Две земји се против доминација на доларот. 

Русија и Кина размислуваат за поврзување на своите платежни системи, вели рускиот премиер Дмитриј Медведев и повика на изградба на поурамнотежена глобална финансиска структура.

Медведев потсети дека Русија развива свој платежен систем познат како „Карта Мир“. Се смета дека со тоа би се избегнале проблемите кои се создаваат со користењето на американските платежни системи.

Во моментов се разговара за тоа дали „Карта Мир“ треба да се поврзе со кинескиот платежен систем- вели Медведев. 

Во настојувањето да се ослободи од зависноста од доларот, Русија се обидува да постигне договор за плаќање во други валути за нафтата и гасот кои ги продава на глобалниот пазар.

Москва престана и да зависи од „Виза“ и „Мастеркард“ и останатите западни механизми и воведе своја дебитна картичка. Западните компании кои пружаат услуги за плаќање со кредитни картички престанаа тоа да го прават преку руските банки откако САД ѝ воведоа санкции на Москва поради агресијата во Украина и анексијата на Крим.

Инаку, кредитната картичка „Мир“ се користи и на Крим каде е забрането работењето на западните банки во рамки на санкциите што ги воведоа ЕУ и САД.

Економистите велат дека санкциите ја разнишаа руската економија. 

Британската фирма за продажба на недвижен имот Allsopp & Allsopp бара луѓе кои ќе работат за плата од 200.000 фунти годишно. 

За оваа работа не бараат никакви квалификации. Сепак потребно е да бидете способни да продадете, објави Coventry Telegraph.

Allsopp & Allsopp со седиште во градот Нанинтон Централна Англија, бара луѓе кои се ентузијасти за работа. 

„Работа од соништата“ подразбира ангажман во една од нивните експозитури во Дубаи. 

Никола Тодоров, поранешниот министер за здравство од ВМРО ДПМНЕ, вчера свечено ја отвори својата адвокатска канцеларија, сместена во Капиштец.

Во друштво на својот брат Мартин, со синовите и пријатели, тој вчера позираше за време на свеченото отворање, со чаша бело вино во рака. Со средена фризура, во бела кошула и црно сако, со вратоврска со модерна шнола, насмеан, Тодоров очигледно е дека продолжува со животот оставајќи ги зад себе сите настани кои што ги доживеа во здравството и политиката, свртувајќи нов лист, како адвокат. Зад него, во кадар, убаво уредена канцеларија, со статуетка од воин на коњ, во коментари од пријателите, желби за среќа и успех.

Уште во мај годинава, откако беше избран за пратеник изјави дека се повлекува од пратеничкото место, со цел да се посвети на својата професија и да отвори своја адвокатска канцеларија. По само околу пет месеци, успеа да си го оствари сонот и ја отвори канцеларијата.

Umbrellium, тим за урбани технологии од Велика Британија, овластен од повеќе компании, успеал да креира пешачки премин кој одговара на потребите на пешаците. Опремен со компјутерска визија и LED светла, овој „паметен“ пешачки премин е во можност да забележи се што се случува на патот и да ја адаптира неговата LED површина соодветно. 

Дури има и можност за да ги предупреди луѓето кои се деконцентрирани од нивните телефони и да ги намали помалку видливите точки за возачите со прикажување на можната рута на пешаците кои се движат непредвидливо. 

Ваквите видови на пешачки премини се очекуваат да го намалат бројот на несреќи за 7000, а моментално прототипот се имплементира во јужниот дел на Лондон.

Погледнете како навистина би изгледале ваквите видови на „паметни“ пешачки премини на следниов линк: http://mashable.com/2017/11/01/interactive-pedestrian-crossing-smart-crossing-powered-by-computer-vision-and-leds/?utm_campaign=Mash-BD-Synd-Flipboard-All-Full&utm_cid=Mash-BD-Synd-Flipboard-All-Full#XZuKY11v_PqM