Твитер „ќе треба да работи исклучително хардкор“ за да успее.

Ова ќе значи работа со долги часови со висок интензитет. Само исклучителните перформанси ќе претставуваат преодна оценка, рече тој.

Најбогатиот човек на светот веќе објави дека половина од персоналот на Твитер ќе бидат отпуштени, откако ја купи компанијата во договор од 44 милијарди долари.

„Невера“ им се испорачува на купувачите со најголема брзина од 350 километри на час.

„Римац Невера“ развила брзина од 412 километри на час, што го прави овој модел најбрз електричен сериски автомобил на светот, пренесува „Аутоблог“.

Како што објаснуваат од компанијата, посебно барале патека со овален облик со доволно долги рамнини за да и овозможи на „Невера“ да развие максимална брзина.

”Невера“, при поставувањето на рекордот, е поставена во таканаречен „Top Speed Mod“, создавајќи аеродинамички профил кој го урамнотежува отпорот и ја потиснува силата за да се обезбеди стабилност при големи брзини, се наведува во соопштението и се додава дека „Невера“ била опремена со „Michelin“ гуми „Cup 2 P“, со надзор на техничари од „Michelin“ кои ја провериле нивната состојба.

Зад воланот бил Мирослав Зрнчевиќ, главен тестен и развоен возач, соопштиле од компанијата.

Излегувајќи од овалниот дел на патеката од свиокот, патувајќи со околу 250 км/ч, Мирослав ја ослободи полната сила на „Невера“ за да достигне брзина од 412 километри на час – точно колку што е симулирано на почетокот на проектот, објаснуваат од „Rimac Automobile“.

Постигнатата брзина ја прави „Невера“ најбрз сериски електричен автомобил, односно тоа е најголема брзина некогаш забележана на патеката „Automotive Testing Papenburg“. Брзината е измерена со помош на „Racelogic B-Box“, високо прецизен мерен уред базиран на GPS, стои во соопштението.

Производството е во седиштето на „Rimac“ во Јанкомир, а првите клучеви веќе ги добиле купувачите ширум светот.

Под слоганот „Штедиме заедно денес за да имаме утре“, Владата од денеска преку информативно едукативни активности ќе ги мотивира граѓаните да штедат струја. Ќе презентира корисни информации како граѓаните поефикасно да ја користат електричната енергија и на тој начин да штедат.

Енергетски ефикасните сијалици заштедуваат и до 90 проценти електрична енергија. Одржувањето на тепературата на 22 степена, наместо на 25 степени, заштедува до 10 проценти електрична енергија. Краткото туширање заштедува вода, струја и пари на вашата сметка, рече портпаролот на Владата Душко Арсовски наведувајќи примери со кои преку едукативните активности планираат да поттикнат штедење струја.

Според некои експертски анализи, наведе Арсовски, доколку се почитуваат овие и други препораки, може да се заштеди струја и до 50 проценти.

Порака за штедење упати и Виктор Андонов, соработник на Владата за енергетика, истакнувајќи дека во овој процес се многу важни граѓаните, институциите и компаниите и оти секој треба да направи мала промена во домот или на работното место кое ќе значи многу за енегетскиот систем.

Енергетскиот биланс за производството на струја од ЕСМ покажува дека вчера потребите на домаќинствата и на малите потрошувачи се задоволени со домашно производство од 10 786 мегават часови и набавена струја во износ од 3 110 мегавачт часови. Во термоелектраните се произведени 7 834 мегават часови, а од обновливи извори на енергија 2 952 мегават часови струја.

Владата  донесе План за штедење со конкретни насоки за сите органи на државната управа, а заштедата на државните институции што почнаа да го применуваат планот од 1 септември,како што беше објавено, изнесува 20 проценти.

Реномираната организација TÜV SÜD од Германија објави нов извештај за техничките прегледи на автомобилите извршени во периодот од јули 2021 до јуни 2022 година.

TÜV прегледал вкупно 9.583.319 возила во сите возрасни групи, а дури 20,2 отсто од автомобилите имале значителни недостатоци (систем за управување, кочење, мотор…), што е за 2,3 процентни поени повеќе од претходната година.

За прв пат просечната старост на еден автомобил е повеќе од десет години, а освен што возилата се во просек постари, експертите од TÜV SÜD гледаат и ограничени домашни буџети како причина за намалување на трошоците за одржување и како резултат на тоа, повеќе дефекти.

Севкупниот победник на извештајот TÜV за 2023 година е Mercedes B-Class, додека Dacia Logan е на последното место. Мерцедес Б-класата е рангирана на прво место со просечна значајна стапка на дефекти од само два проценти, а потоа следи Mercedes GLC (2,3 проценти).

На крајот од табелата повторно е Dacia Logan, а од малите возила треба да ги пофалиме Honda Jazz и Mazda 2, како и Suzuki Vitara.

По единаесет години старост на возилата, ниту еден од моделите на Mercedes-Benz, BMW и Audi не е на првите позиции, што веројатно се должи на нивната употреба како службени автомобили со голема километража.

