Неспорно е дека ќе има дијалог меѓу Владата и синдикатите, но во делот за образованието мојот впечаток е дека ние со мерките што ги преземаме одиме дури и пред барањата на синдикатите, изјави министерката за образование и наука Рената Дескоска.

Како пример за мерки кои, рече, со задоволство биле прифатени од наставниците и професорите, е можноста што ја добиле за  компензација на работни денови што ги работат во саботите со деновите помеѓу Нова година и Божик.

Тоа беше прифатено од наставниците со задоволство бидејќи досега, и покрај тоа што тие реално немаа обврски, ги малтерирале да доаѓаат во училиште, да се потпишуваат и да седат. Сите мерки што ги правиме во рамките на реформите ќе дадат бенефит не само за учениците, туку и за наставниците. Мислам дека секој добронамерен учесник во дијалогот – дали се синдикати, пленуми или наставници, би биле задоволни од процесите коишто се почнати, изјави Дескоска по прес-конференцијата на која МОН ги презентираше новите наставни планови за прво одделение.

Претседателот на Самостојниот синдикат за образование, наука и култура (СОНК) Јаким Неделков од денешниот протест организиран од Конфедерацијата на слободни синдикати (ККС) изрази уверување дека Владата ќе биде отворена за соработка со репрезентативните синдикати и, како што истакна, во овој момент не е доведен во прашање почетокот на второто полугодие на учебната година.

Од министерката за образование и наука добивме ветување дека час поскоро, од понеделник, ќе седнеме и отворено ќе разговараме за сите проблеми кои ги имаме во дејноста образование, така што одлуката за да не започне второто полугодие треба да ја донесе орган, а во овој момент нема потреба за тоа, изјави денеска Неделков.

СОНК се придружи на вчерашниот пртотест на  ККС од каде бараат усогласување на платите со зголемувањето на минималната плата, исплата на К-15 во јавниот сектор и почитување на колективните договори.

Во Македонија, според податоците на порталот “Slavorum”, на врвот се наоѓа Орце Камчев, сопственик на “Орка Холдинг”, со 238 милиони долари вредно богатство.

Основачот на “Amazon”, Џеф Безос, го престигнал Бил Гејтс и го заземал првото место на листата најбогати луѓе.

Според листата на милијардери на “Bloomberg”, 15 најбогати луѓе во светот се:

Порталот “HowMuch.net”, на основа на податоците на Форбс, формирал мапа со најбогати луѓе на секој континент.

Според нивната листа, Мукеш Амбани, претседател и извршен директор на “Reliance Industries”, е рангиран пред Џек Ма, основач на “Alibaba”.

Џек Ма на најновата листа на “Bloomberg” се наоѓа на 15-то место, со 45,8 милијарди долари имот.

Имотот на најбогатиот човек на светот, Џеф Безос, минатиот месец на кратко ја надминал бројката од 100 милијарди долари.

Тој бил првата личност со богатство поголемо од 100 милијарди долари во модерниот период, односно прво лице кое ја надминала оваа вредност на листите на “Forbes” и “Bloomberg”, кои со години ја следат заработувачката и вредноста на најбогатите луѓе на светот.

Според листата на “Bloomberg”, тој е тежок 98,5 милијарди долари.

Сепак, тешко е да се спореди неговото богатство со богаташите од минатото, поради вредноста на парите и инфлацијата.

“Business Insider”, на пример, наведува дека богатството на нафтениот могул Рокфелер во денешно време, веројатно би вредело неколку стотини милијарди долари, со оглед на уделот на економијата која ја контролирал.

Порталот “Slavorum” претходно објавил листа од најбогати луѓе во регионот, пренесува Al Jazeera.

Во Хрватска, според податоците на овој портал, најбогато е хрватско-чилеанското семејство Лукшиќ, со нето вредност од 15 милијарди долари.

Во Србија, најбогат е Филип Цептер.

Иако не живее во Србија, има српско државјанство, а неговото богатство се проценува на 5 милијарди долари.

