Неочекуван играч влегува на пазарот за заедничка соларна енергија во Илиноис. Омилениот бренд за кафе, Starbucks, во соработка со Nexamp, се обврза да биде главен поддржувач на шест соларни фарми во државата. Овие фарми ќе произведуваат 40 мегавати, овозможувајќи 1.100 клиенти на ComEd и Ameren да ги уживаат придобивките од чистата енергија.
 

Фармите се во изградба и ќе бидат оперативни до 2025 година. Компаниите изјавија дека сакаат да продолжат да соработуваат на слични проекти низ целата земја. Овој проект се рекламира како генератор на работни места и развивач на работната сила, вклучувајќи партнери како Градските колеџи на Чикаго, Чикашката урбана лига и Гимназијата Уплифт.

„Starbucks е посветен на нашето еколошко ветување да дадеме повеќе отколку што земаме,“ изјави главниот директор за одржливост на Starbucks, Мајкл Кобори. „Горди сме што ги поддржуваме напорите на Nexamp да донесат заедничка соларна енергија во области каде што може да има најголемо влијание и да направат можности за заштеда достапни за членовите на заедницата.“

Линк од оргиналната вест.

SunPower, голем производител на соларни панели, објави дека поднесува барање за банкрот, очекувајќи да се продаде на конкурентот Solaria по резултатите од аукцијата за банкрот. Компанијата која некогаш помогна да се создаде авион напојуван од сончеви зраци, сега се соочува со сериозни проблеми.

Извршниот претседател Т.Ј. Роджерс изјави дека предложената трансакција со Solaria нуди значајна можност за клучните делови од бизнисот на SunPower да продолжат под ново сопствеништво, нагласувајќи дека извршниот директор на Complete Solaria ќе ја продолжи визијата на SunPower за резиденцијална соларна енергија.

SunPower, која некогаш беше најголемиот производител на соларни панели во САД, неодамна се соочи со проблеми поради високите каматни стапки и ослабената побарувачка предизвикана од инфлацијата. Компанијата исто така се соочи со финансиски проблеми и регулаторни истраги, што доведе до пад на акциите за повеќе од 90% оваа година.

Линк од оргиналната вест.

Од Управата за хидрометеоролошки работи велат дека идната недела ќе биде сончево и многу топло, кога на повеќе места ќе биде активирано портокалово ниво за опасност од високи температури.

За утре се предвидува сончево и топло, во источните делови со мала до умерена облачност. Ќе дува слаб до умерен, а долж Повардарието засилен ветер од северен правец.

Македонците се на второто место во Европа по насобран гнев или лутина покажува овогодинешниот Глобален извештај за емоции на „Галуп“.

На листата, првото место го зазеде Турција, каде што 34 отсто од жителите секојдневно изразуваат одредена доза гнев. Македонците се втори, со 26 отсто од испитаниците кои изјавиле дека се чувствуваат лути во текот на денот. По нив следуваат Албанците и Црногорците (24 насто), а потоа и Шпанците (23 насто).

Од нашето опкружување, Бугарија, Србија и Косово се некаде при дното на листата, бидејќи меѓу 11 и 13 отсто од граѓаните од овие три земји изјавиле дека чувствуваат гнев во текот на денот. За Грците, таа бројка изнесува 21 отсто.

Земјите со најмал процент на гнев на дневна основа во Европа се Финска и Естонија (7 отсто), потоа – Португалија (8 насто), па следат Холандија и Хрватска (9 отсто).