Вработените во здравството, на протест пред МЗ побараа исполнување на ветувањето дадено пред неколку месеци, за покачување на платите на здравствените работници.

На протестот претседателот на независниот синдикат за Здравство, Фармација и Социјална заштита, Љубиша Каранфиловски соопшти дека утрово синдикатот се сретнал со претставници од МЗ и се договориле за потпишување на анексот на колективниот договор. Со ова, медицинските сестри ќе добијат покачување од 3 илјади денари бруто и 2 илјади за другиот персонал, јавната администрација, помошниците на техничкиот персонал и лекарите. Покачувањето ќе важи од март а официјално се очекува да се усвои од Министерството за финансии и министерот Фатир Бесими.

Според потпретседателот на синдикатот на Клиничкиот центар, Предраг Серафимовски, ова покачување е задоцнето.

Синдикатите најавија дека нема да застанат тука, велат дека ќе бараат да се покачи и коефициентот на платата. 

Малопродажната цена на Мазутот М-1 НС се зголемува за 1,111 денари и ќе изнесува 38,739 денари за килограм, соопшти Регулаторната комисија за енергетика и водни услуги.

Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.

На 30.03.2023 (четврток) во Skopje Marriott Hotel, KARIERA.mk организираше работилница на тема BUILDING A STRONG BRAND, предводена од директорката на Marketing Activations во Адидас Амстердам, Kremena Yordanova.

Работилницата се состоеше од две сесии низ кои се разговараше за брендингот и се работеа практични примери кои им овозможија на нашите посетители да бидат чекор поблиску до усовршување на сопствениот брендинг. 

Компании кои испратија свои тимови на работилницата беа: Bestway Solutions, Unija Smart Accounting,24HR, ITLogistics, Цементарница Усје, Nobel, Karl Group, Sparkasse Bank, Piksel, Transcom Macedonia, Пивара Скопје, Hib Petrol, Брегли, Дирекција за заштита и спасување, Пакомак, HalkBank, SportM, FlexCredit, Parkland Hospitality group, Neptun, UniBank, East Gate Mall, Viron, Gemak, Your Language Nomad, Jungle Tribe, AUE FON. 

Погледнете дел од атмосферата и се гледаме на следната работилница!

Министерот за економија, Крешник Бектеши, денеска најави дека е можно да се врати евтината дневна тарифа за струја за домаќинствата, која актуелната власт прво ја врати, за подоцна повторно да ја укине.

Тој вели дека Владата и регулаторите работат на ова, а евтината струја преку ден најверојатно повторно ќе се воведе од јули.

Заедно со Регулаторната комисија за енергетика работиме во насока да се врати евтината дневна тарифа за електрична енергија од први јули годинава, имајќи го предвид зголеменото производство на електрична енергија од обновливи извори, каде пиковите главно се преку ден, рече Бектеши.