Како компанија, една од најголемите желби и цели е склучување на договори што е можно побрзо, но во реалноста не секогаш е така. Една од причините зошто е потребно толку време за еден договор да биде склучен е недостатокот на доверба помеѓу вас и вашиот клиент. Како што е општо познато, потребно е време за да се изгради една врска. Одредени статистики покажуваат дека се потребни помеѓу 7-13 контакти со клиентот пред да имате јасна насока за продажба.
Меѓутоа, постојат методи кои може да ги имплементирате за да склучувате договори побрзо. Прочитајте во продолжение кои се тие:
1. Поставете ги вашите дипломи, награди или акредитации
Кога влегувате во ординацијата на вашиот доктор или канцеларијата на вашиот адвокат може да ги забележите дипломите во рамка и закачени на ѕидот. Зошто? Не е само поради тоа што тие се горди на своите достигнувања, бидејќи се. Но докторите и адвокатите знаат дека дипломата во рамка е најбрзиот и најефикасниот начин за доказ за вашата експретиза. Вашите клиенти може да бидат многу поотворени на вашите предлози доколку отворено ги прикажете вашето образование, дипломи и слично.
2. Рекламирајте ги сведочењата за Вас
Ако немате реномирана диплома или награда за да ја прикажете, одличен начин за да го автентизирате вашето знаење е со сведочење. Ако некој/а друг/а рекол за вас дека сте експерт, клиентите се повеќе насочени да веруваат во тоа.
- За најсилен ефект, најдоброто сведочење може да го поставите на врвот на вашиот веб сајт или реклама. Ако луѓето го прочитаат прво ова сведочење, тоа ќе му даде авторитет на се што ќе биде напишено потоа.
3. Осознајте ги вашите слабости
Сакате да ја добиете довербата на вашиот клиент веднаш? Се што треба да направите е да ги осознаете и признаете вашите слабости на почетокот од комуникацијата.
- Огромен број од компаниите ја прават грешката на потенцирање на сите позитивни функции на продуктот или услугата и запоставување на слабостите за подоцна или никогаш. Кога постапувате со слабостите на овој начин (особено ако луѓето се свесни за нив), луѓето ќе ви веруваат повеќе кога ќе зборувате за вашите силни страни.
Оваа стратегија е особено користена при судењата (кога адвокатот ги признава слабостите на обвинетиот), во политиката (кога политичарот ги признава позитивните страни на својот противник) и во маркетингот. На пример, кога компаниите се отворени кон признавање на грешка во производство на одреден продукт или услуга, тие ќе забележат пораст во продажбата. Преку признавање на слабостите на почеток, шансите за клиентите да веруваат во силните страни се зголемуваат многу повеќе.