Од сабота, 28 декември 2024 година сите мали и средни преносни електронски уреди што се продаваат во ЕУ мора да бидат компатибилни со USB-C порти за да се намали отпадот, пренесува Еуроњуз.

Од утре, на потрошувачите од ЕУ повеќе нема да им требаат различни полначи за нивните паметни телефони, таблети, камери, слушалки, конзоли за видео игри и други уреди, бидејќи портите за полнење USB од типот C ќе станат стандард за мобилни уреди низ Унијата.

Во 2022 година, Европскиот парламент и земјите-членки одлучија со огромно мнозинство да ги укинат алтернативните методи за полнење, што значи дека сите мали и средни преносливи електронски уреди што се продаваат во ЕУ мора да бидат компатибилни со USB-C портите.

Според правилата на ЕУ, потрошувачите исто така можат да се откажат од добивање на нов полнач со секој купен уред. Производителите на преносни компјутери ќе мора да ги следат истите правила од 28 април 2026 година.

Ана Кавацини, претседател на Комитетот за внатрешен пазар и заштита на потрошувачите на Европскиот парламент, рече дека ова претставува „решителен чекор кон удобноста на потрошувачите и одговорноста за животната средина“.

Овие правила се однесуваат на справување со тоните отпад создадени од фрлените полначи секоја година и заштеда на околу 250 милиони евра за домаќинствата во ЕУ со елиминирање на непотребните купувања на полначи секоја година, додаде Кавацини.

Парламентот, исто така, најави дека „внимателно ќе следи“ како производителите се прилагодуваат на овие промени. Производителите на електронски уреди долго време се спротивставуваат на напорите на ЕУ за стандардизирање на технологиите за полнење.

Одлуката ќе влијае на сите продавачи, особено на Apple, кој првично ги оспори правилата, наведувајќи ја загриженоста за иновациите. Сепак, овој технолошки гигант почна да се прилагодува на директивата и се префрли на USB-C за своите уреди.

Северна Македонија има најниски просечни плати во регионот на Балканот.

Нето месечната плата во октомври изнесува 685 евра, соопшти Државната агенција за статистика.

Македонија заостанува зад соседните земји, каде работниците заработуваат повеќе. Во Босна и Херцеговина просечната плата е 720 еу, во Црна Гора – 944, во Србија – 842, во Хрватска – 1.340, а во Словенија – 1.514 евра, велат податоците на ЕСХС.

И покрај тоа што просечната нето плата е зголемена во однос на минатиот месец и што просечната плата во РМВ во последните 10 години е зголемена за околу 94%, Македонија и понатаму останува на дното на листите во Европа според висината на минимални плати.

Денес ви ги издвојуваме најпосетуваните работни позиции од реномирани компании на KARIERA.mk, се надеваме дека ќе го најдете вашето идеално работно место меѓу нив.

Зегин ДОО е првата приватна компанија во Република С. Македонија регистрирана за продажба на лекови.

Сите огласи од Зегин можете да ги најдете ТУКА.

Хотелот Мериот е луксузен хотел на плоштадот Македонија кој нуди традиција и искуство кое ќе го направат вашиот ден незаборавен.

Моментално вработува:

ГОТВАЧ/ COOK
РЕЦЕПЦИОНЕР/ GUEST EXPERIENCE EXPERT
HOSTESS / ХОСТЕСА

КАМ доо е најголем национален хард-дисконт и трговец-лидер во малопродажбата во Македонија.

Моментално враборува:

АСИСТЕНТ НА ВОЗЕН ПАРК
СОРАБОТНИК ЗА ERP СИСТЕМИ

Групацијата Виндија опфаќа 14 компании, од кои 8 се со седиште во Хрватска и 6 во соседните земји. Вработува повеќе од 4.000 луѓе. Беспрекорниот квалитет на производите на Виндија е препознаен на бројни меѓународни саеми, што со гордост ја направи компанијата добитник на бројни награди.