Црногорскиот државјанин Таксин Шинаватра, поранешен премиер на Тајланд, кој живее и работи во Црна Гора има  имот од 1,78 милијарди долари.

Најбогати луѓе во Босна и Херцеговина се Кенан и Дамир Хастор, кои ги наследиле “Prevent” и Asa Group” од својот татко Нијаз – тие располагаат со богатство од 412 милиони долари.

Во Македонија, според податоците на порталот “Slavorum”, на врвот се наоѓа Орце Камчев, сопственик на “Орка Холдинг”, со 238 милиони долари вредно богатство.

Синот на легендарниот Том Џонс едвај преживува и спие во прифатилиште за бездомници.

Момчето официјално никогаш не било признаено од славниот татко и покрај позитивната ДНК анализа.

29- годишниот музичар Џонатан Беркери, иако е биолошки син на Том Џонс никогаш не го запознал лично својот татко. Тој живее во прифатилиште за бездомници во Њу Џерси во просторија што ја дели со 30 мажи.

Затоа, неговиот татко пред извесно време ја продаде луксузната вила во Лос Анџелес за неколку милиони долари.

Џонатан е роден во вонбрачна врска на Том Џонс со манекенката Катрин Беркери. Тој не го сакал детето, но Катрин повела судски спор за докажување на татковство. Том Џонс со својата сопруга има син Марк.

За Џонатан рекол дека не го планирал и затоа нема зошто да го прифати или да му помогне.

Некогаш бил член на бој бенд, а пред три години го досегнал дното кога почнал да живее во автомобил во Мајами. Полицијата го уапсила поради поседување дрога и неколку дена минал во затвор. Џонатан отишол на одвикнуавње за да ги отфрли сите обвинувања против него.

Помислил дека пејачот и неговито син, менаџерот Марк Вудворд (60), полубрат на Џонатан, ќе сакаат да разговараат со него после смртта на Мелинда Тренчард, сопругата на Том Џонс, во април 2016-та година.

На Марко му испратив порака преку неговиот асистент и побарав помош за да се сретнам со нашиот татко. Не сакам подоцна да зажалам што не се јавував и разговарав со него за се, раскажал Беркери. Додал и дека сеуште има близок однос со мајка му и дека ова не е обид преку татко му да стане славен.

Помалку од еден месец пред започнувањето на Зимските Олимписки Игри, Пјонгчанг 2018 (Winter Olympic Games PyeongChang 2018), компанијата Самсунг Електорникс (Samsung Electronics Co., Ltd), Светски Олимписки партнер во категорија за безжична комуникациска и компјутерска опрема, денес претстави лимитирано издание на свој уред за Олимписките Игри (ОИ) кои оваа година ќе се одржат во Пјонгчанг, Јужна Кореа. За понатамошно проширување на олимпиското наследство преку поддржување на спортистите и олимпиското семејство, Самсунг ќе овозможи ексклузивни уреди - специјално издание на Галакси Ноут8 (Galaxy Note8), како охрабрување за подобри резултати на Зимските Олимписки Игри (ЗОИ), истовремено помагајќи при одржувањето на односи и споделувањето спомени со они кои се во близина, но и подалеку.

Во соработка со Меѓународниот Олимписки Комитет - МОК(International Olympic Committee -IOC)и Организацискиот Комитет на Пјонгчанг за Зимските Олимписки и Параолимписки Игри (Olympic & Paralympic Winter Games - POCOG),Самсунг ќе достави 4000 уреди за сите олимпијци, за членовите на ЗОИ Пјонгчанг 2018“семејството, вклучувајќи го и персоналот на Меѓународниот Олимписки Комитети POCOG,овозможувајќи им да се потпрат на мобилната технологија на Самсунг со цел да ги подобрат своите искуства и поедноставно да се поврзат. Олимпискотолимитирано издание ќе ги вклучува новите и подобрени функции на Галакси Ноут8, како иновативниот “бесконечен“ 6,3-инчен дисплеј без рамки кој удобно може да се држи со една рака, подобреното S-пенкало за зголемена ефикасност и продуктивност и најдобрата Самсунг Двојна Камера. Само за ЗОИ Пјонгчанг 2018, лимитираното издание ќе има бело сјајно задно стакло за да ги прослави зимата и златните олимписки прстени инспирирани од олимпискиот факел - симбол на Олимпиското движење кое поврзува пет континенти и претставува соединетост низ целиот свет.  

