Никол Бар, која има само 15 години, на тестот за интелигенција постигнала неверојатни 162 поени.

Kоефициент којшто е повисок и од оној на Ајнштајн (160) и Хокинг (160).

Токму тоа го променило нејзиниот живот целосно. Денес таа е ученик во престижната школа "Burnt Mill Academy" во Харлоу, а нејзината цел се студиите по медицина на Универзитетот Оксфорд.

Нејзината мајка открила дека Никол со само две години решавала прости математички задачи, а пред десеттата ги решавала и оние комплицираните. Денес нејзини омилени предмети се математиката и глумата, додека во слободното време таа го изучува мандаринскиот јазик.

Никол има и своја омилена книга, "A Brief History of Time", од Стивен Хокинг, а нејзиниот IQ е откриен на стандардното тестирање коешто го спроведува МЕНСА.

После онлајн тестирањето, нејзиниот татко ја одвел и на официјалниот тест, а нејзиниот резултат буквално ја воодушевил цела Велика Британија.

Никол, сонува за тоа да стане лекар. Неодамна таа го посетила и Универзитетот Оксфорд, но и Европскиот парламент во Брисел.

Никол била учесничка и на "Roma Youth Empowerment" конференцијата во Велика Британија, кадешто привлекла огромно внимание. Сите посакале да дознаат многу повеќе информации за Никол Бар.

Британски Економист пишува дека на Словачка и требаат 80.000 работници и дека овој јули над 9000 српски работници се регистрирани, што е мал број , но од јануари е раст за 61%. 

Тој број ќе расте. На малата Словачка со 5 милиони жители и фалат дури 80.000 работници - вели претседателот на Словачко- српската комора, Мирослав Кралиќ. 

Но, други тврдат дека тој број реално е поголем затоа што словачките фабрики очајно бараат работници и затоа се вртат кон Србија. 

Бидејќи Словачка е дел од ЕУ, Словаците многу лесно заминуваат во  Германија и Австрија. Таму заработуваат многу повеќе од дома. 

Србите во Словачка работат врз основа на тримесечна дозвола, која ја добиваат со посредство на агенции. 

Србин по име Дејан на возраст од 51 година од Зајечар кој работи во Словачка во фабрика за телевизори вели дека заработува од 450 до 750 евра, а во родниот град не може да заработи повеќе од 180 евра. 

Сопственикот на специјализираниот портал „Маркетинг365“ и професионалец од областа на маркетингот и односи со јавноста, Борис Ефтимовски, е избран за нов Претседател на ИАБ Македонија, здружението чија основна цел е развој и унапредување на дигиталниот адвертајзинг пазар.

Ефтимовски на позицијата доаѓа на местото на Игор Поповски од „ЦрноБело Медиа“ кој го предводеше здружението во изминатата година. За нов потпретседател е избран Дарко Лазаревски од „Кајгана Медиа“, а за генерален секретар на здружението реизбран е Никола Анчевски од агенцијата „Ovation“.

На изборното собрание кое минатата недела се оддржа во „Public Room“ во Скопје, собранието на ИАБ Македонија избра и нов извршен и надзорен одбор.

Новиот извршен одбор, покрај Претседателот Борис Ефтимовски, ќе го сочинуваат и: Дарко Лазаревски (Кајгана Медиа), Никола Анчевски (Ovation), Ира Бабиќ (Бренд Јунион), Дамјан Дано (IT.mk / ИВМ Нетворк), Ненад Ристевски (PublicisOne Македонија), Мери Шешо (Меккен Скопје), Сашка Николова (Медиа План) и Игор Поповски (ЦрноБело Медиа).

За членови на Надзорен одбор се избрани претставници од агенциите Хттпоол, Дирецт Медиа и Универзал Медиа.

Здружението за интерактивно огласување ИАБ Македонија е формирано во 2012 година од страна на најголемите македонски дигитални медиуми, маркетинг агенции и огласувачи, и фукнционира под лиценца на американскиот IAB со седиште во Њујорк.

Некои од главните цели и активности на здружението се: промоција на индустријата и запознавање на јавноста со можностите и бенефитите од огласувањето на интернет; организација на семинари, трибини, конференции со теми од областа на дигитални медиуми, дефинирање на стандарди за огласување на интернет, како и справување со проблемите кои произлегуваат од индустријата.

Три жени кои порано биле вработени во „Google“ ја тужат компанијата поради наводна дискриминација. Тие тврдат дека жените во компанијата се помалку платени и не им се дава шанса за напредување на работното место.

Тужбата беше поднесена во четвртокот, а на неа се потпишаа Кели Елис, Холи Пис и Кели Висури во име на сите жени кои работеле за компанијата во Калифорнија во последните четири години. Тужбата доаѓа многу брзо откако „Google“ го одби барањето на Министерството за труд да ги покаже износите за платите на нивните вработени во изминатите години.

Министерството за труд на САД уште во април годинава го обвини „Google“ за родова дискриминација, односно дека жените кои се вработени во компанијата добиваат помалку пари од мажите кои работат на истите позиции, но „Google“ ги отфрли обвинувањата. Сепак, кога од компанијата беше побарано да им даде повеќе податоци кои би ја докажале нивната невиност, тие изјавија дека „трошоците за спроведување би биле толку големи што би и направиле штета на компанијата“.

Откако стигна првото обвинение, претставникот на „Google“, Џина Скилијано имаше изјава во која кажа дека „доколку се земат во предвид локацијата, работното време, позицијата и перформансот на работното место, ќе се увиди дека жените се платени 99,7% од она што се платени мажите“.

Компанијата и натаму негира било каков вид на дискриминација, без разлика дали е тоа родова, расна или старосна, и претставниците кои го застапуваат „Google“ велат дека надлежните прават сѐ што е во нивна моќ за да се направи добра работна атмосфера.