Започнувањето на сопствен бизнис е голем чекор што бара добро планирање, самодоверба и подготвеност да се преземат ризици. Одлуката за тоа кога е вистинското време да започнете сопствен бизнис зависи од неколку фактори и е индивидуална за секого.

Еве неколку важни аспекти што може да ви помогнат да одлучите дали сте подготвени за оваа авантура.

1. Кога имате јасна идеја и пазарна можност

Првиот и најважен чекор е да имате јасна идеја за тоа што сакате да понудите и да бидете сигурни дека постои реална потреба за вашиот производ или услуга. Истражете го пазарот и анализирајте ја конкуренцијата – ако видите недоволно покриени потреби или можности за иновации, тогаш тоа може да биде добар сигнал дека е време да започнете.

2. Кога имате финансиска стабилност

Финансиската подготвеност е клучна, особено ако планирате да оставите работа или да вложите сопствени средства. Ако имате заштеда што може да го покрие вашиот животен стил во текот на првите неколку месеци (или дури и години), ќе бидете многу послободни да се посветите на развојот на вашиот бизнис без да бидете под притисок за брзи профити.

3. Кога сте подготвени да преземете ризици

Започнувањето бизнис секогаш носи одреден степен на ризик, па затоа е важно да бидете спремни за неизвесност. Ако се чувствувате психички подготвени и флексибилни за да се прилагодувате на променливите околности, тогаш сте еден чекор поблиску до вистинското време за старт. Запомнете дека успехот доаѓа постепено и е потребно време и истрајност.

4. Кога имате мрежа на поддршка

Изградбата на мрежа на поддршка е од огромна важност, без разлика дали станува збор за ментори, партнери, клиенти или семејство и пријатели. Ако веќе сте успеале да создадете контакти во индустријата и имате ментор кој може да ве води, тогаш тоа е знак дека сте во добра позиција за почеток.

5. Кога сте подготвени да научите и да се развивате

Во светот на бизнисот, постојано ќе се соочувате со нови предизвици и потреба за нови вештини. Ако сте личност која е подготвена да учи, да се развива и да ги подобрува своите знаења и способности, тогаш имате добар менталитет за основање на бизнис.

6. Кога имате јасен план и цел

Добро осмислениот бизнис-план ќе ви помогне да поставите конкретни цели, да предвидите можни трошоци и да ги оцените ризиците. Ако веќе имате подготвен план кој ги опфаќа овие точки и имате поставено реалистични цели, тоа значи дека сте сериозно подготвени за почеток.

Не постои идеално време за започнување сопствен бизнис – секогаш ќе има одредени пречки или сомнежи. Вистинското време е тогаш кога ќе се почувствувате доволно подготвени и решителни за да го направите првиот чекор. Со вистинската идеја, соодветна подготовка и посветеност, вашиот сон може да се претвори во успешен бизнис.

Скопје како главен град и економски центар на Македонија нуди широк спектар на можности за вработување во разни индустрии и сектори. Во последно време, пазарот на трудот во Скопје забележува зголемена побарувачка за професионалци од различни области, од технологија и маркетинг до угостителство и администрација. 

Еве некои од најновите и најпопуларни огласи за работа во градот:

Продажен асистент - М1 киоск Рузвелтова
Келнер/ка
UI/UX веб-дизајнер
Оператор за телефонска наплата на побарувања
Нотарски стручен соработник

Останатите оглси за во Скопје можете да ги најдете ТУКА.

Општина Карпош е прва општина која потпиша договор со колективен постапувач за отстранување на отпадни (хаварисани) возила. 

Општина Карпош на 11.11.2024 год склучи Договор за соработка со колективниот постапувач ДУО Греен Роад ДООЕЛ, Скопје за собирање, регулирање и отстранување на отпадни (хаварисани) возила на јавни површини на територија на локалната самоуправа.

Инспекторатот на Општина Карпош оваа акција освен со колективниот постапувач, ќе ја спроведе во заедничка соработка и со Министерството за внатрешни работи преку урбаните заедници со цел подигнување на свеста на граѓаните за рециклирање на отпадните моторни возила, како и за зачувување на здрава животна средина преку нивно отстранување од јавна
површина.

По донесување на Законот за управување на посебни текови на отпад (Сл. Весник на РСМ бр.216 и 195/22) и член 63 од Закон за безбедност на сообраќајот, според насоките од Министерството за животна средина и просторно планирање, Општина Карпош ГИ ИЗВЕСТУВА
граѓаните за следново:

ОТПАДНО ВОЗИЛО – е возило чија што употребна функција престанала и кое крајниот корисник го исфрла, има намера да го исфрли или од него се бара да го исфрли, вклучувајќи ги и сите негови составни делови и материјали кои во моментот на исфрлање претставуваат дел од отпадно возило…“ – чл. 7 од Закон за управување со дополнителни текови на отпад.

Возилата кои ги исполнуваат условите од горенаведената дефиниција почнувајќи од денеска ќе бидат мапирани и за нив ќе се води база на податоци.

За веќе мапираните отпадни возила ќе се доставува Изестување до МВР за добивање информации за сопственост на отпадното возило.

Според информациите од МВР, инспекциските служби ќе лепат Известувања во кои се дава рок од 10 (десет) дена за отстранување на возилото. Истовремено инспектор за животна средина/комунален инспектор ќе изготви Записник при што во прилог со писмено Известување до
сопственикот ќе бидат доставени на негова адреса.

По истекот на дадениот рок, доколку отпадното возило не е отстрането од страна на сопственикот, инспекциските служби носат Решение за опомена во времетраење од 5 (пет) дена до сопственикот на возилото, а доколку сопственикот на возилото не постапи по Решението до МВР се доставува известување за одјавување и отстранување на возилото.

По истекот на рокот од 5 (пет)дена, отпадните возила го превзема колективен постапувач кој ги дислоцира на соодветно собирно место.
Општина Карпош апелира  сите граѓани кои се сопственици на вакви отпадни моторни возила а се на јавна површина да ги дислоцираат/отстранат во најкус можен рок. Доколку не го сторат тоа, ќе се поведе инспекциска постапка со изрекување на казна – глоба во вредност од 250 евра според чл.67 од Закон за управување со дополнителни текови на отпад.

Телефони за контакт:
Сектор Инспекторат на Општина Карпош: 02 3055 931, 02 3055 929
Колективен постапувач: 071 288 846
ДУО Греен Роад ДООЕЛ 072 215 199

Граѓаните на Македонија можеби ќе добијат олеснување во патувањата во регионот – од Нова година, зелените картони најверојатно нема да бидат потребни за патување во Србија, Албанија и Молдавија.

Според Здравко Илиќ, експерт за трговија со услуги во Секретаријатот на ЦЕФТА во Брисел, овој трошок за граѓаните на Македонија, како и за другите членки на ЦЕФТА договорот, треба да биде укинат. Во моментов, поседувањето на овој документ е задолжително при влез на територијата на Русија, Белорусија, Украина, Турција, Израел, Иран, Тунис и Мароко.

Зелениот картон претставува доказ дека сопствениците на автомобили веќе имаат платено осигурување за своето возило. Тој не е посебен документ, туку потврда за уплатеното осигурување, за која се издвојуваат одредена сума пари.

Во Македонија, возачите во просек плаќаат околу 2.000 денари месечно или речиси 4.000 денари годишно за зелен картон.