Цените на дизел горивото и на маслото за горење од ноќеска на полноќ се намалуваат за два денара по литар, а мазутот поевтинува за 1,263 денари по килограм одлучи денеска Регулаторната комисија за енергетика и водни услуги (РКЕ). Со одлуката се врши намалување на малопродажните цени на нафтените деривати во просек за 1,5 отсто.

Новата малопродажна цена на ЕУРОДИЗЕЛ (Д-Е V) ќе изнесува 88 денари за литар, а на Екстра лесното масло за домаќинство (ЕЛ-1) 83,5 денари, додека Мазутот М-1 НС ќе чини 41,783 денари за килограм. Бензините ЕУРОСУПЕР БС – 95 и ЕУРОСУПЕР БС – 98, пак, и понатаму ќе се продаваат за 86,5, односно за 88,5 денари за литар.

ОД РКЕ посочуваат дека референтните цени на нафтените деривати на светскиот пазар во споредба со претходната пресметка бележат намалување кај бензините во просек за 1,789 отсто, кај дизелот за 4,373, кај екстра лесното за 4,239 и кај мазутот за 4,249 отсто. Курсот на денарот во однос на доларот е повисок за 0,252 отсто. 

Американската Стопанска Комора во Северна Македонија (АмЧам Северна Македонија) го одржа своето 22-ро Генерално Собрание на кое беа избрани четири нови членови на Одборот на Директори и беше направен преглед на најзначајните реализирани проекти и активности од годината што изминува.

На Собранието се обрати Амбасадорката на САД во земјава Н.Е. Ангела П. Агелер, која во нејзиниот говор им се заблагодари на членките на АмЧам и истакна дека тие претставуваат значајна врска која ги спојува економиите на САД и Северна Македонија, и им посака успешна работа и уште многу реализирани активности со кои ќе се поддржи развојот на локалната економија и воспостави регионалната соработка, како клучен фактор за понатамошен развој на целиот регион.

Претседателот на Одборот на Директор на АмЧам, Драган Давитков во своето обраќање се осврна на важноста од насочена соработка меѓу различните чинители во државата и развојот на одржливи регионални партнерства и иницијативи: “Како бизнис асоцијација ние сме ориентирани кон градење на партнерства со владата, бизнисите и меѓународните организации, но исто така и со невладиниот сектор и донаторската заедница. Ние веруваме дека само со здружени напори, усогласени приоритети, транспарентни процеси и мерливи резултати можеме да се издигнеме над кризите кои што светот ги искусува” - рече Давитков, додавајќи дека: “ние како земја долго време зборувавме за важноста на градење мостови, а сега е времето да почнеме да преминуваме преку тие мостови и да ги оствариме зацртаните цели”.

Во работниот дел на Генералното собрание, покрај останатите тековни одлуки, повеќе од 70 членки на асоцијацијата гласаа и за избор на нови членови на Одборот на директори на АмЧам Северна Македонија. Со најмногу гласови од присутните, мандатот од две години им беше доделен на кандидатите: Андреј Петрески (Cisco), Иван Новаковски (НОВА), Ламбро Патче (Пивара Скопје) и Славко Пројкоски (Македонски Телеком).

Пред членките на асоцијацијата беа претставени и извештаи за тековното работење, а Извршната директорка на АмЧам Северна Македонија, Јелена Арсовска, менаџерот за политики Бобан Брагорски, заедно со претседавачите на секторските комисии Андреј Петрески, Фросина Гечева Кочова и Александра Ивановска, направија преглед на најзначајните проекти и активности кои беа реализирани во изминатата година и претставија дел од темите на кои ќе биде посветено значајно внимание во периодот што претстои.

Членките на асоцијацијата ја потврдија заложбата дека АмЧам Северна Македонија продолжува да работи на подобрување на општата бизнис клима во државата како доверлив партнер на компаниите, институциите и граѓанскиот сектор.

Бензините од ноќеска на полноќ поевтинуваат за два денара по литар, а цената на другите горива останува иста, одлучи денеска Регулаторната комисија за енергетика и водни услуги (РКЕ). Со одлуката се врши намалување на малопродажните цени на нафтените деривати во просек за 0,89 отсто.

Новата малопродажна цена на ЕУРОСУПЕР БС-95 ќе изнесува 86,5, а ЕУРОСУПЕР БС – 98 сега ќе се продава за 88,5 денари за литар. Малопродажните цени на ЕУРОДИЗЕЛ (Д-Е V), на Екстра лесното масло за домаќинство (ЕЛ-1) и на Мазутот М-1 НС не се менуваат и остануваат 90, односно 85,5 денари за литар и 43,046 денари за килограм.

Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат намалување кај бензините во просек за 4,336 отсто, кај дизелот за 2,826, кај екстра лесното за 2,731 и кај мазутот за 2,066 отсто. Курсот на денарот во однос на доларот е повисок за 0,143 отсто. 

Axapta Masters е Microsoft Partner фокусиран на „остриот крај“ на дизајнирање, управување и доставување на Microsoft Dynamics 365 имплементации, интеграции, развој, поддршка, надградба и услуги за миграција на податоци. Со текот на годините, им помогнавме на многу клиенти во градењето на нивните успешни приказни со имплементација и прилагодување на нивните ERP системи. Нашето портфолио изобилува со кратка и брза и долга и сложена имплементација на системите Microsoft Dynamics AX/365. Нашите консултанти и технички извршители им помагаат и на корисниците и на партнерите на Microsoft Dynamics да ги подобрат своите деловни процеси и да ја искористат дигиталната трансформација. Обезбедуваме техничка и функционална поддршка од далечина или на лице место, вклучувајќи 24/7 онлајн поддршка, телефонска поддршка, програма за приспособена поддршка која ги исполнува флексибилните времиња на одговор и услуги за поддршка на Microsoft Dynamics AX и CRM за ескалации на критични проблеми.

Моментално се отворени следниве раборни позиции:

BUSINESS ANALYST INTERN
SOFTWARE DEVELOPER – INTERNSHIP
PRODUCTION FUNCTIONAL CONSULTANT
SERVICE DELIVERY MANAGER
GERMAN SPEAKING SUPPORT SPECIALIST
PROJECT MANAGER