За да се комплетираат новите Pixel паметни телефони кои беа објавени овој месец, Google објави и нови безжични слушалки, именувани „Pixel Buds“. Ова се први безжични слушалки на Google кои се креирани за да бидат користени заедно со Pixel telefonite, но исто така и да им дадат пристап на корисниците до Google Translate за да можат да имаат разговори со луѓе кои зборуваат различен јазик. 

Сите од контролите на Pixel Bud се креирани во десната слушалка, што е чест случај на безжичните слушалки. Може да пристапите до Google Assistant со допирање или притискање на десната слушалка и асистентот ќе биде во можност да ви чита нотификации и пораки преку слушалките. 

Највпечатлива функција е интегрираната Google Translate функција. Оваа функција дозволува двајцата носачи на Pixel слушалки да разговараат на нивните мајчини јазици со преведување на разговорите во реално време. Во презентираната демо верзија, лице со Англиски мајчин јазик и лице со Шведски мајчин јазик разговарале помеѓу себе, притоа користејќи ги нивните мајчини јазици. Google Translate ги преведил јазиците за секој корисник. Постоењето на пречки или временско чекање скоро и да не постоело помеѓу разговорот и преведувањето. 

Pixel слушалките ќе го користат Google Translate за да синхронизираат и преведуваат разговори на 40 различни јазици. Овие слушалки имаат батерија што би требало да трае пет часа на едно полнење, што е просечно за безжичните слушалки. Pixel слушалките имаат уникатна функција што единствено компанија како Google може да ја интегрира, благодарение на веќе постоечкиот Google Translate. 

По повод 17ти октомври - Светскиот ден за борба против сиромаштијата денес во Скопје се одржува акција за донирање на храна под мотото „Нахрани 1000“. Ќе може да се донира храна која ќе биде наменета за бездомниците и за загрозените семејства. Во период од 10 до 19 часот ќе бидат поставени штандови на пет различни локации:

• Плоштад Македонија
• Пред Skopje Citz Mall кaj Play Cafe
• Пред Веро во Аеродром
• Пред Дом на Градежници
• Пред Tinex во Ѓорче Петров

Организатори на настанот се граѓанската иницијатива „Мрдни со прст“ во соработка со „Црвениот крст на Град Скопје“, организацијата „АДРА Македонија“, Сојуз на извидници на Република Македонија,организацијата „Ајде Македонија“ и Здружение на граѓани за помош на бездомници и социјално загрозени семејства „Љубезност“.

Акцијата се спроведува со цел да се поттикне хуманоста и да се зголеми јавната свест за донирање храна на оние на кои им е најпотребна. 

Како што соопштиле организаторите, во акцијата ќе биде вклучено и комбе на граѓанската иницијатива „Мрдни со прст“ кое во текот на денешниот ден ќе посети компании во Скопје кои пројавиле интерес за акцијата. 

Повеќе информации за настанат може да прочитате на https://www.facebook.com/events/1706775302773638

Флексибилниот телефон станува реалност, благодарение на Samsung. Со неколку неуспешни обиди претходно, се чини дека наредната година ќе е достапен телефонот за корисниците. Според неодамнешните извори, Samsung го има и потребниот простор за производство на тој вид технологија, како и самиот факт дека Samsung, на некој начин, се обврза наредната година да донесе нов производ на пазарот.

Овој факт треба да е загрижувачки за ривалите. Новите, креативни идеи кои се појавуваат на пазарот може драматично да ја променат индустријата. Ако Samsung се подготвува да го лансира Galaxy X на почетокот на следната година, Pixel2 и iPhone X би требало да се видно загрижени. Причината поради тоа е тоа што доаѓа во склоп на флексибилниот телефон. 

Ќе биде доста интересно да се види како креативните UX и UI дизајнери би создале нов уред кој е дизајниран околу флексибилноста. Можностите се бескрајни. Ако е веродостојно тоа дека Samsung ќе лансира флексибилен телефон на почетокот на 2018, тогаш моменталните уреди на Apple и Google ќе изгледаат многу старомодни многу брзо наспроти што и да е тоа штo ќе го носи Galaxy X назад од иднината.

Постои и прашањето на што ќе креираат и произведат главните ривали на Samsung за да држат стабилно темпо. Samsung работи на овој процес со години и своето производство го има структуирано соодветно на процесот, а тоа им дава значајна предност.

Занимливо ќе биде да се виде дали ривалите ќе бидат доволно брзи или дали воопшто ќе ја имаат потребната инфрастуктура и локација за изработка на доволно квалитетен уред, кој ќе е достоен противник на Samsung Galaxy X. 

Купувањето животно осигурување не е лесна одлука. Отвара многу несигурни прашања кои не оставаат прашувајќи се што е тоа што може да направиме за да им олеснеме да нашите најблиски во случај на неочекувани настани. 

Најчести грешки кои луѓето ги прават при купувањето на животно осигурување:

• Потрага по најдобрата цена, наместо по најдоброто покривање - Фактите го зборуваат следново - ние купуваме животно осигурување за да имаме мирна совест доколку нешто непланирано ни се случи. Поради ова, секогаш сме насочени кон плаќање премногу за покривање, за полиса. Поевтините полиси (оние кои се премногу добри за да бидат вистинити) може да содржат потенцијални сомнителни прашања. Детално читање на полисата, истражување на покриените делови и најважно, прегледајте ги назначените исклучувања од полисата, односно сите можни случувања кои полисата нема да ви ги покрие. 
• „Не ми е потребен совет, на ТВ го видов, лесно е“ - Купувањето на полиса за животно осигурување е едноставно како купување чоколадо. Во денешно време, се сведува на еден телефонски повик кон агент за животно осигурување или посета на канцеларии, што го прави процесот многу достапен. Меѓутоа, достапноста може да биде и опасна. Ако изгледа како да е премногу добро за да биде вистинито, најверојатно е. Животното осигурување кое е лесно и брзо за да се добие може да има необјавени, скриени клаузули, исклучоци и истото може да биде одбиено поради тоа. Разговор со квалификуван и независен финански советник може да ви користи многу и да ви помогне да си направите полиса според вашите мерки и потреби.
• Животот се менува, затоа треба и вашето осигурување - Потрудете се за привремен преглед на полисата и менувајте ја по потреба. Можеби ќе треба да извршите промени во делот на:

• Сте стапиле во брак или развод (да се надеваме не во иста година!)
• Очекувате дете или имате деца кои го напуштиле домот
• Имате зголемени приходи, поголеми долгови или отплаќате хипотека.

Сите овие животни ситуации го формираат нивото на полиса која ја имате и според животниот тек, се менуваат. 

Ние никогаш не купуваме животно осигурување поради себеси, Тоа е мала инвестиција која ќе не осигури дека не ги напуштаме нашите најблиски без финансиска сигурност во случај на изненадна смрт.