Загрепчанката Ана Марија Хота меѓу првите заминала со семејството во Ирска и со плата која е три пати поголема не планира да се врати.

Нејзината ирска приказна почнала во 2013 година, кога со сопругот и децата од Загреб се преселила во Даблин, и со тој потег била меѓу првите хрватски семејства кои во потрага по подобри животни услови дошле во овој град.

„Бевме заинтересирани дали животот во Даблин бил толку сјаен и како изгледа просечен ден“, вели таа.

Оваа блогерка е заљубена во Даблин и неговата лежерност, а како би ги охрабрила оние кои тукушто се доселиле, почнала да пишува блог, поради кој станала светски популарна.

Редовите на блогот се испишани со инспиративни, позитивни мисли туристички насоки, како и совети како да се асимилирате на нов живот, во овој случај, во Даблин.

Почнав да пишувам блог сосема случајно, на убедување на неколку непознати пријатели од Фејсбук. Со оглед на тоа дека отидов во првиот бран на нови иселеници, никој уште не знаел каква е навистина ситуацијата кога се отселите во некоја друга членка на ЕУ, тоа беа луѓе кои сакаа информации; вели таа.

Блогот станал популарен со голема брзина,  а како вели, таа почнала да прима пораки на поддршка,  па и инетересот на медиумите брзо пораснал.

Планирав да напишам само неколу постови, но секогаш повторно ме поттикнуваа луѓе кои ми пишуваа колку им помогнав, променив животот, па тоа ме одржуваше, рекла блогерката, потврдувајќи како во последните 4 години одговорила на повеќе од 20 000 пораки.

Ана Марија по професија е фризерка, а во „Ајриш Тајмс“ ја именувале за една од најдобрите стилистки во градот.  Како што потврдила, во Ирска заработува речиси три пати поголема плата во однос на просечната во Хрватска.

Работното време и е од 10 до 19 часот, со пауза за ручек од еден час. Доста се работи, но после работа има време за шетање, и пијачка, што е стар обичај кај Ирците кои се многу дружељубиви.

Слободна сум за викенд, а тогаш секогаш излегувам со семејството, патуваме во природа. Животот овде е навистина хармоничен, а условите за работа се идеални, убедлива е оваа блогерка.

Како маани ги издвоила големата стапка на криминал и наркомани кои неретко циркулираат на улиците во Даблин, па советувала дека за угоден престој најдобро е да изберете мирно и безбедно село.

Освен тоа, стапките на изнајмување се многу високи, па под 600 евра месечно пристоен стан не може да се изнајми.

А на прашањето дали има желба да се врати во татковината , Ана Марија вели:

Искрено не планирам да се вратам во Хрватска и овде сум многу задоволна. Ако некогаш се  вратам, тоа ќе биде во староста, на море. Хрватска, а и сите земји од Балканот мора да станат многу поинакви земји, поправедни, успешни, мултикултурни, со помалку злоба и завист, и мешања во туѓ живот, рекла таа.

Погледнете го видеото и присетете се’ со што сте плаќале порано.

Некои од вас се сеќаваат, а некои целосно ги заборавиле старите банкноти и монети. На Јутјуб се појави видео на кое се прикажани сите банкноти и монети од 1992 до 2016 година, како и новите банкноти од 200 и 2000 денари.

Тимот на проектот на УСАИД за Социјална инклузија преку технологија, имплементиран од иВоте Фондација е организатор на настанот за потпишување на меморандумот за поддршка на практикантската работа на учесниците во проектот, кој ќе се оддржи на 26-ти октомври (четврток) во периодот од 12:00 до 14:00 часот во хотел ТЦЦ Гранд Плаза  во Скопје. 

На настанот ќе се обратат Министерката за труд и социјална политика Мила Царовска, директорот на Државен инспекторат за труд, Алајдин Хавзиу и претставникот на УСАИД, Едвард Гонзалес. 

По завршувањето на официјалниот дел од средбата, ќе има кафе пауза на која потенцијaлните практиканти ќе можат во неформална атмосфера да се запознаат со компаниите заинтересирани да примат практиканти. 

Многу компании немаат волја за да ги користат социјалните медиуми за нивниот бизнис затоа што се ограничени со време и маркетинг ресурси. Постои и прашањето на дали воопшто се исплаќа и одговорот е да!