Моментално вработува:

ВОЗАЧ ДИСТРИБУТЕР - Ц КАТЕГОРИЈА

ВДЛ Ван Хоол Македонија е дел од холандската Групација ВДЛ. Компанијата дојде во земјава во 2012 година кога ја изгради и фабриката во Технолошко индустриската развојна зона Скопје2 во Бунарџик, со што ја врати традицијата на автобуската индустрија во земјата.

Сите огласи од Ван Хоол Македонија можете да ги најдете ТУКА.

Ел Дорадо 05 ДОО Скопје е основач на брендот ZIA кој работи повеќе од 7 години, и е пласиран на пазарот со 6 продажни локации, меѓу кои Г.Т.Ц., Приземје (спроти Жена парк), Т.Ц.Лептокарија (до Зегин од внатрешната страна), Capitol Mall, 1 спрат, East Gate Mall, Приземје, Skopje City Mall 1 спрат и Битола Широк Сокак.

Моментално вработува:

ПРОДАЖБА - EAST GATE MALL

ТБМ Гроуп е меѓу водечките европски компании кои организираат тематски бизнис конференции.

Моментално вработува:

JUNIOR SALES AGENT

Кромберг и Шуберт се фокусира на развој и производство на комплексни системи за ожичување за автомобилската индустрија.

Моментално вработува:

ТЕХНИЧАР ЗА ОДРЖУВАЊЕ НА ТЕСТ ТАБЛИ
ДОСТАВУВАЧ НА МАТЕРИЈАЛИ НА ПРОЗИВОДНА ЛИНИЈА
ОПЕРАТОР ВО ПРОИЗВОДСТВО - БИТОЛА

Макстил е регионален лидер во производството на топловалани дебели лимови.

Моментално вработува:

ДАНОЧЕН ЕКСПЕЕРТ
ЛЕАР
МАШИНСКИ ТЕХНИЧАР
ЕЛЕКТРИЧАР

Се уште невработени?! Сите останати активни работни позиции можете да ги најдете ТУКА.

Комуникацијата е клучен дел од успешната кариера, но постојат изјави кои може да остават негативен впечаток или да предизвикаат конфликти на работното место. Внимавајте да избегнувате изјави кои можат да ја нарушат вашата професионалност или тимскиот дух.

Еве неколку примери:

1. „Тоа не е моја работа.“

Одбивањето на задача со оваа изјава покажува недостиг на иницијатива и тимски дух. Наместо тоа, предложете решение или соработувајте за да најдете начин како да се заврши задачата.

2. „Секогаш така сме го правеле.“

Оваа изјава сигнализира отпор кон промени и иновации. Работните места бараат адаптибилност, па обидете се да ги разгледате новите идеи со отворен ум.

3. „Не можам да го направам тоа.“

Наместо да одбивате задача, побарајте помош или предложете алтернатива. На пример: „Ќе ми треба повеќе време/ресурси за да го завршам.“

4. „Тоа не е фер.“

Иако можеби сте разочарани, ваквата изјава звучи непрофесионално. Наместо тоа, обидете се да ги изразите вашите грижи со конструктивен тон: „Би сакал да разговараме за ова и да го најдеме најдоброто решение.“

5. „Тоа не е моја грешка.“

Одбивањето на одговорност може да изгледа незрело. Ако има проблем, фокусирајте се на тоа како може да се поправи ситуацијата, дури и ако не сте директно виновни.

6. „Тоа нема да функционира.“

Одбивањето на идеи без објаснување е демотивирачко. Наместо тоа, предложете конструктивна критика: „Добра идеја, но дали можеме да ја разгледаме од друга перспектива?“

7. „Јас само ги следев упатствата.“

Оваа изјава може да укаже на недостиг на иницијатива. Обидете се да покажете дека сте вложиле размислување и проактивност, дури и кога ги следите упатствата.

8. „Немам време за тоа.“

Иако можеби сте зафатени, ваквата изјава звучи грубо. Наместо тоа, одговорете: „Можам да го направам тоа, но ќе ми треба дополнително време за тековните обврски.“

Вашите зборови имаат моќ да градат или рушат релации на работното место. Со внимателна и конструктивна комуникација, не само што ќе избегнете недоразбирања, туку и ќе изградите позитивна работна атмосфера која ќе го поттикне вашиот успех.