Промовирани огласи »

Додека кај новиот осигурани сме од евентуалните дефекти со гаранцијата од произведувачот, но со голема цена, ситуацијата кај половните е малку покомплицирана. Купувањето на половниот автомобил денес е исто како да земете мачка во вреќа. Од една страна за осетно помалку пари од новиот можете да купите навистина добар половен, а од друга страна купувачот ретко е запознаен со вистинската состојба на возилото што го купува бидејќи никогаш не се знае како претходниот сопственик го одржувал, колкава е неговата вистинска километража, дали е удиран, краден и слично. Еве неколку брзи совети кои ќе ви ги посочат умешно сокриените измами на продавачите на половни автомобили.

НЕ БРЗАЈТЕ ПРИ КУПУВАЊЕТО НА ПОЛОВЕН АВТОМОБИЛ
При купувањето на половен автомобил не треба да се брза, најдобра солуција е купување од познати особи, за кои знаете дека возилото добро се одржувало и возело. Најголем ризик има кај увезените половни автомобили, бидејќи тие во најголем случај се со поминати многу километри, треба да се очекуваат многу дефекти кои можат да создадат многу главоболки на новиот сопственик. Автоплацовите честопати во понудите даваат и гаранција на половните автомобили, па купувањето кај нив е посигурно, каде истите неретко имаат и договор со некои од банките, па е олеснет процесот за добивање на кредит отколку да го правите тоа сами. Последна солуција е купување на автомобил преку огласник или автосаеми. Во таков случај секако треба да понесете со себе вешто лице кое ги разбира проблемите на автомобилите, и доколку има нешто сомнително би ве предупредил да не го купувате вашиот можен лимен миленик.

ПРЕГЛЕДАЈТЕ ЈА НЕГОВАТА КАРОСЕРИЈА
Купувачот најпрво има визуелен контакт со потенцијалниот миленик. Изгледот на каросеријата и внатрешноста на возилото за вистинските познавачи на автомобили често може да биде доволен знак какво е возилото. Затоа кај првиот визуелен преглед многу битно е да се знае на што да се обрати внимание. Автомобилот може на прв поглед да изгледа како гланц нов, но стручните лица знаат како да утврдат дали истиот бил оштетен и колку.

Доколку се нееднакви растојанијата на школката на автомобилот, меѓу вратите и хаубата тоа е сигурен знак дека автомобилот бил хаварисан и дека некои негови делови на неговата каросерија се сменети можеби и по неколку пати. Можно истиот да претрпел сериозни деформации при ударот. Трагите на големите оштетувања можат вешто да бидат скриени, но тие најтешко се кријат на долниот дел на автомобилот. Било какви заварувања на каросеријата, подразбира дека некои делови на автомобилот се менувани.

Исто така не е на одмет да ги проверите ознаките на прозорците, фаровите и трепкачите. Оригиналните делови имаат знак на произведувачот на автомобилот сами на себе. Преглед на каросеријата подразбира, разгледување на камуфлираните и корозирани делови. Задолжително треба да се отвори гепекот, да се подигне тапацирот и да се види делот покрај резервното тркало, каде најчесто се приметуваат деформитетите настанати од заден удар. Заблуда е автомобил стар пет години да нема ниедна гребнатинка. Ако е таков, тоа значи дека е префарбан и дека имал поголеми оштетувања. Не се исклучува и можноста истиот да е составен и од два автомобила.

ВНАТРЕШНОСТА НА ВОЗИЛОТО
Истрошеноста на педалите секогаш говори дека возилото е многу возено. Освен тоа облогата на воланот може да биде излижана. Тоа укажува на фактот дека автомобилот е возен во градски услови. Повеќе изминати илјади километри во градско возење секогаш има последици на состојбата на моторот, отколку поминатите километри на отворено. Гребаници на возачката врата укажува на фактот дека возилото е користено пак на кратки дестинации.

Моторот мора да работи мирно, дури и ако е дизел, секако доколку возилото е старо најмногу 5-6 години. Кај дизелите постари од ова работата на моторот е бучна и тешко може да се процени неговата состојба само со стратување на лице место и гледање.

ЗАДОЛЖИТЕЛЕН ПРЕГЛЕД НА ПНЕВМАТИЦИТЕ
Пред да се одлучите да купите автомобил вистинските познавачи на возила обрнуваат внимание на изгледот на пневматиците. Доколку гумите се истрошени повеќе на едната страна, значи дека трапот не е центриран. Исто така на основа на гумите може да се утврди и веродостојноста на километражникот.

ГОДИНАТА НА ПРОИЗВОДСТВО НА АВТОМОБИЛОТ
Со староста на автомобилот паѓа и неговата цена на пазарот. Со тоа и заработката од продажба на возилото. Секогаш треба да се внимава дали за истата сума пари може да се најде иста марка со поново годиште на производство. Доколку автомобилот чини и повеќе илјади евра, неопходно е и да се провери регуларноста на документацијата во МВР.

Промовирани огласи »

Според статистичките податоци на крајот на 2016 година во Македонија живееле 2.073.702 жители, а најзастапена е младата репродуктивна популација, 16,6 проценти се деца до 14 години, и 13,1 отсто се возрасни над 65 години.

Според податоците на Државнито завод за статистика 2.144 лица се иселиле од Македонија, додека 8.887 ги промениле местото и адресата на живеење.

Во текот на 2016 година, вкупно се родени 23.199 деца, од кои 23.002 живородени и 197 мртвородени деца. Според возраста на мајката, најголемо учество, односно 34,1 отсто се живородени деца од мајки на возраст меѓу 25 и 29 години. Вредноста на тоталната стапка на фертилитет во 2016 година изнесувала 1.50 живородени деца на една жена.

