Скопје, 05.10.2023г. - А1 Македонија трет пат по ред ги отвори вратите за 15 млади таленти кои својата кариера ќе ја градат во една од следниве области во дигиталниот свет: E-commerce/Digital Transformation, Data Science & Analytics, Infrastructure & Cloud, ICT Solutions и IT Systems & Technology.
![](/uploads/articles/A1_Baner_1200x630px_A1Start-02 - Copy 2 - Copy 1.jpg)
A1 WayUp е специјално креирана практикантска програма која овозможува практично учење и стекнување на нови дигитални вештини што секако е дел од кариерниот пат на секој еден член на А1 тимот и кое без сомнеж придонесува кон непрекинат професионален развој настрана од формалното образование. . A1 WayUp почнува и завршува со однапред внимателно испланиран менторски план, но и детален развоен едукативен план за сите членови на генерацијата, со цел практикантите да бележат раст во своите знаења и вештини и да го градат својот кариерен пат во меѓународна компанија како што е А1 Македонија, членка на А1 Телеком Австрија Групацијата.
“Горд сум што A1 WayUp е програма препознена меѓу младите луѓе за што говори и големиот број пријави што пристигнаа на објавениот повик. Во избраните 15 таленти препознавме потенцијал за развој и особено сме среќни што тоа се кандидати кои сакаат да ги покажат своите дигитални вештини стекнати во образовниот процес и кои се подготвени да учат уште повеќе од докажани професионалци во својата област во А1,” изјави Стефан Јовановски, раководител на одделот за човечки ресурси во А1 Македонија.
![](/uploads/articles/6 (1) - Copy 1.jpg)
A1 WayUp е платена програма за практиканти и трае 6 месеци, со полно работно време од 40 часа, со можност за вработување и пред завршување на програмата. Избраните практиканти, дел од A1 WayUp ги добиваат истите бенефити во поглед на учење, развој и погодности како и секој еден вработен на А1, а со тоа компанијата ја внесува добропознатата корпоративна култура на флексибилност, агилност, тимска работа и неограничени можности за учење и развој.
![](/uploads/articles/1 (3).jpg)
![](/uploads/articles/3 (1).jpg)
![](/uploads/articles/2 (1) - Copy 1.jpg)
![](/uploads/articles/9 - Copy 149.jpg)
![](/uploads/articles/7 (1).jpg)
![](/uploads/articles/8 - Copy 184.jpg)
![](/uploads/articles/5 (1).jpg)