Комисијата за спречување и заштита од дискриминација го утврдила првиот случај на родово заснована дискриминација врз работничка од приватниот сектор, поради нејзината намера да забремени преку ин витро оплодување. 

Работничката, која две години работела за приватен работодавач, го информирала за својата планирана бременост и побарала боледување за ембриотрансфер. Работодавачот ѝ изрекол отказ без отказен рок додека таа користела годишен одмор, обвинувајќи ја за недоаѓање на работа и поради прекршување на работниот ред и дисциплина.

-КСЗД постапуваше по претставка поднесена од страна на Македонското здружение на млади правници поради сторување на дискриминација по основ на пол, род и личен статус – бременост во областа на работните односи. Во постапката беше утврдено дека работодавачот не ја испочитувал законската процедура за утврдување одговорност. Решението за прекин на работниот однос не било правилно доставено. Работничката била одјавена од социјално и здравствено осигурување. Поради овие постапки, работничката не можела да ја заврши ин витро процедурата со покривање на трошоците страна од Фондот за здравствено осигурување, што резултирало со здравствени и финансиски последици, се вели во соопштението од Македонското здружение на млади правници.

Комисијата заклучила дека отказот е директно поврзан со планираната бременост и го оцени како форма на родово заснована дискриминација и препорачала работодавачот да ги надомести трошоците за процедурата, покриени од приватни средства на работничката.

МЗМП нагласува дека оваа пракса е неприфатлива и претставува грубо кршење на основните човекови права, гарантирани со Уставот на Република Северна Македонија, Законот за спречување и заштита од дискриминација и Законот за работните односи.

Овој случај, велат оттаму, е јасен сигнал дека секој обид за дискриминација врз работничките поради нивниот репродуктивен статус ќе биде санкциониран. Македонското здружение на млади правници, додаваат, останува посветена на спречување и заштита од дискриминација, обезбедувајќи еднакви можности за сите граѓани. 

Зегин ДОО е првата приватна компанија во Република С. Македонија регистрирана за продажба на лекови.Една од најуспешните и најголемите компании кај нас, со најдобра инфраструктура и најголема дистрибутивна мрежа.

Спремач на пратки - Пикер
Фармацевтски техничар со уверение - регион Карпош/Ѓорче Петров
Фармацевтски техничар со уверение - Дебар
Фармацевтски техничар со уверение - Сити Мол/Скопје
Фармацевт со лиценца - Скопје
Фармацевтски техничар со уверение - Скопје

Сите останати огласи од Зегин можете да ги најдете ТУКА.

Европските и американските берзански индекси денеска се главно во пад, како и цените на нафтата и златото.

Во 9:30 часот индексот DAX на Франкфуртската берза падна на 19.910,18 поени, британскиот FTSE 100 на 8.123,25 поени, францускиот CAC 40 на 7.327,70 поени, додека московскиот MOEX се искачи на 2.845 поени.

Вредноста на американскиот берзански индекс Дау Џонс падна на 42.992,21 поени, индексот S&P 500 на 5.970,84 поени, а вредноста на индексот Nasdaq на 19.722,03 поени.

Според податоците од берзата, цената на суровата нафта паднала на 70.539 долари, а на нафтата од типот брент на 73.722 долари.

На отворањето на берзата ТТФ европските фјучерси на гас се продаваа по цена од 48.935 евра за мегават-час, што е највисока вредност за последните неколку недели.

Цената на златото падна на 2.616,05 долари за унца, а цената на пченицата порасна на 5,4895 долари за бушел (бушел е еднаков на 27,216 килограми). Вредноста на еврото во однос на доларот на берзата Forex изнесува 1,04288, што е приближно исто како и во петокот.

Извор: Еуроњуз.рс

Младите се заглавени во злобен циклус каде што не можат да работат поради проблеми со менталното здравје, а нивното ментално здравје се влошува поради невработеноста, според извештајот на NatWest Youth Index. Над 20% од младите на возраст од 16 до 25 години пропуштиле училиште или работа во текот на изминатата година поради психолошки проблеми, а некои дури избегнуваат да аплицираат за работа поради анксиозност, депресија или други причини. Истовремено, пропуштањето работни можности дополнително го влошува нивното ментално здравје.

Генерацијата Z покажува значително посериозни ментални здравствени проблеми во споредба со претходните генерации, според студијата на McKinsey од 2023 година. Високата употреба на социјалните мрежи може да ги прави младите изолирани и осамени, иако пристапот до здравствени професионалци и апликации за добросостојба може да има и позитивни ефекти. Пандемијата исто така имаше силно влијание врз менталното здравје на децата, особено кај оние од семејства со ниски приходи.

И покрај предизвиците, не сите вести за Генерацијата Z се негативни. Младите денес имаат поголема стапка на учество на пазарот на труд во споредба со миленијалците кога биле во средно училиште. Сепак, имаат потешкотии во прилагодувањето на работното место, бидејќи 40% од менаџерите сметаат дека младите не се подготвени за работната средина, според истражување на фирмата AMS.