Промовирани огласи »

Во поштенските сандачиња низ земјава започнаа да пристигнуваат сметките за струја во преку пример е прикажан износот на субвенцијата на Владата во конечната цена на електричната енергија.

Владата во текот на целата енергетска криза со 73% ја субвенционира цената на електричната енергија која ја плаќаат граѓаните, а сега преку информативната табела тоа може појасно да се види. Во информативната пресметка е прикажано колку би изнесувале сметките доколку Владата не ја субвенционираше цената на електричната енергија.

Согласно пресметката едно домаќинство кое плаќало 2000 денари за електрична енергија, без субвенцијата на Владата би плаќало околу 3455 денари односо 1455 денари повеќе, додека пак семејство кое плаќало 5000 денари за електрична енергија, без субвенцијата сметката би достигнала 8638 денари или над 3600 денари повеќе.

Вицепремиерот за економски прашања, Фатмир Битиќи во гостување на Алсат синоќа кажа дека секое домаќинство во земјава било субвенционирано со по 21 илјади денари за електрична енергија оваа година, односно секој граѓанин добил субвенција од 6800 денари.

Средствата што ги даваме за регулираниот пазар на електрична енергија значи дека секој еден наш граѓанин добива 6.800 денари годишно субвенции за струја или секое едно домаќинство добива по 21.000 денари субвенции за струја за оваа година кажа вицепремиерот Битиќи и кажа дека субвенционирана електрична енергија добиваат и малите компании кои плаќаат 220 до 260 евра за мегават час, додека берзанската цена е околу 500 евра.

Ова значи дека субвенцијата на Владата изминатава година овозможила 21.000 денари да останат во семејниот буџет на секое домаќинство во земјава и да се искористат за други намени, наместо да бидат потрошени за сметките за струја.

Во годинава која изминува Владата издвои околу 240 милиони евра за субвенционирање на електрична енергија и обезбедување на топлинска енергија за Град Скопје, сума која беше неопходна за да се спречи повисок ценовен шок и рестрикции во енергетскиот сектор.

Оваа сума ќе беше значително помала доколку во изминатите 30 години, претходните Влади наместо на споменици и фасади, парите од Буџетот на граѓаните ги инвестираа во енергетскиот сектор и државата обезбедеше поголема енергетска независност.

Со правилното менаџирање и правењето баланс меѓу справувањето со кризата и основните функции на државата, Владата успеа да се избори граѓаните да добиваат енергија и тоа да не биде на грбот на семејниот буџет. Борбата со енергетската криза на Владата ќе продолжи и следната година, што може да се види од Буџетот за 2023 година, каде се предвидени 250 милиони евра за мерки.

Промовирани огласи »

Извршниот директор на Мајкрософт, Сатја Надела, има големи планови за следната година. Купува нови компании, а Нетфликс би можел да стане дел од големата групација на Мајкрософт.

Откако се приклучи на компанијата во 2014 година, Надела направи бројни аквизиции. Започна со стекнување на компанијата во вредност од 2,5 милијарди долари зад хит играта „Minecraft“. Подоцна, Microsoft го купи LinkedIn за 26 милијарди долари и развивачот на софтвер за препознавање говор и вештачка интелигенција Nuance за 20 милијарди долари.

Аквизицијата на Blizzard (ATVI.O) беше убедливо најголемото купување, со 69 милијарди долари.

Според регулаторите, конзолата Xbox и играта „Call of duty“ под ист покрив се едноставно загрижувачки и може да доведат до доминација на пазарот.

Двете компании се веќе тесно поврзани. Нетфликс го избра Мајкрософт за свој партнер за рекламирање за новата услуга за претплата поддржана од реклами. Претседателот на Мајкрософт, Бред Смит, исто така седи во одборот на Нетфликс. Една од причините зошто Мајкрософт е заинтересиран да го купи Netflix е затоа што сака да понуди услуга за стриминг на видео игри на повеќе уреди.

Нетфликс има свои големи планови за игри. Во 2022 година, компанијата предводена од Рид Хестингс го купи инвеститорот Spry Fox, нејзиното шесто внатрешно студио. Станувањето дел од империјата на Мајкрософт ќе ги зголеми тие амбиции. Пакетот за стриминг ТВ и игри не е тешко да се сфати.

Со пазарна вредност 13 пати поголема од онаа на Нетфликс на почетокот на декември, Мајкрософт може да си дозволи 1,8 трилиони долари за Нетфликс. Премијата од 30 отсто би го вреднувала претпријатието Нетфликс на речиси 190 милијарди долари. Сепак, би било тешко да се најдат значителни заштеди. И по оданочувањето на оперативниот профит од 8 милијарди долари што аналитичарите го проектираа за Нетфликс во 2024 година, имплицираниот поврат на инвестицијата ќе биде само половина од просечната цена на капиталот од 8 проценти, според аналитичарите на Морнингстар.

(Ројтерс)

Промовирани огласи »

KARIERA.mk ја прослави успешната 2022 година со голема предновогодишна забава, на која присуствуваа над 180 ценети партнери од најголемите реномирани брендови во Македонија.

Забавата се одржа на 20.12.2022 во Forza Wine Bar & Restaurant во прекрасна и позитивна атмосфера, на која сите се забавуваа. Целта на самата забава беше вмрежување и надвор од нашите канцеларии и дружење кое ќе ни донесе продлабочување на соработките и нови идеи во иднина. 

Оваа година KARIERA.mk достигна големи успеси, кои се должат на довербата од голем број компании во државата  и многу нови склучени соработки и одлични проекти кои се само стимул за новата година која не очекува. На настанот беше објавен и краток план за активностите кои ги планираме во новата 2023та година и кои со сигурност ќе ги збогатат и зајакнат тимовите на нашите партнерски компании. 

Во прилог галерија од слики која ја доловуваат прекрасната атмосфера!

Промовирани огласи »

Министерството за внатрешни работи и годинава, во пресрет на новогодишните празници, апелира да не се употребуваат петарди и други пиротехнички средства и ги потсетува граѓаните за законските одредби во кои е санкционирана употребата на пиротехнички средства и нивната нелегална продажба.

Така, Законот за прекршоци против јавниот ред и мир во член 31 предвидува глоба за оној кој неовластено пука од огнено оружје, употребува пиротехнички средства или сличен експлозивен или лесно запалив материјал, или на сличен начин го нарушува мирот и безбедноста на граѓаните.

Согласно Кривичниот законик, во член 396 е предвидено недозволеното изработување, држење и тргување со оружје или распрскувачки материи, при што:
(1) Тој кој што неовластено изработува, држи, продава, набавува или врши размена со огнено оружје, муниција или експлозивни материи, ќе се казни со затвор од три до десет години;
(2) Ако предмет на делото од ставот 1 е поголемо количество на огнено оружје, муниција или експлозивни материи, или огнено оружје, муниција или експлозивни материи кои на граѓаните им се забранети, сторителот ќе се казни со најмалку пет години затвор. 

Повеќе вести...
барај огласи за вработување » барај останати огласи »