Ќе има поевтинување на производите, но од 7 до 12 отсто. Ова го тврди министерот за економија Крешник Бектеши. 

Според него, не е точно дека нема намалување на цените на производите и дека некои производи кои не се намалени не се наоѓаат во групата на производи кои треба да поевтинат.

Затоа ве молам кога кажуваме 7 до 10 посто да не очекувате 40-50 посто намалување, тоа не е возможно да се случи моментално. Ние сме кажувале во континуитет дека тоа намалување ќе биде од 7 до 12 посто. Проверете ги цените колку биле претходно проверете ги новите достави што се даваат од домашните производители кон супермаркетите низ државата и ќе видите дека трендот се случува. Дополнително ќе се случи и од други производители откако ќе им завршат залихите, вели Бектеши.

Министерот и владата се договорија со производителите на храна да ги намалат цените за најмалку 10 отсто откако ќе добијат поевтина струја од 1 декември. Но, како што кажа министерот, тоа нема да се случи моментално. Во Македонија инфлацијата изнесува скоро 20 отсто. 

Зегин ДОО е првата приватна компанија во државата регистрирана за продажба на лекови. Како една од најуспешните и најголемите компании кај нас, со најдобра инфраструктура и најголема дистрибутивна мрежа, секогаш сме во потрага по талентирани професионалци кои сакаат да станат дел од нашето професионално семејство.

Моментално се активни следниве работни позиции:

ФАРМАЦЕВТ / ФАРМАЦЕВТСКИ ТЕХНИЧАР / ПЕТРОВЕЦ
ДОКТОР/БИОЛОГ/ХЕМИЧАР/ФИЗИЧАР ПО КВАНТНА МЕДИЦИНА И БИОРЕЗОНАНТНА МЕТОДА
ФАРМАЦЕВТ / ФАРМАЦЕВТСКИ ТЕХНИЧАР / ПРИЛЕП

Веќе е почнат трендот на намалување на цените на основните прехранбени производи наведени во одлуката на Владата, а ќе се случи и кај другите производители откако ќе ги потрошат залихите на претходно набавените производи по повисоки цени, истакна денеска министерот за економија Крешник Бектеши.

Кажавме дека очекуваме да има намалување на цените од 7 до 12 отсто, но тоа не е возможно да се случи моментално. Субвенцијата што ја даваме во делот на електрична енергија почна да се реализира од 1 декември во делот на компаниите, вклучувајќи ги основните, средните училишта, јавните комунални претпријатија и сл. и веќе компаниите започнаа да формираат нови цени кои ќе ги нудат на пазарот, рече Бектеши во одговор на прашање пред почетокот на Словенечко – македонскиот форум за економска соработка.

Посочи дека и до 1 декември супермаркетите не биле празни и имале производи кои биле набавени по повисоки цени.

Во нивните магазини имаа залихи на производи, и домашни производи кои користат дистрибутер и производи кои се увезуваат во нашата држава. Тие залихи се набавени со различни цени. Новите залихи се набавуваат со други цени кои се пониски од претходните, што значи дека претходните залихи треба да се потрошат. Најверојатно ќе се потрошат оваа недела или на почеток на наредната недела, по што ќе се забележи дека ќе има намалување на цените на тие производи во синџирите на супермаркетите, појасни Бектеши.

Истакна дека кон крајот на ноември беше усвоен Законот за потрошувачи и веќе е во сила.-Како и секој закон кој се усвојува и овој има рокови за да почне да се имплементира, а Државниот пазарен инспекторат е надлежна институција која го имплементира тоа законско решение, рече Бектеши.

Хибридното работење станa новото нормално. Но, дали идните работни места ќе бидат такви? И покрај широкиот консензус дека комбинација од домашна и канцелариска работа е најдобрата опција, има многу простор за преговарање околу деталите.

Прилагодувањето на новиот режим не беше лесно за секого - особено за оние што живееја во мали станови или со деца. Сепак, во просек работниците пријавуваат повисоки нивоа на задоволство и среќа. Испитаниците на анкетите сугерираат дека тие би сакале да работат од дома скоро 50% од времето, што е повеќе од 5% пред пандемијата, а остатокот во канцеларија. Но, вистинското однесување на луѓето сугерира дека нивната вистинска желба е да поминуваат уште повеќе време во пижами.

Сепак, има несогласувања за придобивките од „хибридниот“ пристап. Истражувањата сугерираат дека мешавината од домашна и канцелариска работа всушност може да биде најдобриот аранжман за продуктивност. Овозможува поефикасна поделба на трудот помеѓу „длабока работа“ (вид што бара многу концентрација, што најдобро може да се прави дома) и колаборативна работа (најдобро да се прави со колеги, лично, во канцеларија).

Дополнителни промени веќе се спроведуваат годинава. Многу фирми сфаќаат дека треба да направат повеќе за да ги охрабрат луѓето да дојдат во канцеларија. Тоа значи инвестирање во поволности како фитнес центри и добра храна, а владите знаат дека законот за вработување треба да се развива, да ги препознае и заштити домашните работници.