Посветувањето само неколку часа неделно на социјалните медиуми може да и помогне на компанијата да ја зголеми свеста за нивното постоење, зголемување на кредибилитетот, зајакнување на врската со потрошувачот, градење на лојалност кон брендот и растење на бизнисот.

Всушност, денес е тешко да се преценува важноста на социјалните медиуми во бизнисот. Ако нашите блиски пријатели или колеги на кои им веруваме користат одреден производ и истиот им се допаѓа, ние претпоставуваме дека ќе ни се допаѓа и нас. Овие таканаречени „разговори“ се случуваат се почесто на LinkedIn, Facebook, Twitter и останатите социјални медиуми многу пред прашањата и продажбата. Да се биде дел од разговорот кое проектира пристапност и кредибилитет е моќна маркетинг алатка. Исто така, слушањето на тие разговори и забележувањето на кажаното, препорачаното па дури и критикуваното може да бидат еднакво моќни и да служат за дополнително да се информирате. 

Пред да почнете со користење на социјалните медиуми за маркетинг, важно е да имате ефективен веб сајт бидејќи секоја социјална мрежа ќе ги носи корисниците токму до него. 

Создадете план

Клучно е да креирате план и да бидете реални за времето што го имате на располагање и колку социјални медиуми може да користете, затоа што можно е да ви бидат премногу. 

• Доколку имате време блогирајте - ова е одлична комуникациска алатка за зголемување на кредибилитето на теми кои ве интересираат.
• Доколку времето ви е премалку вработете професионалец - хонорарните новинари или специјалист за човечки односи, кој може да ја врши работата наместо вас. 

Важно е да запони дека со социјалните медиуми константноста е клучна. Избегнувајте да бидете активни една недела активно, па потоа еден месец да сте неактивни бидејќи делувате несериозно во очите на корисниците. 

Социјални медиуми 

Facebook, LinkedIn и Twitter се одлични медиуми за бизнис. На кој медиум ќе го посветите вашето време зависи единствено од вашата база на потрошувачи. 

• Facebook ви ја нуди најголемата мешавина на демографии од сите социјални медиуми, но е посебно популарна кај возрасните кои имаат години од 25-54. 
• LinkedIn се смета за најдобриот B2B социјален медиум бидејќи е најлесниот за поврзување со професионални бизнисмени. Приоритет на LinkedIn е градењето врски и понудата на група или повеќе групи за скоро секоја можна индустрија која постои. 
• Twitter е одлична за споделување вести, содржина и фотографии и сите ваши постови може да бидат видени од многу луѓе. Еден едноставен и интересен начин за поврзување со корисниците се анкетите кои може да ги пишувате во твитовите и на тој начин, да се поврзувате со вашите корисници и да им овозможите тие да го искажат своето мислење.

Размислувајте како на коктел забава

Кога сте на коктел забава со колегите, не зборувате постојано за вас и за тоа колку сте добри во вашата работа или за вашата компанија или да ги озборувате конкурентите затоа што тоа се одразува лошо на вас  и на лично и на професионално ниво. Исто така и не зборувате постојано само за работата.

Истото важи и за социјалните медиуми. Покрај овој совет, подобро би било доколку немате целосна и проверена информација за нешто да не зборувате воопшто, како и поретко или воопшто не постирајте вести за политика, религија и сите останати поларизирани теми. Задржете се на она што сметате дека ќе е важно да го прочитаат вашите корисници како и индустриите слични на вас. 

Престанете да се грижите

Неретко луѓето се загрижени за користењето на социјалните медиуми затоа што се исплашени дека разговорите со корисниците и бројот на следачи на социјалните медиуми ќе ги открие нивните бизнис врски и корисници на конкурентите. Реалноста е дека ако вашите врски со потрошувачите и партнерите не се доволно силни за да издржат еден напад од конкурентот кој ги открил бидејќи ве следат на социјалните мрежи - прашање е само на време пред конечно да ги изгубите.  

Социјалните медиуми го имаат спротивниот ефект - ја подобруваат стапката на задржување на потрошувачите и ги прават компаниите подостапни и реални. Со присуството на социјалните медиуми, го правите полесен целиот процес на поврзување со вашите корисници и градите лојалност со нив.