Мерките дадоа резултат. Северна Македонија е најевтина земја во регионот во делот на цените на прехранбените производи и нафтените деривати, таму каде што ние можеме да имаме влијание согласно различни мерки, истакна денеска министерот за економија Крешник Бектеши, посочувајќи дека во април инфлацијата е намалена за 13 отсто, а споредбено со октомври кога почна ценовниот шок намалувањето на инфлацијата е речиси седум отсто.

Бектеши смета дека овој тренд на намалување на инфлацијата ќе продолжи, а ако не се случи нешто непредвидливо, очекува во јуни таа да биде под пет отсто. 

Иако од октомври до март, разликата меѓу месеците во делот на трошоците за живот на цени на мало, посебно на храната и безалкохолните пијалоци се одвиваше од околу два отсто, само споредбено од март и април оваа година, имаме речиси повеќе од двојно намалување споредбено со другите месеци. Имаме намалување само за еден месец од 5,2 отсто во делот на трошоците на живот на мало за храна и безалкохолни пијалоци, посочи Бектеши.

Министерството за економија, рече Бектеши, секојдневно ги следи случувањата во делот на утврдување на цените и во трговијата на големо и во трговијата на мало, а паралелно на тоа, не се укинати ниедна од мерките во делот на поддршката на стопанството со цел да се зголеми нивната продуктивност, да се зголеми производството, но и конкурентноста.

Во однос на цените на прехранбени производи, Бектеши најави дека Министерството за економија ќе продолжи да оддржува консултации со сите стопански комори, Организацијата на потрошувачи и со сите засегнати страни во делот на дизајнирање на нови мерки на поддршка, посебно на најранливите категории на граѓани.

Само од октомври 2022 до крајот на април годинава, имаме намалување на цените на прехранбени производи со 14,7 отсто, што е поголемо намалување од зголемувањето на платите во овој период во нашата држава, рече Бектеши.

Според него, цените на суровините и цените на енергенсите се на ниво на кое можат дополнително да се намалуваат, а Владата, како што рече, почнува процес на консултации за дизајнирање на нови мерки со цел да им излезе во пресрет на најранливите категории на граѓани.  

Тинекс e малопродажен ланец на супермаркети кој веќе 28 години настојува на своите потрошувачи да им ги понуди најдобрите производи со врвен квалитет и по одлични цени.

Моментално вработува:

МЕСАР/КА – КУМАНОВО
РАБОТНИК/ЧКА НА ДЕЛИКАТЕС – СКОПЈЕ
МЕСАР/КА – СКОПЈЕ
ПРОДАВАЧ/КА ВО МАРКЕТ – СКОПЈЕ
АНИМАТОР/КА ВО ИГРОТЕКА
ПРОДАВАЧ/КА ВО ТУ ГОУ КАФИТЕРИЈА
ПОМОШНИК ГОТВАЧ/КА ВО ПОГОН ЗА ГОТВЕЊЕ
КОМЕРЦИЈАЛИСТ

Се уште невработени!? Сите останати активни огласи за вработување можете да ги најдете ТУКА.

Иако зимата е зад нас, се чини дека пролетта сѐ уште ќе ни ги држи системите за греење вклучени.

Сепак, не троши струја само греењето, туку и многу други работи на кои по се изгледа не обрнуваме внимание.

Во прилог прочитајте кои се најефикасните начини за заштеда на електрична енергија.

Користете природна светлина и природна температура

Секогаш кога е можно, користете природна светлина и прилагодете го просторот каде што престојувате на природната температура. Тоа значи дека го одржувате греењето на домот на температура до 20 степени во текот на денот и 18 степени во текот на ноќта. Тоа најдобро се прави со регулирање на самиот систем за греење, каде што се троши 7% од грејната енергија. Важно е секогаш да запомните дека секој степен е важен!

Машини за перење и сушење алишта

Дали знаевте дека машината за перење троши дури 10% струја? На овој начин ви предлагаме да ги перете алиштата на пониска температура, по можност ноќе, бидејќи струјата ноќе е дури 4 пати поевтина отколку во текот на денот. Она што мора да го проверите пред перење е дали машината за перење или машината за миење садови се полни, бидејќи тоа не значи дека само заштедуваме енергија и пари, туку придонесуваме и за растеретување на енергетската мрежа.

Сијалици

Дали знаевте дека обичните светилки траат во просек 1.000 часа, додека штедливите повеќе од 10.000 часа?

Наша препорака е старите светилки да се заменат со ЛЕД сијалици, да се исклучува светлото секогаш кога е потребно и да се користи што повеќе дневна светлина.

Други електрични уреди

Потрошувачката на уредот во режим на подготвеност може да достигне до 6% од вкупната потрошувачка на електрична енергија во домаќинството. Затоа е важно да ги исклучиме сите уреди што не ги користиме, бидејќи со тоа не само што заштедуваме електрична енергија, туку и го продолжуваме животниот век на уредите.

Бојлер

Со редовно отстранување на бигорот што се насобрал на гречите, влијаете на трошењето енергија и ја загревате водата побрзо за дури 30%. Заштедете енергија со поставување на котелот на 60 степени и на тој начин придонесете да не се троши енергија.

Шпорет и чување на храната

Ако сакате да подготвувате храна и да заштедите, најдобро е тоа да го правите во експрес лонец, бидејќи на овој начин можете да заштедите два до три пати повеќе енергија. Затоа, подгответе ја храната во садови со големина на рингла и заштедите до 20% енергија, а со исклучување на шпоретот неколку минути пред да биде готов оброкот, оброкот ќе продолжи да се готви, а ќе заштедите уште најмалку 10 % од енергијата.

На последното истражување на јавното мислење кое за „Детектор“ го спроведе Институтот за политички истражувања - Скопје дури 50,7 отсто од анкетираните сметаат дека постои полова дискриминација при вработување, додека 37,2 отсто сметаат дека нема таква појава.

Дури 53,3 отсто од анкетираните жени препознаваат полова дискриминација при вработување, наспроти 34,9 отсто кои сметаат дека тоа не се случува.

Таков став делат и 48 отсто од мажите кои препознале дискриминација, додека 42,7 отсто од анкетираните лица велат дека нема таква појава.