Тимот на Scale: .NET
Scalefocus .NET тимот е полн со креативна техничка енергија. Тие се експерти во својата област и работат на некои од најголемите и највозбудливите проекти во рамките на компанијата. Иако тимот е дисперзиран, нивната љубов кон она што го работат и културата на отворена комуникација им помага да останат поврзани и да постигнуваат навистина импресивни резултати. Тие се убедени дека она што ги прави луѓето продуктивни и навистина добри во нивната работа е многу едноставно: да се биде среќен. Дознајте во што друго верува .NET тимот, како сакаат заедно да го поминуваат своето време после работа и зошто никогаш не им е здодевно.
Претставете ни го Вашиот тим - колку специјалисти има и што работите?
Scalefocus .NET тимот се состои од 60 професионалци, од речиси почетници до ветерани кои имале можност да ги истражат најмрачните агли на програмирањето и развојот на софтверски продукти. Сакаме да се забавуваме, да пиеме пиво и други освежителни пијалоци, да патуваме на прекрасни дестинации низ светот, да уживаме во нашите хобија и повремено да создаваме софтвер за да се опуштиме.
Кои технологии ги користите?
За да бидеме максимално продуктивни и да постигнеме високи резултати, што се очекуваат од нас, користиме широк спектар на технологии. Честопати програмирањето во .NET се поврзува со производи и услуги што ги обезбедува Microsoft. Колку и да е неточна оваа претпоставка, има одредена вистина во неа. Таков пример се „low code“ платформите, кои добиваат сè поголема популарност, како што се Microsoft Power Apps со кои исто така имаме искуство.
Во нашата пракса како .NET специјалисти, не се ограничуваме само на .NET стакот. Нашиот тим има експертиза во бази на податоци, Messaging brokers, CI/CD provisioning и Container orchestration. Ние не се плашиме ниту од JavaScript! 😊 Без оглед на временската прогноза, cloud услугите се нераскинлив дел од нашиот ден, а нашите програмери се сертифицирани експерти на Microsoft Azure и AWS. Се разбира, никогаш не го применуваме сето споменато одеднаш. Технологиите што ги избираме целосно зависат од проектот.
На какви проекти работите?
Индустриите во кои имаме експертиза вклучуваат банкарски и финансиски услуги, осигурување, здравство, телекомуникации, енергетика, продажба и многу други. Многу од нашите клиенти се светски лидери во нивните индустрии и сигурно сте ги користеле нивните производи или услуги. Во моментов, на пример, нашите тимови развиваат софтверски решенија за најпродаван автомобилски бренд.
Освен од деловна гледна точка, нашите проекти се интересни и технолошки. Тие претставуваат технички предизвици за нашите инженери и ги мотивираат да ги тестираат и надградат своите вештини. Решавањето технички проблеми често не потсетува на времето од средно училиште кога се обидувавме да разбереме што мислел авторот на кодот на кој требаше да изградиме нова функционалност. 😊
Како работите и колку често одите во канцеларија?
Нашата работна средина денес е различна од пред КОВИД. Scalefocus го задржа моделот „Работа од секаде“ (Work from Everywhere) дури и откако светот се врати во својот нормален ритам, некои колеги сè уште се одлучуваат за мир и тишина во своите домови. Ова природно ги трансформираше нашите канцеларии во креативни центри каде што се собираме за настани поврзани со проекти, за да размениме знаење и искуство или едноставно да пиеме пиво и да играме друштвени игри.
Остатокот од времето се поврзуваме виртуелно, особено со оглед на тоа што нашите колеги најчесто работат во дисперзирани тимови. Меѓутоа, за луѓето од иста локација, средбите во никој случај не се ограничени само на канцеларија. Сакаме да ги тестираме нашите знаења и вештини за тимска работа на различни начини. Не е невообичаено да не видите на квизови, а понекогаш го подигнуваме адреналинот во „escape rooms“ од кои скоро сите успеавме да се извлечеме на еден или друг начин.
Како изгледа еден типичен работен ден за луѓето во вашиот тим?
Ќе одговорам на прашањето малку поинаку и наместо тоа ќе ви кажам како не ни изгледа денот - бавен и досаден. Ова се зборови кои никогаш не ги користиме. Нашите распореди се исполнети со задачи поврзани со проекти на клиентите, како и иницијативи за интерен и професионален развој. Нашите агенди се креативни и не оставаат простор за досада.
Со кои други тимови и одделенија најчесто соработувате?
