Експертите од Германското пензиско осигурување (DRV) пресметале дека најниската пензија што некој може да ја добие во Германија е 563 евра месечно.

Секоја пензија е различна и висината на месечната сума е индивидуална. Германското пензиско осигурување (DRV) го пресметува од различни вредности. Формулата за пензија произлегува од множењето на заработените поени, факторот на пристап и видот на пензијата и моменталната вредност на пензијата.

Поените на плата се пресметуваат годишно со споредување на приходот со просечниот приход на сите осигуреници. Ако заработката точно се совпаѓа со просечната заработка во соодветната година, тоа резултира со бод на плата. Според тоа, се зема предвид и времето поминато во одгледување деца (до 10-годишна возраст) или грижа за најблиските.

Исто така, се води сметка и за тоа кога некој ќе се пензионира. Ако се пензионирате предвреме, има одбитоци. Оние кои чекаат подолго може да имаат доплата. Ако се пензионирате точно во наведеното време, факторот за пензионирање е 1,0 - и нема одбитоци или доплати. Старосната пензија има коефициент на тип на пензија 1,0, додека, на пример, пензијата за деца без родители има коефициент 0,2. Сегашната вредност на пензијата е 37,60 евра за Западна Германија и 37,60 евра за Источна Германија.

Но, колку, поточно, односно колку нсјмалку, во најлош случај би требало да добива еден германски пензионер секој месец? Интернет порталот „ Finanztip“ пресметал: „Во најлош случај ќе добивате 563 евра месечно“.

„ Finanztip“ го илустрира ова „најлошо можно сценарио“ со пример:

Една жена никогаш во животот не работела и била мажена за независен претприемач. Во текот на разводот на виделина излеглеогромни долгови, а жената не добила ниту еден пензиски бод поради самовработување. Според тоа, жената нема право ниту на законска пензија, ниту на основна пензија.

Wizz Air, најголемата авиокомпанија во Северна Македонија и еколошки најодржлива авиокомпанија на глобално ниво**, денеска објави дека ќе започне нова линија од Скопје до Салцбург, Австрија. Планирано e да започне во април 2024 година, преку целата година ќе се изведува три пати неделно во понеделник, среда и петок. Билетите се веќе достапни на wizzair.com или на мобилната апликација на Wizz Air.

Салцбург е прекрасен град, сместен на австриските Алпи во близина на австриско-германската граница, познат по своите прекрасни пејзажи, историја и култура. Со мешавина од шарм на стариот свет и модерни вибрации, тој е идеална дестинација за пешачење, скијање или едноставно разгледување на прекрасните планински предели, Салцбург има се.

Посетителите можат да го истражуваат волшебниот Стар град, живописната река Залцах и величествените Алпи во позадина.

Културната таписерија на Салцбург е богата и разновидна. Од застрашувачката тврдина Хоензалцбург која има поглед кон градот до елегантната палата Мирабел и катедралата во Салцбург што инспирира стравопочит, нема недостиг од историски знаменитости и културни богатства.

Патниците се охрабруваат да ги резервираат своите билети рано за да ги искористат предностите на ниските цени за да го направат нивното патување до Салцбург уште попријатно. 

“Со задоволство воведуваме нова рута до Салцбург од Скопје. Северна Македонија има значајно место во огромната мрежа на Wizz Air и ние сме горди што сме лидер на пазарот во земјата. Wizz Air останува посветен да им нуди на своите патници извонредни рути и можности за патување со ниски цени за да ги истражуваат атрактивните дестинации во Европа и пошироко”, - изјави Тамара Никифорова, менаџер за корпоративни комуникации во Wizz Air.

*Цена во еден правец со вклучена административна такса. Вклучена е една рачна торба.

Тимот на KARIERA.mk денес го прославува својот 7-ми роденден!

KARIERA.mk е приказна за еден млад и ентузијастичен тим кој во последните 7 години работи на одлични проекти кои помагаат на општеството. Главната цел на нашето постоење е полесно интегрирање на луѓето на пазарот на труд со што истовремено успеваме да ги зацврстимe и збогатуваме тимовите на преку 5.700 компании клиенти од државата и регионот. 

Седмата година од постоењето на KARIERA.mk ја одбележавме со почеток на еден голем и доста значаен проект во јануари 2023та кој го нарековме Kariera events, преку кој во текот на годината беа организирани повеќе настани и работилници за подобрување на вештините и знаењата на вработените од голем број на одлични компании од државата. Настаните беа во целосна организација на KARIERA.mk а спикерите беа странски експерти од компании како Google, Adidas, DHL и Nike.

За нас оваа година засекогаш ќе остане запаметена по успешните работилници во полето на маркетингот и човечките ресури, на кои успеавме да имаме над 250 учесници од преку 90 компании од државата.

Ви прикажуваме неколку интересни факти за огласите од последнава година:

Најмногу огласи оваа година имало за продавачи, комерцијалисти, програмери, возачи и кувари, додека најголем интерес имало за огласи за административни работници.

Најмногу огласи објавени во 2023та биле за локација Скопје и за позицијата ПРОДАВАЧ.

KARIERA.mk во осмата година планира да се фокусира кон имплементација на AI алатки во системот на работа и да продолжи да гo следи светскиот ритам на иновации како и досега. 

Благодариме на довербата која постојано ја добиваме од македонските и странските компании, како и на заедницата од преку 186.000 корисници на нашата мрежа.

Во новата година очекувајте многу новитети, настани и супер енергија!

KARIERA.mk, 7 години посветена работа, автентичност и љубов! 

Струјата нема да поскапи, ниту по 1 јануари, рече денеска министерот за економија. Според него, Регулаторната комисија за енергетика (РКЕ) ќе може да интервенира во цената, ако се утврди дека пресметките не се направени како што треба.

Бектеши информира дека постапката за избор е почната и кон почетокот на наредната година ќе има нов универзален снабдувач.

Никако нема да има повисока цена на струјата, имајќи предевид дека тоа е предвидено со Законот за енергетика. РКЕ согласно законското решение има обврска да направи надзор и да утврди дали се пресметките направени како што треба. Со последните измени на Законот за енергетика граѓаните знаат дека воведовме универзален снабдувач на кој рокот му истекува наредната година, а постапката за избор на нов е почната. Кон почетокот на наредната година ќе имаме нов универзален снабдувач, се надеваме ќе бидат со пониски маржи согласно конкуренцијата што ја имаме. Истиот тарифен систем ќе биде од 1 јануари, а надзор прави РКЕ.

Согласно став 5 од членот 10 ќе има право РКЕ да интервенира во цената, ако се утврди дека пресметките не се направени како што треба. Кога зборувваме за монопол, ние сами сме одлучиле да имаме регулирана цена во делот на електричната енергија со цел да ги заштитиме домаќинствата и малите потрошувачи. Спротивното ќе беше да одиме на берза и да имаме пазарни цени кои моментно се двојно повисоки од цената што ја нуди ЕСМ, истакна Бектеши, одговорајќи на новинарски прашања.

Како што изјави Бектеши по Самитот за женско претприемништво, моментно се прават анализи од РКЕ и надлежните институции, во делот на блоковите.

Не, цената на електричната енергија нема да се зголеми, ниту во блоковите, ниту во целина. Моментно се прават анализи од РКЕ и надлежните институции, во делот на блоковите зашто сакаме што повеќе да ги заштитме ранливите категории граѓани, нагласи Бектеши.