Дали некогаш се чувстувате како да не одите никаде во животот на професионално ниво? Кариерата на секој од нас паузира или застанува во одреден момент од нашиот живот. Понекогаш тоа значи дека ви е потребен одмор или нов проект на кој ќе се фокусирате. Но, ако вашата кариера нема веќе ни угорници ни удолници, тоа значи дека ви е потребно нешто подраматично, како промена на кариерата.

• Побарајте инспирација

Започнете од оние кои најдобро го разбираат значењето на инспирацијата. Побарајте некој пријател и развијте конструктивен разговор за насоката на вашата кариера. Разговарајте со луѓе кои според вас, имаат интересни кариери и прашајте ги за секојдневното искуство и што е она што тие го наоѓаат предизвикувачки и наградувачки. Направете си профил на LinkedIn и истражете го неверојатно огромниот ранг на работи кои луѓето ги имаат како и одличните компании за кои би можеле да работите. 

• Паузирајте

Кога сте несреќни на работното место, многу е лесно да ве обземе негативноста и да мислите дека нема излез надвор од ова. Ако ова е местото каде што се наоѓате вие, време е да искусите друга перспектива од онаа на канцеларијата. Дури и ако се само неколку денови, искористете го ова време за да извршите ревизија на она што ви смета и да ги разјаснете нештата. Може исто така да размислете за она што сакате да го работите и да развиете неколку решение за решавање на проблемите. 

• Разговарајте со вашиот менаџер

На секој добар менаџер ќе му годи дискусијата за вашата ситуација ако сте несреќни на работното место. Трикот е да не се впуштите целосно во жалење и емоционални изјави. Запомнете, вашиот менаџер не може ништо да направи за тоа како вие се чувствувате за вашата работа, но тие можат да ви помогнат за вашите потенцијални нови шанси. Бидете позитивни, објективни и специфични. Прашајте за совет и бидете искрени. Бидете подготвени за фактот дека вашиот менаџер можеби нема да биде во можност да ги промени работите за вас веднаш. 

• Променете ја работата

Звучи многу очигледно бидејќи е. Ако сте несреќни, променете го работното место. Можеби ќе откриете дека работењето на слична работа во нова компанија е свежиот воздух кој ви бил потребен. Можеби не ви е потребна драматична промена во кариерата во нова индустрија, потребна ви е само нвоа ситуација. 

• Волонтирајте за нови искуства 

Ако знаете дека сте подготвени за нови искуства, аплицирајте за практикантска работа или за кратко или подолго волонтерско искуство. Само да бидете блиску до улогите кои се обидувате да станете во животот ќе значи многу за вашата кариера. 

Во текот на вчерашниот ден, од 13:00 до 15:00 часот во просториите на Центарот за Култура во Битола се одржа вториот Саем на Кариера. Саемот беше организиран од Младински културен центар - Битола и Инфо Клубот - Битола, кои се покажаа како успешни организатори. 

На настанот учествуваа повеќе компании кои преку презентација на штандови се претставија себеси пред посетителите и своите производи или услуги. Беа одржани и мотивациски говори за луѓето кои имаат бизнис идеја луѓето, кои имаат за цел да станат претприемачи, како и за останатите присутни. 

KARIERA.mk имаше и свој штанд, преку кој се претстави успешно за услугите кои ги нуди сајтот, можностите кои им стојат на располагање на сајтот и идните планови. Сите присутни беа информирани за полесниот начин да пронаоѓање на вистинската работа, пракса, стипендија или обука за нив. 

Посетеноста на настанот беше огромна и тимот на KARIERA.mk е многу задоволен за интересот за Саемот кој го покажаа посетителите. 

Презентација за инвеститорите не е презентација за вашиот продукт или услуга, клично е колку производот/услугата се одлични. Да, инвеститорите се грижат за што е тоа што вие го правите, вашата голема идеја и како вашиот продукт решава некое голем проблем на потрошувачите. Но една работа за која тие се грижат повеќе е правењето пари. 

Сите инвеститори имаат прашања во нивните глави кои не ги прашуваат и е од суштинско значење да ги одговорите овие прашања проактивно. Наместо да го губите времето на инвеститорот со 20 слајдови за функциите на вашиот производ или услуга, како работи и зошто е толку добар, потрошете повеќе време на одговарање на овие клучни прашања: 

1. Која е вашата голема идеја? 

