Покрај издвоените производи од пекарската, месната и млечната индустрија, од денеска „гарантирана цена“ ќе имаат и безалкохолните пијалаци, пивото, газираната и негазираната вода.

Со новите намалувања на цените, кои важат од денеска, поевтинуваат светлото пиво и лагер-пивото, газираните и негазираните пијалаци, со исклучок на енергетските пијалаци, минералната газирана и негазирана природна вода.

Донесовме и нова одлука за намалување на маржата кај овошјето и зеленчукот, со што дополнително ќе се намалат цените во износ од 30 проценти за овие производи. Кон мерката гарантирана цена како општествено одговорни компании самоиницијативно се приклучија производителите на безалкохолни пијалаци и вода и ова е за поздравување, рече вчера премиерот Димитар Ковачевски.

Владата вчера донесе одлука и за утврдување највисока профитна маржа како посебен услов во трговијата со свежо овошје и свеж зеленчук. 

Избрана е најдобрата држава за живеење во Европа. Станува збор за Шведска која по многу критериуми е пред другите земји. 

„Ју-ес њуз“ и „Ворлд репорт“ неодамна објавија листа на најдобрите земји во светот според квалитетот на животот. За рангирање на 87 држави, во соработка со школата „Вартон“ и Универзитетот во Пенсилванија, тие анкетираа над 17.000 луѓе од целиот свет. Земени се предвид фактори како пристапност, пазар на труд, економска стабилност, еднаквост на приходите, политичка стабилност, безбедност, развој на јавното здравство и системот на јавното образование, приврзаност кон семејството.

Шведска е земја во која трошоците за живот се во просек 20,9 отсто пониски отколку во САД, а изнајмувањето стан е 57,5 ​​отсто поевтино.

Шведска е позната по бесплатната здравствена заштита, како и универзитетското образование. Швеѓаните можат да се пофалат и со просечен животен век од 82,8 години. Родителите во Шведска имаат право на 480 дена платено отсуство кога добиваат дете или по посвојување.

10 најдобри земји во светот за квалитетен живот
1. Шведска

2. Норвешка

3. Канада

4. Данска

5. Финска

6. Швајцарија

7. Холандија

8. Австралија

9. Германија

10. Нов Зеланд

Скандинавските земји и претходно добиваа многу пофалби и тие високи се рангирани на листата на среќни нации. Финците неколку години по ред се најсреќни. 

foto freepik.com/alexeyzhilkin

Министерството за труд и социјална политика соопштува дека согласно со Законот за празниците на РМ („Службен весник на РМ„ бр.21/98 и 18/07), 28 септември 2023 година (четврток), Меѓународниот ден на Бошњаците е неработен ден за граѓаните припадници на бошњачката заедница во Република Северна Македонија.

Министерството за труд и социјална политика на граѓаните припадници на бошњачката заедница им го честита Меѓународниот ден на Бошњаците.

Скопјани последниве неколку денови мака мачат да набават некои основни продукти. Или брзо се трошат, или се носат во мали количини, па кој начека во моментот купува, за веќе после кусо време да нема за другите. Еден таков прехрамбен производ кој по рафтовите во продавниците го нема ниту за лек, се јајцата.

Со денови ги обиколуваме маркетите, но јајца не можеме никаде да најдеме. Ниту во поголемите, ниту во помалите продавнички, се жалат скопјани.

Живинарските фарми пак нагласуваат дека нивниот аларм дека намалувањето на цените на јајцата ќе резултира со намалување на понудата, се покажа точен.

Намалувањето на цената на јајцата за 10 отсто се одразува врз нашето работење. Не е можно како основа за пресметка на продажната цена да се земе летната цена, која секогаш е пониска од цените во есен и зима. Не се исплаќа производството, тоа се намалува, па логично е и да нема јајца по продавниците. До кога ќе потрае ваквата ситуација не знаеме. Може ќе биде и полошо, со оглед на тоа дека допрва ни доаѓа периодот на зголемена потрошувачка, поради периодот на слави и други прослави, тврдат производителите на јајца.