Просечната Е-класа има пројдено просечни 176.000 km, што е значително повисоко од B-Class или Golf Sportsvan/Plus со просечни 105.000 km. Доколку купувате користен автомобил во Германија, оваа информација може да ви биде и водич.

ВОЗИЛА СО НАЈМАЛКУ ГРЕШКИ

ДО 3 ГОДИНИ (МОДЕЛ/ ПРОЦЕНТ НА ​​ГРЕШКА)

• Mercedes B-Class 2,0 %
• Mercedes GLC 2,3%
• VW Golf Sportsvan 2,3%
• Audi Q3 2,4%
• Audi Q2 2,6%
• Porsche Cayenne 2,6%
• VW T-Roc 2,6%
• Honda Jazz 2,7%
• Mercedes A-Class 2,8%
• Hyundai ix20 3,0 %
• Suzuki Vitara 3,0%
• Volvo V40 3,0%

ДО 5 ГОДИНИ

• Porsche 911 2,7 %
• Mercedes SL 4,1 %
• Audi Q2 4,5 %
• Mazda CX-3 4,6 %
• VW Golf Sportsvan 4,6 %
• Mercedes B-Class 4,7 %
• Mazda 2 5,3 %
• Audi Q5 5,4 %
• Audi Q3 5,5 %
• Honda Jazz 5,5 %
• Mercedes A-Class 5,6 %
• Toyota C-HR 5,6 %

ДО 7 ГОДИНИ

• Porsche 911 3,5 %
• Suzuki Vitara 7,2 %
• VW Golf Sportsvan 7,3 %
• Mercedes B-Class 7,8 %
• Porsche Cayenne 7,9 %
• Audi TT 8,3 %
• Mazda 2 8,5 %
• Suzuki SX4 8,8 %
• Mercedes A-Class 9,0 %
• Hyundai i20 9,1 %
• Opel Karl 9,1 %

ДО 9 ГОДИНИ

• Porsche 911 4,6 %
• Audi TT 9,4 %
• Mercedes SLK 10,3 %
• Mercedes B-Class 11,0 %
• Porsche Cayenne 11,1 %
• Mercedes A-Class 11,7 %
• Mini Countryman 12,3 %
• Mitsubishi ASX 12,3 %
• VW Golf Plus 12,4 %
• VW Touareg 12,7 %

ДО 11 ГОДИНИ

• Porsche 911 6,6 %
• Audi TT 11,6 %
• Mercedes SLK 12,2 %
• Mini Countryman 13,9 %
• Mercedes B-Class 14,2 %
• Porsche Cayenne 14,8 %
• Mitsubishi ASX 16,1 %
• VW Touareg 16,5 %
• BMW X1 16,7 %
• Honda Jazz 17,2 %

ВОЗИЛА СО НАЈМНОГУ ГРЕШКИ

ДО 3 ГОДИНИ

• Dacia Logan 11,6 %
• Dacia Dokker 10,8 %
• VW Sharan 9,4 %
• Citroen C3 Aircross 9,4 %
• BMW X5/X6 8,8 %
• Dacia Duster 8,7 %
• Dacia Sandero 8,5 %
• Seat Alhambra 8,2 %
• Opel Crossland 8,2 %
• Ford Galaxy 8,1 %

ДО 5 ГОДИНИ

• Dacia Duster 18,0 %
• VW Sharan 17,1 %
• BMW Serije 2 Active Tourer 16,7 %
• Seat Alhambra 16,6 %
• Dacia Dokker 16,1 %
• BMW X5/X6 15,9 %
• Fiat Punto 15,6 %
• Dacia Logan 15,1 %
• BMW X1 14,8 %
• Fiat Tipo 14,6 %
• ДО 7 ГОДИНИ
• Dacia Duster 24,4 %
• Dacia Dokker 24,4 %
• BMW 5/6 23,8 %
• Dacia Logan 23,5 %
• Fiat Punto 22,5 %
• Dacia Sandero 21,6 %
• BMW X5/X6 19,7 %
• Ford Ka 19,6 %
• Renault Megane 19,5 %
• BMW 2 Active Tourer 19,5 %
• ДО 9 ГОДИНИ
• Dacia Logan 32,9 %
• Fiat Punto 31,1 %
• Dacia Duster 28,4 %
• Ford Mondeo 28,0 %
• Renault Twingo 27,2 %
• Nissan Juke 27,1 %
• Renault Megane 26,7 %
• Ford Galaxy 26,6 %
• Nissan Micra 26,2 %
• Ford Ka 26,2 %

ДО 11 ГОДИНИ

• Renault Clio 36,4 %
• Renault Twingo 35,9 %
• Dacia Logan 35,6 %
• Dacia Sandero 35,0 %
• Nissan Juke 33,8 %
• Fiat Panda 33,8 %
• Fiat Punto 33,5 %
• Renault Megane 32,9 %
• Nissan Qashqai 32,5 %
• Peugeot 207 31,6 %