Во текот на нашето 20-годишно наследство како олимписки партнер, Самсунг покажа поддршка за Олимпиското движење, преку помагање и поттик за ширење на олимпискиот дух и подобрување на врските преку нашите најнови технолошки иновации и извонредни искуства. Горди сме што на сите спортисти им го обезбедивме “PyeongChang 2018 Olympic Games лимитираното издание на Галакси Ноут8 уредот, со цел да им помогнеме да останат поврзани, да ги снимат и да ги споделат најнезаборавните моменти во нивниот живот.“-изјави Јангхи Ли (Younghee Lee),Главен Маркетинг Директор и Извршен Потпретседател на Самсунг Електроникс.

Лимитираното издание за ОИ Пјонгчанг 2018 ќе има однапред вчитани славенички тематски позадини од ЗОИ, овозможувајќи им на корисниците да останат поврзани со стил, преку најнапредната мобилна технологија на Samsung.Дополнително, корисните апликации ќе бидат претходно инсталирани со цел да помогнат во култивирањето на врвното искуство на Олимписките Игри.

Посветеноста на Самсунг на Олимпиското движење во изминатите 20 години овозможи поголема поврзаност преку иновативните мобилни технологии. Создавањето на лимитираното издание од страна на Самсунг ја зајакнува нашата заедничка желба, желбата на Самсунг и на Меѓународниот Олимписки Комитет, за ширење на олимпискиот дух. Како резултат на посветеноста на Партнерите како Компанијата Самсунг, во можност сме континуирано да обезбедиме незаборавни искуства во рамки на ОИ. - изјави Томас Бах (Thomas Bach), Претседател на Меѓународниот Олимписки Комитет.

Компанијата Самсунг ќе обезбеди Галакси Ноут8 уреди за Параолимпијците

Демонстрирајќи ја посветеноста на Параолимпиското Движење, Самсунг ќе обезбеди паметни уреди за сите параолимпијци на Параолимписките Зимски Игри, Пјонгчанг 2018. Секој параолимпиец ќе добие Галакси Ноут8 заедно со футрола која го содржи логото на Параолимписките Игри. Со ова, параолимпијците ќе бидат изложени на револуционерните мобилни технологии и нивниот придонес за доближување на дигиталниот свет поблиску до лицата со пречки во развојот. Самсунг е Светски Параолимписки Партнер започнувајќи од Зимските Олимписки Игри кои се одржаа во Ванкувер во 2010 година. Исто така, компанијата е поддржувач на Параолимпиското Движење, стремејќи се да поттикнува напредок и да креира предизвици за луѓето.

За вклученоста на Компанијата Самсунг во Олимписките Игри

Самсунг својата вклученост во Олимписките Игри ја започна како локален спонзор на ОИ кои се одржаа во Сеул во 1988 година. Започнувајќи од Зимските Олимписки Игри во Нагано во 1998 година, компанијата ја прошири својата посветеност на Олимпиското Движење како Светски Олимписки Партнер во Категорија на Опрема за Безжична Комуникација, овозможувајќи сопствена безжична комуникациска платформа и мобилни уреди. Овие иновативни мобилни технологии им овозможуваат на Олимписката Заедница, атлетите и фановите низ целиот свет интерактивни комуникации и информациски услуги, како и “Samsung Pay“ услуга. Самсунг е домаќин на различни Олимписки кампањи со цел споделување на возбудата за Олимписките Игри со луѓето ширум светот и овозможувајќи им на сите да учествуваат во Игрите преку оваа иновативна мобилна технологија. Посветеноста на Самсунг како Светски Олимписки Партнер продолжува и во ПјонгЧанг 2018 и Токио 2020 во рамки на категоријата Комуникациска и Компјутерска опрема.