KARIERA.mk открива кој бил најголемиот совет кој Алберт Ајнштајн му го дал на својот син во врска со изборот на својата професија. ВО едно од своите писма тој открива дека во еден момент го посоветувал вака:

- Многу ми е драго што ти се допаѓа да свириш на клавир. Тоа и столарството, според моето мислење се двете најдобри занимации за едно момче на твои години. Можеби дури подобри и од самото училиште. Тоа се нештата коишто одлично им прилегаат на младите луѓе како што си ти.

- Гледај колку што е можно почесто на клавирот да ги свириш нештата што ги сакаш, дури и ако твојот учител не се согласува со тоа. Тоа е најдобриот начин за нешто навистина да научиш – бидејќи кога правиш нешто со толку голема радост и страст, не ни забележуваш дека времето буквално лета. Јас понекогаш сум толку опседнат со својата работа, што заборавам и да јадам.

Никогаш  не е доцна да направите промена во животот, но и во кариерата. 

Ова го потврдува Пол Таснер, кој по 40 години работа за други основаше своја фирма и тоа на 66 години. 

Тој ги споил идејата, искуството и страста. 

„PulpWorks, Inc“ е неговата фирма која произведува амбалажа која лесно се распаѓа. 

Заврши работа од 40 години за различни компании, големи и мали. Имав контакти, добра репутација, верував дека ќе биде добро. Пензионирањето не беше опција за мене. Така на 66 години, по 40 години работа бев претприемач за прв пат - вели тој. 

Но, за финансирањето на проектот морал да се натпреварува со многу помлади луѓе. 

Но, по пет години имал двојно поголема заработка на годишно ниво. 

Вели дека немал некој пример во работата кого сакал да го следи. 

Таснер додава дека сака да работи нешто за светскиот пазар.

Идната  недела, ноќта меѓу сабота и недела меѓу 28 и 29 октомври почнува зимското сметање на времето така што стрелките на часовникот ќе се поместат за еден час назад.

Во 3 часот по полноќ стрелките на часовникот треба да се вратат на 2 часот. 

Зимското сметање на времето почнува последниот викенд во октомври и трае до последниот викенд на март.

Поместувањето на стрелките во Западна Европа е воведено во почетокот на 1970-тие години со образложение дека со тоа се „продолжува“ денот. На овој начин се овозможува заштеда во потрошувачката на електрична енергија, се зголемува продуктивноста, се подобрува приспособувањето на луѓето и работниот ден е поефикасен.

Се смета дека периодот на дневната светлина од раните утрински часови ќе се „премести“ навечер.

Преминувањето на летно и зимско сметање на времето првпат е забележано во 1916 година во земјите на северна Европа, а досега воведено е во околу 70 земји, од кои повеќето се на северната хемисфера.

Стрелките не се поместуваат секаде во светот во исто време. Така, САД и Канада во 2007 година воведоа зимското сметање на времето да почнува во првата недела во ноември и да завршува во втората недела во март.

Поместувањето на времето во поголемиот дел случаи се извршува ноќта меѓу сабота и недела за да не предизвика поголеми проблеми за луѓето кои одат на работа.

Русија целосно го укина зимското сметање на времето во 2011 година, а Исланд е единствената европска земја која не воведе зимско и летно сметање на времето.

Сепак, некои астрономи се против поместувањето на стрелките и вештачкото „продолжување“ на денот, затоа што се убедени дека природата не треба да се „мачи“, па дури и ако се правда со економски пресметки.

Еден показател за тоа каков менаџер е некој, е неговата желбата за доминантност во се и сешто. Можеби ќе кажете секој добар менаџер треба да биде инволвиран во се, меѓутоа всушност според многу истражувања тоа не е така!

Симон Синек е маркетинг консултант, мотивационен говорник и автор на повеќе бестселери, вклучувајќи го и неодамнешниот – “Лидерите јадат последни” (Leaders Eat Last). Според Синек, добрите лидери бараат да бидат исклучени од мејловите на својот тим. Со други зборови, добрите лидери им веруваат на своите луѓе дека ќе се “изборат” со проблемите на кои тие наидуваат.

Што е она што го прават лошите менаџери?

Лошите лидери бараат да бидат вклучени во мејловите кои се испраќаат помеѓу вработените бидејќи сакаат сè да држат под контрола. Тие не само што се параноични, туку и немаат доверба во своите луѓе.

Синек вели дека лошите лидери се оние кои, освен што ги следат сите мејлови, настојуваат да бидат вклучени во секој разговор без разлика на неговата важност. Нема поголем знак дека не им верувате на своите вработени од тоа секогаш да барате да бидете вклучени и да одговарате на секој можен мејл.

Уште една лоша страна на ваквото лидерство е тоа што вработените чувствуваат потреба постојано да го проверуваат мејлот, сметајќи дека мораат да се вклучат во секој разговор бидејќи ако тоа не се случи, шефот ќе ги смета за недоволно активни и незаинтересирани. Тоа, од друга страна им го одзема вниманието од работите кои се навистина важни.

Како да се справите со оваа желба за доминантност?

За почеток, бидете исклучени од мејловите помеѓу вашите вработени. Кажете им дека нема да бидете достапни следниот период и назначете некој надлежен. Посочете им дека верувате во нив и нивната способност да се справат со проблемите без вас.

Нема подобар начин од тоа да направите луѓето да се чувствуваат дека им верувате. Тие ќе се почуствуваат важни и компетентни а придобивките од оваа постапка ќе ги забележите за многу краток период.