Промовирани огласи »

Доколку сакате да го промените начинот на работење, наместо да одите секој ден на работа и физички да сте присутни на работното место, а притоа да заработувате, во продолжение неколку начини, како можете да го сторите тоа.

Ова се само дел од неколкуте начини како можете да заработувате:

Airbnb домаќин - доколку имате дополнителна соба во куќата или пак цел апартман обидете се да ги изнајмувате на Airbnb.com.

Дадилка - ако сакате деца, може да поминете неколку часа неделно во чување деца.

Писател, едитор или коректор - постојат голем број веб-страници за пишување за да најдете хонорарна работа.

Онлајн курс - ако ви оди добро на факултет, лесно е да помислите дека и на сите други им е така, но вистината е дека многу луѓе се борат за положување на голем дел од предметите.  Можете да заработите со тоа што ќе им помогнете и ќе ги научите што знаете преку онлајн курс.

Социјални мрежи - Сите ние секојдневно поминуваме многу време на социјалните . Ако сте навикнати да добивате многу лајкови или коментари, или ако сте одлични во мотивирањето на другите преку вашите објави, можеби ќе сакате да размислите да го претворите ова во професија.

Работење дигитален маркетинг – може да бидете менаџер за социјални мрежи од дома за некоја компанија

Правење анкети – актуелно е истражувањето на пазарот од маркетинг одделите на фирмите, па може да правите телефонски анкети

Пишување на оценка за продукти – постојат сајтови кои плаќаат за да пишувате свое мислење за одредени продукти и услуги

Постојат уште многу начини како би можеле да заработите дополнително, се што е потребно е да имате добра мотивација да го сторите истото.

Промовирани огласи »

Тестенините од утре треба да поевтинат за 15 отсто, а млечните производи за 10 проценти. Нивните цени се намалуваат согласно со одлуката што Владата ја донесе минатата недела. 

Со одлуката, од тестенините опфатени се макароните и шпагетите. За нив, од 13 март до 31 мај годинава се укинати увозните царински давачки. Само со укинување на царината, според пресметките на Владата, нивната цена се намалува за осум до девет денари во просек во малопродажба. Од Владата очекуваат намалувањето да биде и поголемо.

До 31 мај ќе биде во сила и одлуката за замрзнување на цената на млечните производи: трајно кравјо млеко со 2,8, 3,2 и 3,5 отсто масленост, урда, кравјо и мешано бело сирење, кравји кашкавал, кисело млеко, павлака и јогурт.

Вицепремиерот за економски прашања Фатмир Битиќи вчера соопшти дека при крај се и анализите кои треба да покажат дали ќе бидат замрзнати цените на шеќерот, јајцата и оризот.

Владата ќе причека анализите да стигнат официјално од Министерството за економија, за да се продискутираат, изјави Битиќи по средбата со претставници на Германското стопанство.

Според Битиќи, засега е многу мало намалувањето на цените на тестените и млечните производи, но од утре тие треба да бидат пониски за 15, односно 10 проценти. 

Намалувањето е многу мало, но реакциите се позитивни дека на 16 март сите веќе ќе имаат намалени цени, според она што беше дефинирано. Секако на 16-ти март, производите ќе стигнат до цената која е зададена, не гледаме дека нема волја од другата страна, рече Битиќи.

Одлуките за замрзнување на цените, како што нагласи вицепремиерот, не се носат за да се наштети некому, туку за доброто на сите граѓани.  

Секоја мерка се носи за добро на граѓаните. Не сакаме да нанесеме штета со воведување мерки „од денеска за утре“ зашто сме свесни дека одредени суровини се со одредена цена. Затоа дадовме временски период од скоро една недела, за компаниите да потрошат одредени залихи и да почнат со замрзнати, пониски цени. Секоја мерка се носи за доброто на граѓаните, притоа не сакаме да нанесеме штета никому зашто заеднички настапуваме во периодот на криза за да излеземе од неа, изјави Битиќи.

Од Државниот пазарен инспекторат (ДПИ) најавуваат дека ќе излезат на терен и ќе постапуваат веднаш по стапувањето во сила на одлуките на Владата. Казните за непочитување на одлуките изнесуваат од 800 до 10.000 евра, во зависност од големината и видот на економскиот оператор.

На 28 февруари годинава Владата ја замрзна и цената на белиот и полубелиот леб на 33 денари. Пекарската индустрија по неколкудневен прекин на производството и испораката повторно почна да доставува леб, но најави дека ќе поведе правна постапка за наплата на штетата од владината одлука која на месечно ниво, според нивните проценки, изнесува над 1,5 милиони евра.

Според официјалните статистички податоци, трошоците на животот во февруари годинава во однос на февруари лани бележат зголемување од 16,7 проценти, а цените на мало од 12,4 проценти.  

Промовирани огласи »

Денеска (15 март) завршува обврската за поседување на зимска опрема во возилата, соопштија од АМСМ.

Обврската стапи на сила на 15 ноември минатата година.

Само во случај на вонредно воведување може да биде вратена оваа обврска.

Казните за непоседување зимска опрема изнесуваат 45 евра.

Промовирани огласи »

По Одлуката за зголемување на минималната плата на 20 175 денари или 12 отсто, согласно одлуката на Владата од март 2022 година, со новата методологија за усогласување на пензиите, пензиите и во март ќе се зголемат за 8,4 проценти, од 17 666 на 19 150 денари, соопшти министерот за економија Крешник Бектеши.

Според Бектеши, Законот за изменување и дополнување на законот за пензиско и инвалидско осигурување предвидува нов начин на усогласување на пензиите, при што при пресметката на пензиското усогласување се земаат предвид зголемувањето на трошоците за живот и зголемувањето на просечната плата.

Ова метода дава можност и за реално зголемување на пензиите во однос на платите, па со зголемувањето на просечната плата пензиите ќе продолжат да растат. Усогласувањето на пензиите во март според методологијата ќе се зголеми за 8,4 отсто (покачување на платите 6,1 и зголемување на трошоците за живот 10,6 проценти), со што просечната пензија ќе се зголеми од 17 666 на 19 150 денари, наведува министерот.

Повеќе вести...
барај огласи за вработување » барај останати огласи »