Кога последен пат направивте нешто иновативно за компанијата која работите или пак за вашата компанија?

Не се сеќавате? Ова од старт покажува дека нешто не е во ред со текот на активностите на вашиот бизнис.

Иновативноста според светските бизнис компании е број еден активност која треба да се превзема, за да се искачите на врвот во индустријата каде работите и делувате.

KARIERA.mk со вас споделува што значи иновативноста на една компанија и како таа може да внесе новини и позитивно да делува на целокупното постоење на една домпанија.

• Иновацијата ќе донесе нова свежа бизнис потенцијална енергија во вашата компанија

Вашата бизнис потенцијална енергија е енергија која може да се искористи во зголемување на перформансите на бизнисот. Тука спаѓаат нови производи, услуги или бизнис модел, кои ќе донесат дополнителна свежа бизнис потенцијална енергија во вашата компанија.

• Иновацијата овозможува раст на компанијата

Иновација во нови производи, услуги или бизнис модел едноставно значи раст на вашата компанија. Овие иновации носат експанзија на нови пазари, нови сегменти на купувачи, дополнителни приходи, и поголема профитабилност. Без иновација, вашите купувачи за брзо време ќе побараат нешто ново и поинтересно на друго место.

• Иновацијата ќе ја направи вашата компанија поефикасна

Доколку вашата компанија е компанија која инвестира и ја користи иновацијата како нешто вообичаено во секојдневното работење, тогаш вие сте некој кој постојано работи на подобрување на вашите процеси и имплементира сосема нови процеси со цел да бидете поефикасна компанија.

• Иновацијата ќе ви помогне во креирање на бренд за вашата компанија

Размислете за момент за компании кои оставиле силен впечаток кај вас. Кои се тие? Што прават тие? Зошто ве импресионирале? Одговорете ги овие прашања и ќе видите дека иновативноста е нешто што е вградено длабоко во нивниот успех за да импресионираат луѓе како вас. Иновативни компании привлекуваат медиуми, луѓето зборуваат за нивната иновација и ги споделуваат високите импресии со други луѓе.

• Иновацијата ќе ви помогне во привлекување на повеќе купувачи

Секој збор и секоја реченица која доаѓа од луѓето надвор од вашата компанија креира високо ниво на доверба и репутација, истовремено креирајќи високо ниво на привлекување на купувачи. Кога иновирате производи или услуги кои носат вредност за купувачите, не можете да ги спречите луѓето да зборуваат за вас, вашата компанија и вашите иновации. На таков начин привлекувате многу повеќе купувачи.

• Иновацијата ќе ви помогне да привлечете поквалитетна работна сила

Секој сака да работи за некого кој создава огромно влијание во светот во кој што живееме. Вашата иновативност не само што ќе ја подобри вашата компанија или што ќе ви помогне во обезбедување на раст, туку и ќе ви помогне во привлекување на вешта работна сила што пак повторно ќе ви помогне во растењето и подобрувањето на се онаа што го правите досега.

Скоро секој од нас на барем едно интервју за работа во животот го добил ова прашања и не знаел всушност што е правилниот одговор.

Работа под притисок не треба да постои на ниедно работно место, меѓутоа се чини дека ова е едно од омилените нешта на менаџерите во нашата држава.

За таа цел, наредниот пат кога ќе го довиете ова прашање слободно одговорете на некој од овие начини:

• Морам да кажам дека работењето под притисок не ми е омилено, но тоа ме прави посилна личност. Од претходните работни искуства сум имал/а можност да се соочам со рокови кои во целост биле запазени, а сето тоа влијаеше на моето понатамошно усовршување.

• Јас работам добро под притисок, бидејќи не сум личност која паничи, стабилен/на сум и никогаш не сум имал/а проблеми со работењето под притисок во досегашните искуства.

• Работењето под притисок не ми претставува проблем, бидејќи се обидувам да ги отфрлам сите негативни емотивни фактори и да ја сработам мојата задача што е можно на највисоко ниво, без разлика колку обврски ми висат над глава. Секогаш знам да направам листа на приоритети и да си го организирам времето кое ми е на располагање и така да бидам ефикасен/а.

• Негативните чувства од притисокот ги претворам во мотивациони пораки кои си ги праќам самиот на себеси за да ме натераат да работам понапорно и подобро.

Google ќе се прошири во Африка. Ова го соопшти извршниот директор на компанијата Сундар Пичаj по посетата на Нигерија. Во следните неколку години компанијата сака да обучи 10 милиони aфриканци да користат компјутерски уреди.

Освен тоа Alphabet ќе го зголеми финансирањето за африкански стартап компании, обезбедувајќи 20 милиони долари субвенции за невладините организации. Alphabet сака да предложи и модифицирани верзии на своите услуги за регионот како YouTube за Африка, кој ќе емитува видео со помал обем, за да го намали Интернет сообраќајот и трошоците.

Идејата на компанијата да обучи 10 милиони лица е дел од иницијативата “Дигитални вештини за Африка”, која беше претставена во април 2016. Програмата нуди курсеви во живо и на интернет за поединци и бизнис корисници во 27 од африканските земји . Секој може да се регистрира бесплатно и да избере индивидуален тренинг план за развој на бизнисот, развој на кариерата или основни вештини за користење на Интернет.

Овие денови е навистина тешко да се издржи на работното место поради високите температури кои не прават нерасположени и без енергија.

Сепак, обврските чекаат на нас и нема простор за оправдувања. Вратете си ја концентрацијата и способноста за фокусирање со зголемување на енергијата на следниве начини:

• Накратко поразговарајте на телефон со блиска личност

Доволно е да поразговарате неколку минути со саканиот, децата или верна пријателка за да ви се намали стресот, да ви се подобри расположението и да добиете нови сили за работа.

Без причина јавете се некому и разговорот ќе ви делува како енергетска бомба.

• Каснете закуска во 15 часот

Луѓето најчесто се жалат дека ги напушта енергијата и концентрацијата во 15 часот попладне. Решение? Чувајте во фиоката непечени бадеми. Бадемите се богати со магнезиум и протеини коишто ја одржуваат енергијата стабилна.

За максимален ефект, најдобро е да ги комбинирате со овошен јогурт.

• Напијте се чаша ладна вода

Ставете коцка мраз во водата и испразнете ја чашата. Дехидратацијата е чест и подмолен крадец на енергијата. Ниската температура на водата ќе го разбуди телото и ќе го фокусира умот.

• Подигнете се неколку пати на прсти и истегнете се

Станете за момент, подигнете се неколку пати на прсти и протегнете ги рацете. На тој начин ќе си ја подобрите циркулацијата низ целото тело, а со тоа ќе ѝ кажете збогум на поспаноста.

• Променете го ставот

Ако се движите низ канцеларија жалејќи се колку сте исцрпени, ќе изгледате уморно и потсвесно уште повеќе ќе си ја намалите енергијата. Не се предавајте при првите знаци на замор. Останете активни и позитивни.

• Споделете шега или смешно видео со колегите

Групното смеење ќе ви го разведри расположението, ќе го елиминира стресот и ќе ви го покачи нивото на енергија. Шефот нема право да ви се лути.

Истражувањата покажуваат дека кратките забавни активности во текот на работното време всушност ја зголемуваат продуктивноста на вработените (тука спаѓаат и кратките посети на социјалните мрежи како Facebook).