Додека повеќето од нас ја знаат важноста да се грижиме за нашето ментално здравје, ова може да стане потешко во работните средини каде што често има многу одолговлекувања. Во канцеларии  каде се работи со полна пареа или други работни простори, давањето приоритет на нашето ментално здравје може да се најде на задното место додека се фокусираме на роковите на клиентите, комуникацијата со колегите, напредувањето во кариерата и многу други елементи. Сепак, и покрај одвлекувањето на вниманието, постојат работи што можете да ги направите да се осигурате дека вашето ментално здравје не се намалува додека работите.

Во продолжение неколку начини како да најдте баланс помеѓу работата и вашето ментално здравје:

• Поврзете се со природата колку што можете.
• Разговарајте со вашиот менаџер или колеги.
• Размислете за промена на вашата работна шема.
• Погрижете се да останете активни. 
• Побарајте помош.
• Правете редовни паузи колку што е можно.

Бидете упорни и дисциплинирани доколку сакате да бидете попродуктивни како на вашето работно место така и во вашиот приватен живот. Работете на себе и одржувајте го балансот на вашето ментално здравје.

Регистерската табличка е продадена за 55 милиони дирхами (15 милиони долари) на хуманитарна аукција во Дубаи, цена за која организаторите на аукцијата Емирати велат дека е светски рекорд.

Плочата, на која пишува само „P7“, го собори претходниот рекорд кој го држеше Саид Абдул Гафар Кури, кој ја купи регистарската табличка за 52,2 милиони дирхами (14,2 милиони долари) во февруари 2008 година на аукција организирана од истата компанија.

Си-Ен-Ен соопшти дека се обратиле до Гинисовата книга на рекорди за да го потврдат новиот рекорд, но веднаш не добиле одговор.

Приходите од продажбата ќе бидат донирани за хуманитарната кампања „Една милијарда оброци“ предводена од шеикот Мохамед бин Рашид Ал Мактум, владетел на Дубаи и премиер на ОАЕ, за помош на ранливите заедници ширум светот за време на светиот месец Рамазан.

Регистерските таблички беа продадени и за 2.950.000 дирхами (800.000 долари) и 140.000 дирхами (38.000 долари) на аукцијата одржана во хотелот Four Seasons Jumeirah.

Вкупно, на аукцијата беа собрани повеќе од 71 милион дирхами (19,3 милиони долари).

Возилата од јавниот превоз денеска ќе сообраќаат по неделен возен ред, со исклучок на линиите 18А, 32, 47А, 51, 55, 55В, 56, 56А, 70, 74, 81, 118, 160, 164, кои ќе сообраќаат по саботен возен ред.

Од ЈСП „Скопје“ информираат дека во пресрет на христијанскиот празник Велигден, в сабота, недела и понеделник автобусите на сите линии ќе сообраќаат по неделен возен ред.

Билетарниците и центрите за персонализација ќе работат единствено в сабота, а другите денови - петок, недела и понеделник ќе бидат неработни за сите продажни места.

Жичарницата за време на велигденските празници ќе работи вообичаено, од 10 до 18 часот. Нема да работи во вторник, 18 април. 

Автобуските линии 25 - Транспортен центар - Средно Водно, 25А - Автомакедонија - Средно Водно и 25Б - Дом на печат - Средно Водно ќе сообраќаат по неделен возен ред.  

За православните христијани денеска е Велики петок, кој уште го нарекуваат и Распет петок зашто на тој ден е распнат Исус Христос. Овој ден се смета за најтежок празник во христијанската религија. За овој ден Црквата пропишува најстрог пост односно целосно воздржување од храна и пиење во знак на таговно сеќавање на настаните од она време.

На Велики петок во сите храмови ќе се изнесе на поколение плаштеницата (покровот) што го симболизира симнувањето од крстот на телото Господово. Велики петок, наспроти вообичаеното одбележување на верските празници со свети литургии и принесување на таканаречената бескрвна жртва, се празнува со читање извадоци од евангелијата или дванаесет евангелија од делот кој ја опишува неделата на страдањата на Синот божји.

Според преданието, Христос починал на крст во „шестиот час на денот, а завесата на ерусалимскиот храм во истиот тој час се преполовила, сонцето се замрачило, мртвите станувале од гробови, а сите ѕвона се распукале“. Оттогаш, на Велики петок бијат дрвени ѕвона/клепала, а камбаните не ѕвонат до недела, кога првпат ќе ја огласат радоста на Христовото воскресение.