Големите идеи започнуваат со важни проблеми на клиентите кои се тешки за решавање. Големите идеи имаат потенцијално голема пазарна можност со огромен растечки потенцијал. Овие идеи им дозволуваат на компаниите да заработат големи суми на пари и во тој процес, да заработат и за нивните инвеститори. 

2. Како вие правите пари? 

Заработката е целта од постоењето на еден бизнис. Освен ако не водите непрофитна организација, инвеститорите ќе сакаат да видат бизнис модел каде ви расте профитот за одреден временски период, да поседувате солидни бруто маргини и да имате финансиски модел кој нуди оперативна поддршка пред време со евентуално солиден профит. Доколку сте претприемач и не ви се јавни овие термини, тогаш треба да ги научите или да најмите партнер или бизнис експерт кој ќе ви помогне во оваа област. 

3. Зошто вие? 

Кои се вашите ингеренции за водење и растење на вашиот одличен бизнис? Кои се вашите ментори? Потребно е да имате веродостојно досие на успеси, искуство со домашните пазари, техничко искуство во производствената области, љубов кон тоа што го работите, како и лидерските способности за градење и менаџирање тим кој ќе го работи скоро невозможното. 

Инвеститорите ќе сакаат да се запрашаат самите „Дали може да и верувам на оваа личност со моите пари? Дали верувам во тоа што тој/таа го зборува? Дали е ова некого со кој јас би сакал да работам? Дали таа е победник? Дали оваа личност може да изгради и води тим од светска класа?“

4. Зошто сега? 

Времето е можеби најважната причина за успехот на одреден старт-ап бизнис. Голем број на претприемачи чувствуваат дека ова значи дека успехот и неуспехот зависи единствено од среќа, што не е точно. 

Пазарниот тајминг е за разбирање на функционирањето на пазарот и дали истиот ќе му дозволи на вашиот бизнис да расте или не. Потребно е да имате растечка маркетинг можност.

5. Зошто овој тим? 

За да ја постигнете целта, растење на компанија од нула до движечка, профитабилна компанија, потребно е да имате други луѓе околу вас. Стартапите се тимски спортови. Вие како лидер, мора да ги разбирате суштинските компетенции за да водите на пазарот и потоа да ги привлечете вистинските луѓе. Потребно е да ги возбудите за идеајта за вашот бизнис и да ги фокусирате за да успеете. 

Запомнете, инвеститорите се грижат за вашата идеја, но на исто така им е потребно да знаат за вас, вашиот тим, вашата компанија, зошто токму сега се решавате на овој чекор и како ќе заработувате од овој бизнис. Или нема да ги добиете потребните финансии. 

Денешниот ден е именуван како Black Friday, поради огромните попусти кои ги нуди скоро секоја компанија во целиот свет. Многу компании се подготвуваат подолг период за овој ден и осмислувањето на креативна маркетинг кампања може да биде предизвик, бидејќи сите ја нудат истата работа - попусти. 

Новите истражувања покажуваат дека кога се работи за рекламите кои повикуваат на итни реакции, не се сосема ефективни. Persado, маркетинг платформа анализирала кампањи од 50 продажни салони и агенции за патување во Велика Британија минатата година. Во една од пет кампањи се појавувала пораката „побрзајте“ или „истекува времето“, но не биле ефективни. 

Наместо тоа, петте емоционални квалитетни пораки кои го гарантирале посакуваниот одговор се следниве: 

• Предизвик: Фрази како „дали сте подготвени?“ или „подгответе се“
• Интимност: Пораките кои предложуваат работа која веќе им е позната на потрошувачите или имплицираат веќе постоечка врска помеѓу брендот и потрошувачот
• Охрабрување: „Зграбете ја можноста“, „Грижете се за себе“ или „Уште малку до..“
• Вина: Пораки кои повикуваат на стравот од пропуштање нешто, како што е „одлична понуда овде, не доозволувајте да ја пропуштите“
• Воодушевување: Фокусирање на ветувањето за нови искуства, со пораки како „морате да го пробате ова“. 

Маркетинг кампањите пред овој ден се особено гласни и за да се издигнат компаниите над таа врева, потребно е да го избегнуваат „и јас на истиот начин“ ставот. Подобрете ги вашиет маркетинг пораки така што ќе комуницирате со потрошувачите на емоционално ниво. Емоционалниот говор во пораките може да добие 60% одзив од потрошувачите.