Најголемиот дел од родените деца, односно 88 отсто се родени во брак, а намалувањето на фертилитетот е резултат на одложувањето на стапувањето во брак во повозрасните години.

Во 2016 година склучени се 13.199 бракови, а бројот на разведени бракови е 1. 985. Просечната возраст при склучување на прв брак е 26,5 години за невестата и 29,3 години за младоженецот.

Бројот на умрените лица во 2016 година, изнесува 20.421 умрено лице, а просечната возраст кај мажите изнесувала 70,3 години, а кај жените 74,7 години. Најзастапени причини за смрт во Македонија биле болестите на циркулаторниот систем кои учествуваат со 53,5 отсто, потоа неоплазмите со 19 отсто, ендокрините, нутритивните и метаболичните болести со 5,5 отсто…

Природниот раст во Македонија изнесува 1,2 отсто.

Последниот попис на население во Македонија е извршен во 2002 година.

Промовирани огласи »

Одлучувањето за тоа кого вработувате игра огромна улога во креирањето на културата на компанијата и осигурувањето во идниот успех. Одбирањето на информативни прашања за интервју може да биде клучен фактор во пронаоѓањето на вистинските вработени - исто како и отстранувањето на оние кои нема да бидат соодветни. 

Различни компании вреднуваат различни карактеристики, но успехот на работното место има силно влијание од поседувањето на ЕИ - емоционална интелигенција, квалитет за кој не треба да се преговара кога се земаат во предвид кандидатите за работа. 

Во продолжение, прочитајте седум прашања за интервју кои можат да ви го откријат нивото на ЕИ кој го поседува вашиот кандидат и дали истото е соодветно за вашата работна култура. 

  • Што/кој ве инспирира и зошто? 

Одговорот на кандидатот ви дава мал увид во тоа кого кандидатот го гледа како идол и зошто. Одговорот исто така може да ви открие и начините на однесување кои кандидатот ги почитува

  • Ако отворате компанија утре, кои ќе бидат трите врвни вредности? 

Секој добар однос започнува со доверба и поврзани вредности. Поглед во приоритетите на кандидатот, како и искреноста и интегритетот можат да бидат откриени со одговорот на кандидатот. 

  • Дали креиравте долготрајни пријателства додека работевте на друго место? 

Потребно е долго време за креирање односи помеѓу луѓето и да се биде способен за тоа е знак на солидна ЕИ. Долготрајно пријателство кажува за вас дека односите и грижата за луѓето се важни за вас

  • Ако се променат приоритетите во бизнисот, опишете како вие ќе му помогнете на тимот да ги разбере и имплементира променетите цели? 

Менувањето на приоритети се случува во секоја компанија и на секоја работна позиција, затоа барајте кандидати кои се флексибилни и ги поседуваат вештините со кои ќе можат да се носат со промените. Вработете кандидати кои се високо свесни за себеси, мотивирани и емпатични. Овие вештини им помагаат на вработените подобро да работат во тимови. 

  • Ако сметате дека се уште ви недостига одредена вештина, која би била таа? 

Љубопитноста и желбата за учење се витални знаци дека потенцијалниот вработен сака да стане подобар во нешто. Луѓето кои имаат проблеми со ова прашање се луѓето кои мислат дека знаат се. Ова се луѓето кои не сакате да бидат дел од вашиот тим. 

  • Може ли да ме научите нешто, како да не сум го слушнал никогаш претходно? (Може да биде било што, вештина, лекција, загатка)

Одговорот на кандидатот може да ви открие неколку квалитети:

- Дали кандидатот ќе одвои време да размисли пред да зборува

- Ако кандидатот ја поседува техничката способност да објасни нешто на личност кој поседува помалку знаење на темата

- Дали кандидатот поставува емпатични прашања на личноста која ја подучува, како на пример „Дали ова има смисла?“

  • Кои се трите клучни фактори кои ќе придонесат за вашиот успех? 

Одговорот на ова прашање може да ви покаже дали личноста е себична или не. Кога луѓето зборуваат за нивниот личен успех, слушајте дали зборуваат со „јас, јас, јас“ или со „тимот, ние, заедно сите“. Барајте го тимскиот играч кој може да донесе нешто позитивно за компанијата. Некој/а може да е многу паметна личност, но ако тимот не ужива да работи со таа личност, тие нема да се вклопат. 

Промовирани огласи »

Министерство за финансии подготвува предлог на закон за изменување и дополнување на законот за игрите на среќа и за забавните игри.

Во образложението се вели дека во автомат клубовите се поставуваат автомати кои се постари од 15 години и дека на приредувачите на игри на среќа никој не им гарантира за исправноста и функционалноста на увезените автомати.

Исто така и учесниците во игрите на среќа играат на застарени и амортизирани автомати, наместо на автомати не постари од една година. Согласно постојното законско решение, приредувачите на игри на среќа во автомат клуб, со добивањето на една лиценца за автомат клуб имаат можност да отворат неограничен број на деловни простории.

Ваквиот начин на отворање на деловните простории за приредување на игри на среќа на автомати, има позитивни ефекти само за приредувачите, на кои им се овозможува со плаќање на надоместок само за една лиценца да отворат голем број на деловни простории, а негативни ефекти врз Буџетот на Република Македонија заради помалку остварените приходи по овој основ.

Со овој предлог закон кај приредувачите на игрите на среќа во автомат клуб се враќа лиценцирањето на секоја деловна просторија, а кај приредувачите на игрите на среќа во обложувалница се предлага со една издадена лиценца од страна на Владата на Република Македонија да можат да се отворат 50 уплатни места и банкарска гаранција односно депозит од 500.000 евра, пишува во образложението.

Повеќе вести...
барај огласи за вработување » барај останати огласи »