Мотивирањето на вработените без да им наметнувате притисок е важно за креирање здрава и продуктивна работна средина.

Еве неколку начини за тоа:

• Комуникација и почит

Разговарајте со вработените и покажете интерес за нивните потреби, мислења и идеи. Покажете им почит и важност за нивната улога во организацијата.​

• Поставување на јасни очекувања

Обезбедете ги јасно дефинираните цели и очекувања за нивната работа. Овозможете им да ги разберат своите задачи и исклучате ги потенцијалните недоразбирања.

• Пофалби и признание за успесите

Пофалете ги и признајте ги успесите на вработените. Пофалбите и признанијата ги мотивираат и ги подтикнуваат да продолжат да работат напорно.

• Развој на кариера и можност за учење

Обезбедете им можност за напредок во кариерата за учење и развој. Организирајте обуки, семинари и други активности кои ќе ги подобрат нивните вештини и знаења.

• Флексибилност во работното време и стилот на работа

Понудете флексибилност во работното време и начинот на работа, доколку е возможно. Ова може да ги мотивира вработените и да им овозможи посветеност кон работата.

• Тимска работа и заеднички цели

Поддржете го духот на тимската работа и развивањето на заеднички цели. Креирањето на посебен тимски дух и вклучувањето на вработените во процесот на донесување одлуки може да ги мотивира и подобри односите во работната средина.

Секоја организација и вработен може да реагира различно на различни видови на мотивација, затоа е важно да го разговарате со своите вработени и да дознаете што ги мотивира најмногу.

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 0,50% во однос на одлуката од 22.2.2024 година.

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,238%, кај дизелот за 3,674%, кај екстра лесното масло за 2,350% и кај мазутот зголемувањето е за 1,168%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,178%

Од 24.2.2024 година од 00:01 часот максималните цени на нафтените деривати ќе изнесуваат:

• Моторен бензин ЕУРОСУПЕР БС – 95 83,00 (денари/литар)
• Моторен бензин ЕУРОСУПЕР БС – 98 85,50 (денари/литар)
• Дизел гориво ЕУРОДИЗЕЛ БС (Д-Е V) 78,50 (денари/литар)
• Масло за горење Екстра лесно 1 (ЕЛ-1) 77,50 (денари/литар)
• Мазут М-1 НС 42,901 (денари/килограм)
• Малопродажната цена на ЕУРОДИЗЕЛ (Д-Е V) се намалува за 2,00 ден/лит.

Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на Екстра лесното масло за домаќинство (ЕЛ-1) и на Мазутот М-1 НС не се менуваат.

Употребата на паметни телефони и таблети ќе биде забранета во италијанските училници, дури и за наставни цели, според новите упатства што ќе бидат објавени наскоро, изјави италијанскиот министер за образование Џузепе Валдитара во денешното интервју за Il Folio.

Забраната, која се однесува на градинките, основните училишта и средните училишта, ја продолжува постоечката забрана за неакадемска употреба на паметни уреди воведена во Италија во 2007 година, објави Анса.

Во 2007 година, Италија ја забрани употребата на мобилни телефони во училниците во обид да спречи нарушување на наставата и злоупотреба преку телефонски уреди.

Учениците се педупредени дека ќе им бидат одземени мобилните телефони, а им се заканува и неможност за полагање на завршните испити.

Се зголемиле платите во Македонија според Државниот завод за статистика(ДЗС). Просечната месечна исплатена нето-плата по вработен, во декември 2023 година, изнесувала 39.998 денари. Во неколку сектори платите се зголемиле. 

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Јавна управа и одбрана; задолжително социјално осигурување (27.5 отсто), Снабдување со електрична енергија, гас, пареа и климатизација (27.1 отсто) и Градежништво (21.8 отсто).

Зголемување на просечната месечна исплатена нето-плата по вработен, во однос на претходниот месец, е забележано во секторите: Градежништво (9.7 отсто), Уметност, забава и рекреација (9 отсто) и Рударство и вадење на камен (8.6 отсто).