Чест ни е да најавиме дека KARIERA.mk беше дел од група формирана во рамки на Активноста на USAID North Macedonia за млади кои активно создаваат можности, имплементирана од организацијата IESC, во партнерство со Младински образовен форум - МОФ / Youth Educational Forum -YEF и CEED Hub Skopje.

За време на првиот состанок на советодавната група, претставници од младински организации, стартапи и бизниси, разменија идеи и препораки за тоа што сакаат младите и како да ги подобрат своите можности за кариера и практиканти, развој на вештини и граѓански ангажман.

Да ги поддржиме младите генерации и да создадеме неверојатни можности за голема иднина!

Жителите на општина Зрновци конечно го дочекаа првото новороденче во 2023 година. На акушерското одделение при Општата болница со проширена дејност во Кочани се роди здраво машко бебе, како петта рожба во семејството на Тања и Горан Атанасови, кои веќе имаат четири сина.

Градоначалникот на Зрновци Борчо Коцев денеска ги посети новороденчето и мајката во болницата, им врачи цвеќе и подароци и најави голема помош и поддршка за семејството.

-Изразувам огромна благодарност до раководниот и акушерскиот медицински тим во болницата што овозможија породувањето да помине во најдобар ред. Со оглед што се работи за многудетно семејство во социјален ризик, нашата локална самоуправа, заедно со детската градинка „Бисерчиња“, ќе даде максимална поддршка. Бебето, кое ќе го носи името Мартин, ќе добие бесплатен петгодишен престој во градинката, потоа вредносен ваучер во висина од 50 илјади денари за потребните набавки од аптеките, а ќе спроведеме и процедура за доделување градежна парцела од 500 квадратни метри за изградба на нов дом за семејството. Четирите братчиња на новороденчето, кои се ученици во ОУ „Синиша Стоилов“ ќе добијат парична стипендија, истакна градоначалникот Коцев.

Породувањето го извршил единствениот гинеколог со кој во моментот располага кочанската болница, а бебето се родило со тежина од околу 3,5 килограми и должина од 50 сантиметри.

-Имаше спонтано пораѓање што го извршивме заедно со дежурните акушерки, новороденчето беше со добар апгар тест, го прегледа педијатар и ја следи неговата здравствена состојба. Наскоро мајката и бебето ќе бидат пуштени дома, истакна Илчо Атанасовски, специјалист по гинекологија и акушерство во Општата болница.

Од раководството на Општата болница во Кочани го честитаа раѓањето на новиот жител на Зрновци и најавија дека се работи на кадровско подобрување и зајакнување на одделот за гинекологија и акушерство.

Во средината на идната година се очекува враќање од специјализација на четири гинеколози.

Енергетската криза го зголеми темпото на енергетската транзиција и инвестициите во обновливи извори ја намалија значајно цената на електрична енергија преку ден, со што се создадоа услови за домаќинствата да може да користат поевтина електрична енергија преку ден посочи Марко Бислимоски, претседателот на Регулаторната комисија за енергетика и водни услуги (РКЕ) на трилатералниот состанокот на Асоцијацијата на Медитеранските регулатори за енергетика МЕДРЕГ, Бордот на регулатори на енергетската заедница и Совет на европските регулатори за енергетика.

Дневна евтина тарифа ќе стартува во декември, граѓаните ќе можат да ја користат во периодот од 13 часот до 15 часот и секако останува на сила и ноќната евтина тарифа од 22 часот до 7 часот изутрина. Нашата држава, како и цела Европа се соочи со енергетска криза, но беше мотивирачка кај сите и се започна со интензивен циклус со инвестиции во капацитети што произведуваат струја од обновливи изври на енергија. Ние тоа го нарековме Елдорадо на инвестиции во обновливи извори. Во овој период, во време на енергетска криза за 20 % го зголемивме инсталираниот капацитети, со што се релаксира состојбата во енергетската слика кај нас. Стравот од високи сметки, се покажа како најголема мотивација за да се стартува со интензивен инвестициски циклус, кој пак даде резултат со што се намали увозната зависност и од традиционалните нотирани 30 % увоз на електрична енергија, процентот се преполови и сега изнесува 15 % во првите неколку месеци од годинава. Следен чекор е да се редизајнира помошта кон ранливите категории и значајно да се зголеми на оние лица на кои им е потребно, посочи Бислимоски.