Ја сакаме меѓу-тимската соработка. Не е точно дека не можеме сами да го напишеме корисничкиот интерфејс, да смислиме шема на датабаза или да ги автоматизираме процесите на ажурирање на различни средини. 😊 Секако, со кои од тимовите ќе соработуваме зависи од проектот. Најтесно соработуваме со QE, Front-end, DevOps, Data, Mobile, како и со тимовите за PM и BA.
Споделете ни нешто со што се гордее вашиот тим.
Не можеме да потенцираме само една или две работи со кои сме најмногу горди. Како што веќе рековме, работиме на различни проекти и секој од нив носи свои предизвици. Важно за нас е што досега не сме се соочиле со нешто што не би можеле да се справиме како тим. Изградивме средина во која нашите луѓе се чувствуваат слободни да ги споделат и проблемите што ги имаат и искуствата што можат да му помогнат на колега во слична ситуација. На крајот на денот, ова е она со што се гордееме - нашето чувство за заедништво и фактот дека не постои нерешлив случај или табу работна тема.
Што сакате да правите заедно надвор од работа?
Секој амбиент или ситуација што вклучува 1.) добри разговори, 2.) вкусна храна 3.) квалитетни пијалаци, 4.) свеж воздух и 5.) сончева светлина е совршена за нас. Деталите не се толку важни бидејќи е доволно да се биде заедно. Сакаме тим-билдинзи, неформални собири и импровизирани прослави. Нема ништо подобро од заедничка дружба после напорниот работен ден.
Што го зближува вашиот тим?
Имам слушнато дека луѓето најмногу се поврзуваат кога заедно ги надминуваат тешкотиите. Се согласувам и забележав дека тоа важи и за поврзаноста на работа. Колку е покомплексен техничкиот проблем што се обидуваме да го решиме, толку поповрзани и позадоволни се чувствуваме кога ќе успееме. Ја сакаме нашата работа и сакаме да ја работиме заедно токму затоа што го споделуваме ова верување.
Како новите луѓе се вклопуваат во вашиот тим?
Во Scalefocus, една од основите во кои длабоко веруваме е дека одличните резултати доаѓаат од среќните луѓе. Нашата култура на прифаќање и отворена комуникација е она што им овозможува на новите колеги многу брзо да се чувствуваат интегрирани. Кога некој се чувствува прифатено, тој го развива својот целосен потенцијал; ова е нашата крајна цел и вака постигнуваме одлични резултати за нашите клиенти.
Како би одговорил на прашањето „Ако сте…………, дојдете и придружете се на нашиот тим“?
Ако имате смисла за хумор на стенд-ап комичар, ако ја правите највкусната ракија, ако не ви требаат други пријатели освен колегите, ако сакате да печете пити со јаболка и ако се опуштате со .NET програмирање, дојдете придружете се на нашиот тим!
Фјола ја сака својата работа. Тоа можете да го видите во нејзините очи кога зборува за колегите, пријателското опкружување, слободата да избере дали ќе работи од дома или од канцеларија, и можноста за професионален развој. Таа вели дека секогаш била анксиозна личност, особено кога ја интервјуираат или кога разговара со клиенти. Со искуството што го стекна и благодарение на поддршката од нејзиниот тим, а особено од тим лидерот, Фјола сега е посигурна во таквата комуникација.
Таа ја започна својата кариера со Microsoft Dynamics NAV, но подоцна се префрли на .NET и е дел од тимот на Scalefocus речиси 3 години. Фјола е благодарна што првиот проект на кој работела во компанијата и овозможил да го надгради својот сет на вештини. Таа го сака .NET бидејќи и дава можност да експериментира и да ја изрази својата техничка креативност во форма на код.
Надвор од работа, Фјола претпочита пешачење наместо да вози, особено како начин да стигне до канцеларијата. Не поминува ден без таа да направи помеѓу 15.000 и 20.000 чекори. Нејзината најголема страст, сепак, отсекогаш бил тенисот. Таа го практикува од својата десетта година и сега ги пренесува своите вештини со тренирање деца, вклучувајќи ја и нејзината мала ќерка.
За крај, како би го опишале вашиот тим?
Предизвикувачки е да се опише толку разновидна група на луѓе со само еден збор, но како што веќе стана очигледно, .NET тимот не бега од предизвиците. Нераскинливата врска која постои во нашиот тим е препознатлива за нас и најдобро го опишува нашето функционирање како тим.
