Конфликти на работното место може да се случат поради многу причини, но една од главните причини е што луѓето доста често имаат различни идеи и начини за пристапот кон работата и не сите околу нив би се согласиле. Секој од нас знае како да се справи со конфликтот. За некои луѓе, тоа значи познавање како ефективно да ги комуницира своите желби и потреби со цел подобро разбирање на проблемот и како е поврзан со другите: но, за некои луѓе, справувањето со конфликтот е само на агресивен начин, некомпромисен што е тешко за донесување било какво решение. Заедничкото живеење или работење на луѓето никогаш не се одвива без проблеми, но клучот е да се научат стратегии во кои двете страни би биле слушнати. 

Формирање цврсти професионални врски од почетокот

Избегнување на политиките на фирмата како и на озборувањето е еден начин за избегнување на конфликт на работното место. Учествување во озборување може да ве покаже во лошо и непрофесионално светло и пред вашите вработени и пред претпоставените. Понекогаш, конфликт на работното место може и да е добро за работната атмосфера. Искажување на отворени мислења, идеи, различни ставови за исто прашање може да ги мотивира двете страни да разговараат и да најдат компромисно решение. 

Одржувајте го мирот на работното место

Вообичаено, во природата на човекот е да прави повеќе од конфликтот отколку што тоа навистина е. Можеби да е до личната гордост која не спречува да бидеме првите кои ќе иницираме на помирување, но токму овој гест, ја покажува вашата волја за создавање мирољубива атмосфера. 

Фокусирање на фактите

При решавањето на конфликтите, важно е да се држите до фактите. Многу е возможно дека и Вие и лицето со кое го имате конфликтот ги гледате нештата на сосема различен начин, но е мнгоу важно за двете страни да се задржат на она што тие го гледаат како факти и да не дозволат емоциите да им застанат на патот.

Бидете добар слушател 

Секој добар преговарач знае дека во суштината на преговарањето лежи способноста за слушање. Истото правило важи и за решавање ан конфликтите. Ако сте постојано фокусирани на себеси и не слушате што има другата страна да каже, ја избегнувате клучната ситуација за решавање на конфликтот. Комуникацијата секогаш треба да е со почит кон другата страна, не натпревар во надвикување. Трпеливоста за сослушување на другиот може многу брзо да го реши целиот конфликт. 

Win - win ситуација

Дури и ако две личност се во конфликт, нивните цели може да се многу слични. Решавањето на проблемот, разговарот, нудењето алтернативи и крајното решение со win-win ситуација за секоја страна навистина може да помогне да се развие работниот однос во многу подобра насока. 

Што беше првото нешто што го направивте кога се разбудивте ова утро? Дали случајно го грабнавте телефонот и почнавте да пребарувате по социјални мрежи или да ги проверувате вашите пораки? Ако е така, не сте сами. Според една неодамнешна студија, 80% од луѓето под 40-годишна возраст во САД се фаќаат за телефоните веднаш по станување.

Сепак, ова не дава добра основа за претстојниот ден. Ова го тврди и актерот и претприемач Ештон Качер, кој тоа го правел многу години, вели тој.

„Наутро веднаш почнував да одговарам на пораки. На секој мој одговор добивав по уште три мејлови. Чиниш исполнував листа со нечии туѓи задачи. Жртвував голем дел од своето време за приоритетите на некој друг“, изјавил тој во интервју, цитирано од Inc.com.

За да го промени овој тренд, Качер донесе нов пристап.

Јас создадов ритуал - јас не користам никакви уреди во првиот час откако ќе станам наутро, но седнувам и рачно пишувам што сакам да направам денес, а потоа се занимавам со прашањата на другите, вели Качер.

Две земји се против доминација на доларот. 

Русија и Кина размислуваат за поврзување на своите платежни системи, вели рускиот премиер Дмитриј Медведев и повика на изградба на поурамнотежена глобална финансиска структура.

Медведев потсети дека Русија развива свој платежен систем познат како „Карта Мир“. Се смета дека со тоа би се избегнале проблемите кои се создаваат со користењето на американските платежни системи.

Во моментов се разговара за тоа дали „Карта Мир“ треба да се поврзе со кинескиот платежен систем- вели Медведев. 

Во настојувањето да се ослободи од зависноста од доларот, Русија се обидува да постигне договор за плаќање во други валути за нафтата и гасот кои ги продава на глобалниот пазар.

Москва престана и да зависи од „Виза“ и „Мастеркард“ и останатите западни механизми и воведе своја дебитна картичка. Западните компании кои пружаат услуги за плаќање со кредитни картички престанаа тоа да го прават преку руските банки откако САД ѝ воведоа санкции на Москва поради агресијата во Украина и анексијата на Крим.

Инаку, кредитната картичка „Мир“ се користи и на Крим каде е забрането работењето на западните банки во рамки на санкциите што ги воведоа ЕУ и САД.

Економистите велат дека санкциите ја разнишаа руската економија. 

Британската фирма за продажба на недвижен имот Allsopp & Allsopp бара луѓе кои ќе работат за плата од 200.000 фунти годишно. 

За оваа работа не бараат никакви квалификации. Сепак потребно е да бидете способни да продадете, објави Coventry Telegraph.

Allsopp & Allsopp со седиште во градот Нанинтон Централна Англија, бара луѓе кои се ентузијасти за работа. 

„Работа од соништата“ подразбира ангажман во една од нивните експозитури во Дубаи.