Последните години интересот за добивање на бугарски пасош расте, вели посредник од внатрешноста на Македонија.

Според него, 70% од граѓаните земаат бугарски пасоши  за да најдат работа во земјите од ЕУ, а 30% со помош на овој пасош си заминуваат заради подобар живот во странство.

Се чека 2 до 2.5 години во глобала,  но сега можеме да ја забрзаме постапката за 5 до 7 месеци, со доплата нормално. За критериуми,  мора да си македонски државјанин, да обезбедиш документ посмртница, од некој што е роден пред 1920 година, дедо, прадедо, па извод од татко, извод од барателот и копија од македонски пасош. Тоа е за самиот старт, а потоа треба документ за неосудуваност, лекарско, потеклото го обезбедуваме ние. Нема некој регион посебно да се издвои, нè  контактираат од цела Македонија – вели посредникот.

Објаснува дека во 2015 година имало мал застој со постапката за вадење на пасоши, а дел од посредниците вели дека кога ќе запнат со процедурата  веќе стануваат недостапни за луѓето кои аплицирале за бугарски пасоши. Според посредникот, бројката на македонски граѓани кои поседуваат бугарски пасош е над  50.000 или 60.000.

За да се добие пасош, се плаќаат околку 400 евра, плус некои ситни трошоци како што е одењето во Софија, вели тој.  Во земјава има и луѓе кои веќе дваесетина години посредуваат за бугарски пасоши. Но, за да запре појавата Македонци да земаат бугарски пасоши, мора да се подобри стандардот во Македонија.

Стандардот мора да е повисок. Основните плати мора да се зголемат. Да речеме на пример, чистачка да зема плата од 18.000 денари. Сите бегаат заради работа – додава нашиот соговорник.

Посредникот вели дека на Македонците на прво место им е егзистенцијата и затоа не размислуваат дали се работи за бугарски или пасош од друга земја. Додава дека наш државјанин може да добие и хрватски пасош, но патот до добивање пасош од Хрватска е посложен. 

Извор Фактор.мк

Неодамна се вработивте на седечка позиција и забележувате дека вашето тело почна да се однесува поинаку?

KARIERA.mk е тука да ви ги посочи трите најголеми промени кои се случуваат по една година работење во седечка позиција:

1. Вишок килограми

Долготрајното седење кое подразбира седечка позиција подолго од шест часа дневно го зголемува нивото на триглицеридите, лошиот холестерол и отпорноста на инсулонот. Мускулите не ги употребуваат мастите и нивотот на шеќерот во крвта расте, а со тоа се зголемува ризикот за прекумерно зголемување на телесната тежина.

Проблемот се состои и во тоа што мал број од вработените лица се хранат редовно и здраво.

Во контекст на овој проблем, едно истражување покажало дека поголемиот дел од луѓето се соочуваат со зголемување на телесната тежина за најмалку 10 килограми во просек, откако ќе се вработат.

Што да превземете?

Подготвувајте ги вашите оброци дома и планирајте однапред што ќе јадете, а пекарите и продавниците за брза храна потрудете се да ги избегнувате. Излезете од автобусот една станица порано или паркирајте го автомобилот малку подалеку и направете мала прошетка до работното место.

2. Проширени вени

Проширените вени се последица од прекумерно седење. Најчесто ги погодуваат жените и личностите кои што седат со прекрстени нозе. Освен што се видливи па на тој начин претставуваат естетски проблем, тие може да претставуваат и сериозен проблем, а проследени се со болки, отекување на нозете, особено стапалата и скочните зглобоци како и ноќни грчеви.

Што да превземете?

Најдобро би било да ги испружите нозете пред столчето секогаш кога имате можност и ако можете, правете кратка пауза на секој час и направете куса прошетка низ канцелариите.

3. Суви очи

Иако нашите очи претрпуваат многу, компјутерите во денешно време се нужност од која не можеме да побегнеме ниту на работното место, ниту во домот. Најчеста последица е чувството на суви очи и со текот на времето влошување на видот.

Што да превземете?

На секои 20 минути, во текот на 20 секунди, надлгедувајте предмет којшто е оддалечен од вас најмалку 6 метри. На тој начин ќе ги одморите зениците бидејќи кога се фокусирани очите на некој оддалечен објект, тогаш и се одмораат.

Исто така не е лошо и да си набавите очила со специјални леќи наменети за долготрајно седење пред монитор.

Колку улоги и да има зад себе, сите ние ја знаеме како отворената и помалку нападна Саманта, а Ким Катрал вели дека токму оваа улога ѝ го упропастила животот...

Улогата на Саманта на почетокот ме чинеше колку мојот брак, бидејќи јас едноставно никогаш не бев дома. Токму поради тоа, мојот сопруг беше осамен и љубоморен.

