Ви следи службено патување со авион или пак семеен одмор на далечна дестинација а во вас има огромен страв од летање?

Во овој модерен свет летањето заштедува многу време и го подобрува квалитетот на превозот од една до друга дестинација, па токму заради тоа навистина нема потреба од страв.

KARIERA.mk споделува со вас совети кои може да помогнат да се намали вашата непријатност на следниот лет:

• Останете фокусирани - Дишете правилно и релаксирајте се пред полетувањето
• Елиминирајте ги стресните слики - Затворете ја ролетната на прозорчето доколку седите до прозор и размислувајте за работи кои ве прават среќни ( вашето дете, вашата плата, вашата дестинација која толку долго ја посакувавте)

• Смирете го вашиот организам - Правете вежби за медитација и релаксација секојдневно една недела или две пред летот и размислувајте за вашето патување
• Бидете подготвени со смирувачки елементи - Најдете работи кои ќе ви помогнат да останете фокусирани и помалку вознемирени. Најдете музика што е смирена или пак закуски во кои ќе уживате
• Пробајте да не внесувате кофеин и стимуланти пред и за време на летот - Отстранате елементите што предизвикуваат вознемиреност, како што се кофеинот, енергетските пијалаци и сите други стимуланси како алкохол, цигари и слично

• Пронајдете го вашиот страв - Дали се плашите од губење контрола? Дали е страв од смрт? Дали е тоа клаустрофобија? Различните предизвикувачи бараат различни мерки за справување.
• Ослободете го стравот - Многу луѓе со страв од летови исто така имаат проблеми со контролата. Размислете дека му ја давате контролата за ситуацијата на пилотот, обучен професионалец со илјадници часа работа на височина горе на небото - сепак тој сигурно знае многу повеќе од вас за летањето и ќе ја изврши својата должност соодветно.

BBC неодамна направи интересно истражување поврзано со нашиот однос кон женски и машки деца, кое ќе не замисли сите.

KARIERA.mk го споделува со вас, за сите да се замислиме како делуваме на децата со стереотипите, кои како возрасни луѓе за жал сите ги имаме во нас.

Учебната 2017/2018 година за јавните основни и средни училишта ќе почне на 4 септември (понеделник), информира денеска Министерството за образование и наука.

Календарите за организација на учебната 2017/2018 година во јавните основни и средни училишта ќе бидат објавени во Службен весник на Република Македонија.

МОН на сите ученици, наставници и професори им посакува успех во новата учебна година.

Што претставува TQM? Тоа е нешто без кое не можете да започнете свој успешен бизнис.

Оваа скратеница го носи успехот на секое ниво и кога се спроведува во пракса навистина вродува со плод.

TQM е акроним составен од: TOTAL QUALITY MANAGEMENT

T – Total

Квалитетот е обврска на сите без разлика на кое организациско ниво се наоѓаат и ги содржи сите активности на бизнисот. За добивање на висококвалитетни производи одговорни се сите организациски членови и сите активности кои што се изведуваат во бизнисот.

Кога се зборува за активности не се мисли само на производствени процеси за добивање на готови производи туку и сите други активности како што се исражување и развој, маркетинг, финансии, набавки итн., кoи што индиректно учествуват во добивање на производот или услугата или пак во изведување на бизнисот.

Q – Quality

Kвалитетот на било кој производ или услуга може да биде дефиниран само од купувачот и проблемот на дефинирање на квалитетот е пренесување на идните потреби на потрошувачите во мерливи карактеристики за да може производот или услугата да бидат дизајнирани, произведени и испорачани со цена со која купувачот е задоволен.

Оттука, квалитетот значи исполнување на барањата на купувачите, како на интерни така и на екстерни купувачи. Тој не треба да биде онаков како што самиот претприемач смета дека треба да биде, туку тој треба да биде онаков каков што купувачите го бараат и го очекуваат од бизнисот.

M – Management

Бидејќи квалитетот е обврска на сите тој може и мора да биде управуван. Управувањето се однесува на сите луѓе и процеси кои учествуваат во исполнувањето на барањата на купувачите (обезбедување на квалитет).