Претседателот на МЕДРЕГ Абделатив Бардах алармираше дека е неопходно земјите да работат на инклузивен пристап на енергенси кон крајните потрошувачи, додека реформите во енергетскиот сектор мора да продолжат без оглед на геополитичките случувања.

Поседувањето автомобил во Сингапур, една од најскапите земји во светот, отсекогаш било нешто како луксуз. Но, трошоците сега се искачија на највисоко ниво на сите времиња, пишува Си-Ен-Ен.

Имено, за да се стекнат со 10-годишен сертификат за право - лиценца за возење, што луѓето во богатата градска држава мора да ја купат пред да им биде дозволено да купат возило - сега чини рекорден минимум од 76.000 долари (104.000 сингапурски долари). Тоа е четири пати повеќе одколку што истата чинеше во 2020 година, според бројките на Управата за копнен транспорт.

А со тоа само се купува правото да се купи стандарден автомобил од категорија А, со мал до среден мотор од 1.600cc или подолу.

Оние кои сакаат нешто поголемо или поблескаво - како SUV - ќе мора да издвојат 106.630 долари (146.002 сингапурски долари) за лиценцата од категоријата Б - од 102.900 долари (140.889 сингапурски долари).

Потоа, треба да размислите за трошоците на самото возило.

Системот на квоти беше воведен во 1990 година за да се минимизира сообраќајот и да се намалат емисиите во градска држава, која е дом на 5,9 милиони жители, но може да се пофали со импресивна мрежа за јавен транспорт.

Тоа ги стави автомобилите надвор од дофат на просечниот жител на Сингапур, каде што просечниот месечен приход на домаќинството во 2022 година беше 7.376 долари (10.099 сингапурски долари), според Одделот за статистика.

Рики Гох, локален продавач на автомобили, рече дека „за малку ќе се онесвестил“ кога слушнал за зголемувањето на цената. „Продажбата веќе беше толку слаба. Сега со ова ќе биде уште полошо за бизнисот“, изјави тој за Си-Ен-Ен.

Вонг Хуи Мин, мајка на две деца, рече дека можеби ќе треба да ја преиспита зависноста од нејзиниот автомобил и покрај тоа што го користи главно за своето семејство.

Многу трчам наоколу, ги испраќам моите деца до и од училиште, исто така и за други активности како часови по пливање и школарина. Ми треба мојот автомобил. Возењето такси или заеднички возења насекаде едноставно не ми е погодно, рече таа.

Owning A Car In Singapore Costs $106,000, And That Doesn't Include The Car #singapore #uber https://t.co/sbXFpZBPav pic.twitter.com/vapCLBT51K

— Bobby Ore Motorsport (@OreBobby) October 4, 2023

„Едно семејство од Сингапур во просек треба да заштеди години само за да купи автомобил за да им помогне во нивните потреби“, продолжи Вонг, додавајќи: „Не знам дали можам да си дозволам да го задржам мојот автомобил на долг рок“.

За некого најавата е само последен финансиски удар.

Локалните жители велат дека животот во Сингапур, кој веќе е рангиран како најскапиот град во светот, стана невообичаено скап во последниве години поради постојаната инфлација, зголемените трошоци за јавните станови и забавената економија.

Но, поддржувачите на системот на квоти велат дека тоа му помогнало на Сингапур да се спаси од метежот што рутински ги оптоварува другите престолнини на Југоисточна Азија како Бангкок, Џакарта и Ханој.

Оние кои не можат да си дозволат сертификат за право, исто така, можат да го користат обемниот систем за јавен превоз во Сингапур, посочуваат тие.

Ако тоа не се случи, постои можност да се добие мотор - дозволите за кои се релативно попристапни почнуваат од 7.930 долари (10.856 сингапурски долари).

Фото: Принтскрин/Твитер