Ако сте насочени кон тоа да ја изградете вашата кариера а не само да пронајдете работа, развивањето на вашата професионална мрежа ќе е далеку поважно и повредно отколку прикачување на вашето CV на секој сајт за работа на Интернет.

• Каде да започнете? 

Не отфрлајте никого кој/а вие сметате дека нема да ви е од помош и бидете љубезни кон секого што го/ја запознавате. Никогаш не знаете кој/а личност би можела да ве поврзи кон одлична можност. Наместо да ја гледате вашата мрежа како луѓе кои вие би можеле да ги искористите во блиска или подалечна иднина, пристапете на таа идеја како можност да запознаете интересни, различни луѓе кои ќе ви ги прошират хоризонтите и вашиот свет и ќе ве запознаат со нови искуства, без разлика дали тоа ќе се работни места или не. Не се ограничувајте на целите на краток рок или на пронаоѓањето работа; инвестирајте во односи и врски кои може да чувате со години. 

Ако сте нови во пронаоѓањето на кариера и немате за што специфично да се докажете, развивањето на мрежата може да непријатно. Особено ако сте срамежливи по природа, може да биде уште потешко да иницирате разговори со луѓе кои одвај ги познавате или со повозрасни колеги кои имаат многу поголемо искуство. Вистината е дека многу од успешните менаџери, сопственици или колеги вообичаено уживаат да ги користат своите успеси за да помогнат на некого кој покажува амбиција и квалитет во работата.  

• Како да се развиете? 

LinkedIn е одлично место за поврзување со потенцијални ментори како и поединци кои нудат работни места. Исто така може и да ги посетете страните на комапниите кои ве интересираат или да пронајдете вработени во секторот каде вие би сакале да работите. Но, исто како што слепото споделување на вашето резиме не ви гарантира резултати, ќе треба да направите нешто повеќе од само праќање на покани за поврзување. Креирајте персонализирана порака кон секоја личност овјаснувајќи ги вашите цели, зошто ја сметате оваа личност за ваш идол и зошто заслужувате половина час од нивното време. 

Дополнително, потребно е да им пристапувате на луѓето и во реалноста. Излезете од комфорната зона, присуствувајте на конференции или јавни состаноци од индустријата која ве интересира, барајте неформални интервјуа со луѓе вработени во секторот кон кого вие целите. Најлошото што може да се случи и тие да одговорат „не, благодарам“ или воопшто да не одговорат. 

Продолжување на образованието е друг начин за запознавање луѓе вклучени во вашата област, како професори така и студенти. Прашајте каде работеле претходно, како ги пронашле нивните работни места и дали би сакале да ве поврзат вас. Дополнително, поврзете се онлајн за да пронајдете други личности кои биле во контакт со нив. 

Не го формирајте секој разговор во професионално поврзување, држете ги очите и ушите отворени и кога се социјализирате. Можеби има некој/а со кој би можеле да се поврзете во локалната библиотека, локалниот парк или фитнес час кој познава некој/а кој би можел да ви значи многу како професионална конекција. 

• Како да користете? 

Пред се, запомнете дека вие ги замолувате луѓето да ви дадат нешто: нивното време, нивниот совет, нивната поддршка. Вие ги замолувате нив за услуга, затоа бидете љубезни, трпеливи и гостопримливи. Слушајте повеќе отколку што зборувате. Бидете љубопитни, отворени за предлози и флексибилни, отколку да имате фиксирана агенда и очекувања. Ако сте имале добар прв состанок, но не сте сигурни каде одите од таму, прашајте дали би можеле привремено да се консултирате со нив при подготовката за важни интервјуа. Доколку не успеете да се договорите ништо на еден состанок, тоа не е неуспех. Ја градите вашата кариера и врски, не барате работа. Ова може да трае многу подолго отколку работа, ако има вредност и за двете страни. 

Флексибилното работно време е важно со цел германските компании да останат конкурентни на глобален план, изјави претседател на Експертскиот совет за проценка на економските услови, Криштоф Шмит за весникот „Велт ам Зонтаг“.

Оваа изјава е надоврзување на дебата која што се води во моментов во Германија за воведувањето на флексибилно работно време и промена на законот за работните односи.

Претпријатијата треба да има правна сигурност и да не го прекршуваат законот кога вработените навечер учествуваат на една телефонска конференција или наутро со појадок ја проверуваат службената електронска пошта. Тоа ќе им даде поголема слобода не само на работодавачите, туку и на вработените, вели Шмит.

Оваа тема е и тема на преговорите за идната германска влада. Либералната Слободна демократска партија (ФДП) излезе со барање за флексибилен однос кон работното време.

– Законот за работни односи повеќе не е во согласност со времето во кое живееме и мора да станеме пофлексибилни, изјави претставникот на ФДП, Михаел Тојрер и додаде дека е потребна промена на германскиот закон, па наместо осумчасовниот работен ден да се предвидува работна недела од 48 часа, која би можела да се прилагоди на потребите на работодавачот.

Дали знаете каде ги трошите парите секој месец? Дали знаете каде ги потрошивте вчера? Креирањето и следењето на буџет е нешто што на многу луѓе им е тешко да го прават. Буџетот е основа на стабилна финансии, без разлика на вашата ситуација и не е тешко да се направи.

