Џош Бечтер  (Josh Bechter) има многу титули. Закотвен е на листата милениумски инфлуенсери кои треба да се следат во 2018 година, а е еден од најпопуларните автори на социјалните мрежи/сајтови како што се  “Quore” и “LinkedIn”. Покрај сето тоа, коосновач е на BAMF Media, учесник на  “Growth Agency” и говорник. Јасно е дека знае како да креира содржина така што ќе привлече и влијае на публиката, и како да направи паметни потези во кариерата и работата.

Неодамна објави пост на LinkedIn , кој ви го пренесуваме како одличен бизнис (но и животен) совет:

„Една жена ми пиша порака преку LinkedIn. Сакаше бизнис совет. Подоцна и во живо разговаравме, и ми рече: „Се наоѓам на крстопат. Би сакала да основам своја компанија, но имам понуда да работам во областа на недвижнини“.

Ја прашав: „Што се предностите на едното и другото?“, а таа одговори: „Луѓето ми говорат дека би била одлична во бизнис со недвижнини.“

Ја прекинав и ѝ раскажав една случка.

***

Кога почнав со пишувањето, сите мои пријатели и семејството ми се смееја со години. И не ги обвинувам, бев одличен писател. Ми говореа дека треба да се занимавам со финансии, да студирам право..Не ги послушав. Дури и кога ја објавив првата книга, не ме сфатија сериозно.

Беа потребни пет години, над илјада текстови, и три книги, пред воопшто да почнам да стекнувам лојална публика и ја заслужив нивната почит.

И вредеше. Затоа што го сакам пишувањето. Не би го менувал за ништо на светот.

***

И потоа и реков: „Она во што веруваш ти да можеш да станеш далеку се разликува од она во што веруваат другите. Најдобрата работа која можеш да ја направиш на прво место, да си веруваш себе си.

Што ти вели твојот инстинкт дека треба да направиш  со својот живот?“

Не одговори. Но, двајцата го знаевме одговорот.

Не е моја работа да и кажувам кој пат да го избере. Ниту тоа е работа на нејзиното семејство и пријатели.

Тоа е нејзин избор. Веќе ја знаеше вистинската одлука. Не направив ништо. Само ја потсетив.“

Управата за јавни приходи денеска ќе го промовира проектот за поедноставување на процедурите за пријавување и плаќање на персоналниот данок на доход за даночни обврзници – физички лица. Проектот се имплементираше во изминатата година и е финансиран од ЕУ во вредност од 98.530 евра.

Од УЈП сметаат дека проектот ќе овозможи поедноставување на процедурите за пријавување и плаќање на персоналниот данок на доход за фирмите и за граѓаните.

Фокусот на проектот е намалување на административниот товар и трошоците за пресметка и плаќање на даноците, зголемување на даночната ефикасност и следењето на наплатата на персоналниот данок на доход.

Во рамките на проектот развиени се нови веб базирани и кориснички ориентирани даночни услуги „е-Персонален данок на доход“ за пријавување и плаќање на персонален данок на доход од страна на граѓаните и фирмите и зајакнати се капацитетите на Управата за јавни приходи за одржување и понатамошен развој на системот.

Со новиот софтверски систем „е-Персонален данок на доход“ ќе се овозможи следење во реално време на пресметките и плаќањето на персоналниот данок на доход за физички лица од аспект на приходите остварени по сите основи, како и подобро планирање на јавните финансии за државните органи, што се планира да се имплементира во јануари 2018 година по усвојувањето на измените на Законот за персонален данок на доход.

Преку системот e-pdd.ujp.gov.mk ќе се овозможи издавање на пополнета Годишна даночна пријава од страна на УЈП во 2019 година за приходите кои граѓаните ги оствариле во 2018 година.

За жал колегите не можеме да си ги избереме како што ги избираме нашите пријатели. Токму поради тоа, канцеалриите најчесто се со мешана содржина - и мажи и жени во иста просторија. Мажите имаат неколку замерки за женските колешки па ги споделија со KARIERA.mk, а наша должност е да ви ги пренесеме и на вас :)

Гласно зборување на телефон

Ова за сите мажи е хорор. Посебно во понеделник наутро, кога треба да го раскажете својот бурен викенд на најдобрата другарка или колешката до вас. Мажите мразат гласно зборување за лични работи на работното место.

Јака шминка

Повеќето од мажите сметаат дека жените на работа треба да изгледаат убаво и средено но и природно во исто време. Многу од нив се изнасниле дека не сакаат да ги видат своите колешки со темен кармин и тапирана коса, но речиси 90% кажале дека е пријатно за очи нивните колешки да носат штикли.

Не средени нокти

Ова е апсолутно не прифатено за секоја жена. Токму заради тоа и мажите гласале дека е навистина лошо кога ќе здогледаат нокти од нивната колешка кои се не средени или уште полошо изгрицкани и нечисти.

Доцнење

Повеќето од мажите се на време, бидејќи немаат на што да потрошат време наутро. Затоа многу ги иритира доцнењето на работа од женските колешки, посебно ако ја земате истата плата.

Во тек е последниот месец од годинава и празниците веќе се ближат. Но, за нештата да функционираат правилно во бизнисот во 2018та, треба да почнете со планирање сега. Дали сакате уште една обична година или нешто повеќе? Што е тоа што би можело да се случи во новата? Вработување на луѓе? Развој на нов производ? Подобрување на стратегиите? Одберете неколку карактеристики и работете на нив додека траат празниците. Може да искористите некои од следниве предлози:

Развој на продажни стратегии

Развијте нови продажни стратегии за вашиот бизнис во 2018та. Што е тоа што ќе го нудите како главен производ на пазарот? Како ќе генерирате насоки и како ќе ги квалификувате? Дали ќе вработите личност за продажба оваа година? Дали имате e-mail кампања? Создадете заедно со вашиот тим еден буџет кој ќе ви помогне да се имплементираат новите продажни стратегии. 

Обновете ја вашата веб страна 

Вашиот сајт е вашата прва продажна алатка и се повеќе луѓе пристапуваат кон него преку мобилните телефони. Потребно е да се осигурате дека вашата страна е едноставна и поврзувачка на мобилен. Погледнете ја навигацијата - колку избори имаат клиентите, која е брзината итн. Набљудувајте ги и аналитиките на Google за да ја забележите вашата најпопуларна содржина и доколку постои можност, да ја подобрите. 

Поврзете се со клиентите 

Колку често се слушате со вашите клиенти? Понекогаш, магијата се случува токму преку телефон, особено ако се обидувате да изградите пријателство со вашите клиенти. Бидете во контакт со нив, можете многу да добиете. 

Инвестирајте во он-лајн реклами 

Промовираните реклами моментално се неопходен метод на маркетинг. Секогаш тестирајте ги вашите кампањи, па потоа инвестирајте во подолги кампањи. 

Прегледајте ги резултатите од 2017та

Кој приход е остварен, а колку е профитабилноста? Каков е сообраќајот на страната? Која содржина е најмногу споделувана? Кои се најдобрите клиенти? Дали е потребно обновување на брендот? Креирајте листа на успеси и листа на работите кои излегле од колосек. Процесот ќе ви помогне да размислете за она што може да го направите подобро и да ги поставите целите за вашиот мал бизнис за 2018та година.