Возилата од јавниот превоз денеска ќе сообраќаат по неделен возен ред, со исклучок на линиите 18А, 32, 47А, 51, 55, 55В, 56, 56А, 70, 74, 81, 118, 160, 164, кои ќе сообраќаат по саботен возен ред.

Од ЈСП „Скопје“ информираат дека во пресрет на христијанскиот празник Велигден, в сабота, недела и понеделник автобусите на сите линии ќе сообраќаат по неделен возен ред.

Билетарниците и центрите за персонализација ќе работат единствено в сабота, а другите денови - петок, недела и понеделник ќе бидат неработни за сите продажни места.

Жичарницата за време на велигденските празници ќе работи вообичаено, од 10 до 18 часот. Нема да работи во вторник, 18 април. 

Автобуските линии 25 - Транспортен центар - Средно Водно, 25А - Автомакедонија - Средно Водно и 25Б - Дом на печат - Средно Водно ќе сообраќаат по неделен возен ред.  

За православните христијани денеска е Велики петок, кој уште го нарекуваат и Распет петок зашто на тој ден е распнат Исус Христос. Овој ден се смета за најтежок празник во христијанската религија. За овој ден Црквата пропишува најстрог пост односно целосно воздржување од храна и пиење во знак на таговно сеќавање на настаните од она време.

На Велики петок во сите храмови ќе се изнесе на поколение плаштеницата (покровот) што го симболизира симнувањето од крстот на телото Господово. Велики петок, наспроти вообичаеното одбележување на верските празници со свети литургии и принесување на таканаречената бескрвна жртва, се празнува со читање извадоци од евангелијата или дванаесет евангелија од делот кој ја опишува неделата на страдањата на Синот божји.

Според преданието, Христос починал на крст во „шестиот час на денот, а завесата на ерусалимскиот храм во истиот тој час се преполовила, сонцето се замрачило, мртвите станувале од гробови, а сите ѕвона се распукале“. Оттогаш, на Велики петок бијат дрвени ѕвона/клепала, а камбаните не ѕвонат до недела, кога првпат ќе ја огласат радоста на Христовото воскресение.

На топ-листата на 25 најубави градови во светот, се најдоа и два града од Балканот. 

Американскиот портал „Травел + лејжр“ (Travel + Leisure) објави топ-листа на 25 најубави градови во светот. Хрватскиот град Дубровник се најде на 18. место.

Како што пишува изданието, посетителите во Дубровник можат да видат средновековна архитектура во сочувана состојба, вклучувајќи тука и готско-ренесансно наследство, палати и дебели камени ѕидови. Пишува дека ова е еден од најдобро сочуваните средновековни утврдувања на глобално ниво. На топ-листата се наоѓа и Истанбул, кој е рангиран на четвртото место.

Во првите 10 градови, покрај Истанбул, се Сиднеј (Австралија), Барселона (Шпанија), Квинстаун (Нов Зеланд), Париз (Франција), Сан Франциско (Калифорнија), Палермо (Италија), Кејп Таун (Јужна Африка) , Сеул (Јужна Кореја) и Картагена (Колумбија).

На списокот натаму следат и Кјото (Јапонија), Рио де Жанеиро (Бразил), Тбилиси (Грузија), Рим (Италија), Хој Ан (Виетнам), Лондон (Англија), Буенос Ариес (Аргентина), Седина (Аризона, САД), Шафшауан (Мароко), Тајпеј (Тајван), Единбург (Шкотска), Сан Мигел де Аљенде (Мексико), Сингапур и Њујорк (САД).

Хрватските градови како Дубровник и Сплит претходно беа рангирани на повеќе листи како места кои треба да се посетат. 

foto freepik.com

Владата одобри субвенции за нискобуџетни авиолетови за германската авиокоманија „Луфтханза“ и „Визер“ како резултат на претходно објавениот повик од Министерството за транспорт и врски.

Финансиската поддршка ќе изнесува седум евра во денарска противвредност по патник во заминување превезен од Меѓународниот аеродром Скопје. Сумата која може да се исцрпи оваа година е 1,1 милион евра.

„Луфтханза“ ќе воведе една нова авиолинија - од Скопје до Франкфурт, а „Виз Ер“ четири, - од Скопје до Луксембург, Штутград, Салцбург и до Љубљана, како критериум за исполнување на условот за субвенционирање.

„Луфтханза“ ќе лета од Скопје до Франкфурт од 23 април десет пати неделно, а „Виз Ер“ за новите четири дестинации три пати неделно од 1 ноември годинава. 

Со „Луфтханза“ преку Франкфурт се поврзуваме со повеќе од 200 дестинации. Преку субвенцонирање на авиолинии овозможуваме раст на економијата и на авиосообраќајот, рече Ковачевски на прес-конференција во Владата.

Бочварски потенцираше дека се воведени нови дестинации за кои имало голем интерс од граѓаните и дека има дополнителни средства да се објави нов повик кон крајот на годината со цел да се привлечат нови дестинации, најави Бочварски.