Што е буџет? 

Буџетот не е ништо повеќе од преглед и план на тоа колку пари имате и на што ги трошите.

Може ли да замислите еден бизнис да стане успешен без да се води сметка за неговите приходи и расходи? Истото важи и кога се работи за вашите лични финансии. Ако не знаете колку месечно остварувате приход и на што ги трошите, патот до финансиска стабилност и успех ќе ви биде потежок. Најголемиот страв кој многу од луѓето го имаат за креирањето буџет е дека ќе е потребно да внимаваат на целото „забавно трошење“ - нешта како повремена вечера во отмен ресторан, кино или посета на баба и дедо за празниците. Ова сценарио е можно по креирањето на буџет, но никогаш нема да знаете на кои трошоци треба да внимавате ако не седнете и потрошите време во креирањето буџет. 

• Преглед на приходите 

Првиот чекор кон креирањето буџет е да дефинирате колку ви се приходите на месечно ниво. Ова е лесно и вообичаено ја вклучува вашата плата. Доколку сте во брак, вклучете го и вашиот партнер (доколку тој/таа е во работен однос). Исто така, тука би влегле и сите други начини на кои заработувате пари - онлајн работа, втор бизнис, приходи од земјоделство, хонорарна работа и слично. 

• Преглед на трошоците

Кога веќе јасно се дефинирани приходите, потребо е да погледнете во вашите месечни трошоци. Започнете со фиксни трошоци, оние кои ви се постојани и не се менуваат - кирија, рата од кредит, осигурување и слично. Во трошоците исто така влегуваат и режиски трошоци (сметки за електрична енергија, вода, парно, комунални услуги и сл.), храна, претплати и слично. 

• Последната ставка 

Сега ги имате сите потребни информации за да добиете јасен увид во вашите финансии. Потребно е само да ги одземете вашите трошоци од приходи и ќе добиете позитивен или негативен број. Ако добиете позитивен, трошите помалку отколку што заработувате. Доколку бројот е негативен, не грижете се премногу. Целта токму на овој буџет е за да добиете јасна слика за вашите финансии и да почнете со промените, доколку се потребни. Можеби ќе е потребно да посетувате ресторани поретко или да патувате поретко, но ако успеете да заштедете во неколку области, можеби ќе бидете во можност да вложите во нешто што ви е многу поважно. 

Доколку ги прашате луѓето што е потребно за да се изгради успешен бизнис, многу од нив ќе ви одговорат дека најважниот фактор е поседување на оригинална идеја. Личност која има некоја никогаш претходно видена идеја која решава огромен проблем на потрошувачите и потоа таа идеја ја креира во огромен, профитабилен бизнис. 

Ова е добра приказна и приказна која функционирала за многу претприемачи, но вистината е малку поинаква - не ви е потребна сосема оригинална идеја за да изградете масивно успешен бизнис. Следниве пример се токму докази за тоа: 

1. Google

- Google е најдоминантниот онлајн модел за пребарување веќе со години наназад и тоа до точка каде огромен број на луѓе сметаат дека бил и прв ваков модел. Во реалноста, моделите на пребарување постојат од кога постои Интернетот и некои од нив, вклучувајќи го и Ask.com имале огромна база на корисници многу пред Google воопшто и да постои. 

Успехот на Google се должи на тоа што тие земале веќе постоечка идеја и ја направиле подобра, преку креирање на архитектура која им нуди на корисниците преарувања со подобри, порелевантни резултати, за максимално да го зголеми корисничкото искуство. Google не е првиот пребарувачки модел, тој е најдобриот. 

2. Facebook

- Скоро сите ние пред постоењето на Facebook сме имале профил на MySpace. Facebook е една од најголемите технолошки компании на планетава и со сигурност, најпопуларната социјална платформа. 

Но креаторот на идејата да се користи Интернетот за поврзување со другите луѓе не бил Цукенберг. Всушност, првата социјална платформа била Six Degrees, која била лансирана во 1996 година. Проблемот бил во немање на Интернет пристап од доволно голем број на луѓе и затоа страната била неуспешна. 

3. Pepsi

- Кока Кола и Пепси се двата главни неалкохолни пијалоци во САД и повеќето луѓе сметаат дека Пепси се појавил како предизвикувач на Кока Кола. Во реалноста, двата брендови постоеле уште од доцните 1800; Кока Кола се појавила прва и продавала милиони литри годишно пред Пепси да се појави на пазарот. Сепак, овој пијалок е квалитетна алтернатива која се уште постои на пазарот и така постанала милијардерска компанија каква што е денес. 

4. Amazon 

- Amazon не е првата е-трговија сајт. Всушност, постоеле стотина онлајн продавачи, како што биле Boo.com, eToys.com и Eve.com, секој од нив специјализиран за продажба во одреден сектор. Amazon, за разлика од нив, креирале концепт на се-во-едно шопинг искуство, каде потрошувачите може да купат се што сакаат. 

Точно е дека е потребно да се разликувате од конкуренцијата, но не секогаш е потребно да смислите идеја која е непостоечка. Ако имате за цел да подобрите веќе постоечка идеја или да понудите алтернатива, сето тоа со прецизно време на влегување на пазарот и со одлична маркетинг кампања, оригинална идеја и не ви е потребна за остварување успех во бизнисот.