Од утре почнува да се применува одлуката за двосменското работење во службите на органите на државната управа што имаат непосреден контакт со странки при издавање на лични документи, дозволи и слична документација.

Ова значи дека од утре шалтерите во МВР за издавање лични карти и пасоши, Царинската управа, Управата за јавни приходи,  Управата за водење матични книги, во одделенијата за одбрана на региони со градови и општини во Министерството за одбрана ќе работат од 7,30 до 21,30 часот.

Овие шалтери ќе работат и секоја прва сабота во месецот од 8 до 16 часот.

Од утре поевтинуваат и услугите на Катастарот за 50 проценти.

Од понеделник, пак е најавено и ново работно време во судовите, кое ќе биде од 7:30 до 15:30 часот, наместо како што беше досега, од 8:30 до 16:30 часот, одлучи Судскиот совет на вчерашната седница.

Швеѓанин ја заложи својата заштеда во биткоин и неговата нето вредност „експлодира“ за повеќе од 13.000%. 

Шведскиот програмер Александар Ботема бил скептичен за биткоинот, додека не видел иновација со слични импликации на интернет. 

Ботема раскажа за Бизнис инсајдер што се случи откако тој вложи во биткоин.

„Јас не сум милијардер уште во однос на шведските круни"- рече Ботема, смеејќи се на телефон. 

Тој ги продал сите акции и ги повлекол сите заштеди со цел да купи биткоини во 2013 година. 

Во тоа време, еден биткоин имаше  вредност од 30 долари. Денес виртуелната валута се проценува на повеќе од 4.000 долари.

Ботема не сака да открие колкави заштеди имал кога првпат инвестираше, но јасно е дека е задоволен од инвестицијата. 

Сметам дека тоа е осигурување за пензионирање. Не размислувам за купување повеќе, бидејќи никогаш повеќе не можам да добијам исто враќање на инвестицијата- рече тој.

Александар Ботема израснал во мала заедница во близина на Стокхолм. Започнал да програмира на деветгодишна возраст, користејќи го Apple 2-компјутерот на семејството.

Но, програмирањето не беше доволно.

Во 1991 година почнал да студира компјутерски науки на реномираниот Универзитет во Упсала, каде подоцна продолжил како докторски студии. 

Тој се преселил во Стокхолм кога почнал да работи.

Кога компанијата била купена, Ботема и неговите двајца колеги отвориле сопствена компанија.

Пред седум години, Ботема првпат се сретнал со биткоин. 

Го отфрлив како нешто неинтересно. Следната година, седев во метрото и во весник на "Метро" прочитав како биткоин се опоравува по несреќата. Не можев да разберам како една валута што е изградена на доверба може да закрепне. Тоа го привлече мојот интерес - вели тој. 

Целиот текст можете да го прочитате тука. 

Иако сме возрасни луѓе, сепак некои од нас сеуште се борат со станувањето рано наутро за на работа.

Понекогаш се случува да легнете навремено а наутро да не можете да отворите очи веднаш штом се вклучи алармот. Не се вознемирувајте, на сите ни се случува!

Токму поради тоа KARIERA.mk споделува 5 идеи како да направите будењето да ви биде полесно:

1. Создадете рутина, секој ден будете се во исто време, така што вашето тело ќе создаде внатрешен аларм.

2. Одете порано да спиете, ако имате за цел да се разбудите што порано, така треба и да заминете во кревет.

3. Создајте рутина пред спиење, може да биде книга, релаксирачка музика или бања.

4. Станете веднаш штом алармот ќе заsвони, со одлагање на алармот, нема да  продолжите со квалитетен сон.

5. Пуштете светло во собата, мрачната соба само ќе ве заспие. Пред спиење, кренете ги ролетните или отворете ги завесите. Будењето во соба полна со светло, ќе ви помогне да се разбудите.

Едно мало девојче живеело во сосема мала, скромна куќа високо на еден рид, си играло во малата градина и растело опкружено со љубовта на родителите.

Кога малку потпораснало и можело да гледа преку оградата, со часови стоело во градината гледајќи ја големата куќа на соседниот рид. Девојчето им се воодушевувало на златните прозорци на големата куќа и посакувало да живее таму, во тој прекрасен дом со златни прозорци.

Секој ден, размислувала како ќе работи напорно за да може да ја купи куќата од нејзините соништа со златни прозорци и големи тераси.

Кога пораснала, еден ден се упатила кон големата куќа неможејќи да дочека да ја види нејзината убавина и раскош одблизу.

Кога се приближила до куќата, разочарувањето било огромно. Куќата била запуштена, а прозорците многу валкани. Немало ама баш ништо убаво кај таа напуштена и осамена куќа, никаква радост, ниеден знак на живот.

Тогаш, сосема случајно, девојчето погледнало на спротивниот рид. Осветлена од сонцето, на ридот гордо стоела нејзината мала, сиромашна куќичка со златни прозорци!

Она за што девојчето копнеело и сонувало, цело време било пред неа. Иако далеку од дома, девојчето можело да ја почувствува топлината на својот дом, радоста и среќата кои доаѓале од нејзината златна куќичка.

Љубовта, топлината на домот создадена од семејството и звуците на смеа и радост се оние кои прозорците ги обојуваат со златна боја.

Наредниот пат кога ќе почувствувате дека она што го имате не е доволно и не сте среќни, само потсетете се на приказната за куќичката со златни прозорци од соништата на девојчето и веднаш ќе се развеселите.