Регресот за годишен одмор или К-15 и оваа година ќе им следува на вработените во приватните компании од македонското стопанство. Фирмите коишто не го исплатиле во претходните 10 месеци ќе мораат тоа да го направат во ноември и декември, а во случај да не го исплатат предвидени се парични и затворски казни за работодавачите.

Висината на К-15 се одредува врз основа на податоците за износот на просечната нето и бруто плата по вработен исплатена во поселдните три месеци. Врз основа на овие пресметки, минатата година тој износ беше најмалку 8.909 денари – најмалку 40% од просечната нето плата, а најмногу до 13.116 денари – најмногу до 40% од просечната бруто плата по вработен објавена за последните 3 месеци.

Зголемувањето на минималнецот од 10.080 на 12.000 денари и постојаниот пораст на просечната бруто и нето плата по вработен во Македонија се двата фактори коо влијаат на тоа работниците на крајот од годината да добијат поголем износ за К-15 во однос на оној кој беше исплатен минатата година.

Нашата пресметка врз основа на податоците на Државниот завод за статистика (ДЗС) за движењето на просечната нето и бруто плата во месец јуни покажа дека износот на К-15 за секој вработен во Македонија треба да се движи во интервал од 9.123 до 13.403 денари.

Доколку истата пресметка ја адаптираме на најновите податоци на ДЗС за месец август, тогаш износот на К-15 за 2017 година би бил уште поголем во однос на бројките добиени за месец јули. Така, минималниот износ на к-15 би бил 9.164 денари (40% од 22.912 – просечна нето плата по вработен за август), а максималниот износ би изнесувал 13.470 денари (40% од 33.675 – просечната бруто плата по вработен за август.

Ако сте во потрага по работа или се обидувате да ја промовирате вашата компанија, многу е возможно да имате прашања за секторот маркетинг наспроти секторот односи со јавноста (PR). Овие две индустрии се многу различни иако често се сметаат како да се едно исто. Неколку од разликите ги набројуваме во продолжение:

• Платен простор или бесплатно покривање 

Маркетинг - Компанијата плаќа за просторот за рекламирање. Вие точно знаете кога рекламата ќе биде пуштена на пазарот. 

Односи со јавност - Вашата работа е да добиете бесплатен публицитет за компанијата. Од конференции до објави во весници, вие сте фокусирани на добивање бесплатно медиумско покривање за вашата компанија и производот/услугата која ја нуди. 

• Креативна контрола и недостаток на контрола

Маркетинг - Бидејќи вие плаќате за рекламата, вие ја поседувате креативната контрола за тоа што таа реклама ќе вклучува.

Односи со јавноста - Вие немате контрола за тоа како медиумите ќе ја презентираат вашата информација, ако воопшто се одлучат да зборуваат нешто за тоа. Медиумите не се обврзани да го покријат вашиот настан или да објават нешто за вас само поради тоа што вие сте им испратиле материјал.

• Паметни потрошувачи 

Маркетинг - Потрошувачите знаат да го препознаат обидот за продажба кога читаат, гледаат одредена реклама. Потрошувачите разбираат дека компанијата платила за презентирање на пораката за продажба кон неа или него и нажалост, таа порака е гледана со огромна резерва. 

Односи со јавноста - Кога потрошувачите читаат објава од трета страна за вашиот продукт или настан кој Вие сте го организирале, тие гледаат нешто за кое вие не сте платиле и го гледаат со многу поинакви очи отколку платената реклама. На овој начин, кредибилитетот на една компанија може значајно да се зголеми. 

• Специјални настани 

Маркетинг - Ако вашата компанија е спонзор за одреден настан, не би сакале да креирате огромна реклама давајќи си аплауз на сработената задача. Тука настапува вашиот сектор за Односи со јавноста.

Односи со јавноста - Ако сте спонзор на еден настан, може да испратите повик до медиумите и медиумите да го покријат настанот. Возможно е тие да ги откријат сите информации и целосно да го покријат настанот. 

• Стил на пишување

Маркетинг - Купете го овој производ! Сега е моментот! Ова се реченици кои многу често се користат во маркетингот како мотивација за луѓето да го купат вашиот продукт или услуга.

Односи со јавноста - Вие единствено пишувате информативен текст и секој вид на реклама е одбиена од страна на медиумите. 

Подолго очекуваниот проект за поставување на нови патарини на македонските патишта треба да започне со реализација од следната година откако ќе заврши инсталацијата на системот за електронска наплата на патна такса и модернизацијата на патарините долж Коридорот 10, најави Зоран Китанов, директор на Јавното претпријатие за државни патишта во интервју за МИА.

Според него, сегашните цени на патарините не треба да имаат корекции и покрај тоа што голем дел од граѓаните сметаат дека плаќаат многу, а возат по лоши патишта. Треба да се има предвид и тоа, посочува, дека дел од граѓаните се возат,  а не плаќаат и ќе мора да се стави плаќање и на излез.Електронската наплата нема предизвика намалување на бројот на вработени.

„Во патарините имате затворен и отворен систем. Сега ако се возите од кај Гевгелија и на крстосницата кај Неготино - Кавадарци свртите за Прилеп не плаќате ништо“, вели Китанов. Тој додава дека таму ќе се постави патарина, па возењето да се плати пресметано за минатата километража. 

Така е на Запад. Ќе има сосема солиден спореден пат. Ние сме должни кога се гради автопат да има спореден пат, вели Китанов.

Близнаците Тајлер и Камерон Винклвос кои go обвинуваа Марк Зукерберг дека ja украл нивната идеја за Фејсбук, се првите биткоин милијардери во светот, соопштува британскиот The Telegraph. 

Во 2013 година, браќата купуваат крипто-валути од 11 милиони долари, стекнувајќи околу 1% од сите биткоини во светот. Оттогаш дигиталната валута скокна речиси 100 пати на 11.395 долари. 

Сеуште не е познато колку точно биткоини поседуваат двајцата браќа, но се претпоставува дека тие надминуваат 100 000. На овој начин, состојбата на Винклвос надминува 1 милијарда долари.

Браќата се категорични дека немаат намера да го продаваат својот имот во криптовалути. 

Уште еден сопственик на биткоини над 1 милијарда долари е основач на криптовалутата, човекот кој се крие зад псевдонимот Сатоши Накамото.