Откако се развела, улогата на Саманта продолжила да ја прогонува, бидејќи сите мажи со коишто излегувала едноставно очекувалe таа да биде како девојката којашто ја гледале на телевизиските екрани.

- Тоа е меч со две острици. Мислам дека тоа што ме доживуваат како Саманта, во една рака е комплимент, но од друга страна е сосема погрешно бидејќи јас воопшто не сум таква, вели Ким, додавајќи дека и покрај сè, таа го сака ликот на Саманта бидејќи таа е “повозрасна и полна со искуства”.

Беше навистина, ама навистина тешко, изјавила славната актерка (60), којашто беше омажена за еден аудио инженер во периодот од 1998-та до 2004-та година, токму во времето на снимањата и емитувањата на една од најпопуларните серии на сите времиња.

Ким инаку, во времето кога го преземала ликот на Саманта, имала 41 година, а и ден денес работи под полна пареа, иако, судејќи според сè, токму ликот на Саманта ќе ја одбележи целата нејзина кариера!

Можеби на прв поглед делува смешно, меѓутоа на модерните принцези воопшто не им е лесно.

Тие не работат и не одат на работа, меѓутоа имаат огромна листа на обврски и правила по кои го живеат кралскиот живот.
Наредниот пат кога ќе посакате да бидете принцеза, потсетете се што прочитавте подоле:

Принцезата мора да научи што е можно повеќе странски јазици

Современите принцези мора да знаат колку што е можно повеќе странски јазици како, кога ги посетуваат дипломатите од странските земји, поголемиот дел од разговорите би биле водени токму на нивниот мајчин јазик.

Се откажува од правото на глас

Или така е барем во Англија. И иако за тоа не постои официјален службен закон, жителите на Англија сметаат дека е противуставно за кралското семејство да учествува во изборите, бидејќи тие треба да ја претставуваат целата земја.

Значи, кога една жена ќе стане принцеза, за неа нема повеќе гласање на политичките избори ако таа сака нејзиниот народ да ја сака.

Засекогаш се откажуваат од нивната “дива страна”

Жената која што ќе стане принцеза веројатно и не е некој голем бунтовнички тип,но дури и ако имала било каква “дива страна”, таа ќе мора од тој животен стил засекогаш да се откаже кога ќе влезе во кралското семејство. Ниту таа, ниту нејзиното семејство не смеат да си дозволат никакви скандали.

Подготвеност за живот полн со формалности

Прекарите никако не се дозволени во кралската палата. А една принцеза секако треба да се навикне на тоа за другите да ја именуваат со “нејзиното кралско височество принцезата...”.

Секогаш беспрекорен изглед

Врвните стилисти барем три пати неделно ја фенираат косата на Кејт Мидлтон, но таа мора редовно и да се потстрижува и негува. Кејт во јавност е невозможно да ја видиме во несредено издание и таа е одличен пример за тоа што значи совршено негувана и дотерана принцеза.

Да се биде принцеза дефинитивно не е за некој којшто сака често да се облекува во лежерна и опуштена облека.

Живот според правилата на кралицата

Кралицата одредува мноштво од ситниците коишто се случуваат во животот на едно кралско семејство. На пример, едно од правилата вели дека вечерата завршува кога кралицата ќе заврши со својот оброк.

Посетување на најдобрите училишта и најпрестижните општествени случувања

За една жена да стане принцеза, таа мора најпрво да го запознае својот принц. Најголема веројатност за нешто такво да се случи постои на престижните институции за високо образование, како и на гала вечерите, баловите или хуманитарните случувања.

За една принцеза е исто така важно да биде добро образувана бидејќи таа има важно место во општеството.

Откажување од било каква кариера

Да се биде принцеза е работа со полно работно време и така и треба да остане. Па дури и ако одела во најпрестижните училишта и стекнала завидни дипломи, принцезата ќе мора да се откаже од својот сон за да изгради своја кариера.

Кетрин Мидлтон на пример има диплома по историја на уметност, но воопшто не се занимава со тоа во својот живот.

Не смее да биде членка на никаква политичка организација

Принцезата никогаш не би смеела да се кандидира за било каква политичка позиција поради слични причини коишто исто така не дозволуваат гласање на изборите. Принцезата ја претставува целата земја, а кандидирањето за ангажман во некоја политичка партија би создало поделеност.

Занимавање со хуманитарна работа

Голем дел од своето време принцезата го минува занимавајќи се со хуманитарна работа, при што треба да претставува грижлива и мајчинска фигура. Поголемиот дел од принцезите се определуваат за една или две хуманитарни цели и работат на подобрувања во тие одредени подрачја.