Вип ја модернизира својата продажна мрежа и го објавува комплетно новиот лик на дел од своите продажни салони со целосно нов концепт на уредување и пристап на продажба. По тој повод сите посетители кои на 14.02.2018г., токму во овие реновирани продавници ќе активираат или обноват договор за мобилни услуги имаат можност да добијат подарок, Xiaomi Mi Mix 2 (Шаоми).

Новиот концепт претставува модерен и урбан простор кој овозможува поблиска комуникација на персоналот со клиентите што е во согласност со една од целите на Вип - да обезбеди што подобра услуга за своите корисници. Досега, ова ентериерно решение е имплементирано во трговските центри City Mall и Vero Jambo во Скопје, Palma Mall во Tетово, како и во продажниот салон во центарот на Тетово.

Уредени според светските архитектонски трендови за современи комерцијални објекти, овие продажни салони на Вип се прилагодени на потребите на корисничките навики непосредно и преку дигитални алатки да ги препознаат производите и услугите што ги бараат и на тој начин уште полесно и поедноставно да го направат вистинскиот избор за комуникација. Дополнително, за прв пат во салоните на Вип корисниците добиваат можност самите да реализираат електронско плаќање на сметка преку едноставно користење на уредот сместен на еден од најпристапните делови во просторот на салонот.

Во рамките на официјалното претставување на новиот концепт, што ќе се случи на 14 февруари, Вип подготви подарок за најсреќните посетители кои токму на овој ден на едно од овие продажни места ќе активираат или обноват договор за мобилни услуги на 24 месеци добиваат ексклузивна можност да учествуваат во извлекувањето и да добијат како подарок еден од четирите најнови смарт - телефони  Xiaomi Mi Mix 2.

Шаоми брендот кој брзо прерасна во светски хит помеѓу производителите на смарт-телефони, со исклучителен квалитет во својата класа и одлични цени, помеѓу операторите може ексклузивно да се најде во продажните салони на Вип.

Подароците Xiaomi Mi Mix 2 ќе бидат доделени по случаен избор, а најсреќните корисници ќе бидат објавени на Вип Facebook профилот, на 16.02.2017г.

Ентериерното освежување во продажна мрежа на Вип, која брои 31 салон низ целата земја, ќе продолжи и во наредниот период.

Повеќе информации можете да најдете на www.vip.mk  

Медицински сестри седат дома, а здравствени установи имаат сериозен проблем поради недостиг на средно медицински персонал. Некои директори беа принудени дури времено да затвораат и болнички оддели.

И додека побарувачката е голема, според податоците од Агенцијата за вработување, за профилот медицинска сестра како невработени се водат над 1000 лица. Дури 253 од нив се медицински сестри, 743  медицински техничари и околу 130 акушерки.

• Медицинска сестра -253
• Детска сестра негователка – 5
• Медицинска сестра педагошка -34
• Медицинска сестра бабица-130
• Медицинска сестра(медицински техничар) -743

За да не дојде до затворање на оддели, од Градската болница 8-ми септември бараат вработување на дополнителни 60 медицински сестри, покрај 60-те кои стапија во работен однос пред новогодишните рпазници. Барање до министерството за вработување на 20 медицински сестри има и Здравствен дом Скопје.

Покрај средно медицински персонал, постои барање и за доктори. Во ГОБ 8-ми септември нема нефролошко одделение бидејќи им е потребно вработување на најмалку двајца специјалисти од оваа област. Засега за оваа патологија пациентите можат да добијат здравствена услуга само еднаш неделно. Откако тројца лекари заминале во пензија, покрај нефролози од Министерството за здравство бараат и вработување на четворица анестезиолози, ревматолог и неврохирург. Болницата доставила барање и за 30 болничари.  130 вработувања бара и Здравствен дом Скопје, од кои 40 се лекари.

Речиси и да нема јавна здравствена установа која нема потреба од дополнителен кадар.  Според податоците од МЗ, нови вработувања бараат 14 клиники, 11 општи и клинички болници и три институти и заводи.

Според доставените барања  од јавните здравствени установи, најголема потреба има од медицински сестри и сестри за нега, а дел се барања и за готови специјалисти и доктори на специјализација за кои е потребно неколку години за да се заврши специјализацијата, стои во писмениот одговор од МЗ.

Во Агенцијата за вработување како невработени се водат 35 лекари кои се уште не завршиле со специјализација.

Во случај да ве касне улично куче, може да барате оштета од Град Скопје и „Комунална хигиена“. На адреса на градските власти за последниве две години по основ надомест на штета поради каснување од куче има поднесено 68 тужби.

Висината на оштетата се движи меѓу 60.000 и 180.000 денари, во зависност од возраста, степенот на повредите, последиците од нанесените повреди, пишува „Независен весник“.

Тужбите се засновани врз основа на член 10 од Законот за Град Скопје и член 28 од Законот за заштита и благосостојба на животните.

Досега се отворени 68 постапки , некои се веќе завршени, а некои се во тек и многу тешко е да се дефинира точно колку се исплатени оштети по овој основ, информираат од Град Скопје.

Инаку, се почесто се регистрирани случаи на нападнати и каснати минувачи од страна на бездомните кучиња по скопските улици. Само изминатиот викенд петмина скопјани пријавиле дека биле нападнати и каснати. Двајца мажи биле напaднати во општина Центар, а три жени на улицата „Лука Геров“ во скопската населба Даме Груев.

Усвоениот предлог за укинување на летното и зимското сметање на времето од страна на мнозинството пратениците во Европскиот Парламент, допрва треба да чека на одлуката на Европската Комисија која треба да ги согледа предностите и последиците од ваквата евентуална промена. Различните размислувања меѓу членките на Унијата кои се за или против оваа можност, може да предизвика сериозни поместувања на единствениот европски пазар, но доколку се одлучи да се примени ваква одлука, логично би се наметнала потребата да се размислува и за покренување на ваква иницијатива кај нас.

Првичното размислување во однос на подршката за укинување на летното и зимското сметање на времето и во Македонија, доколку истото се случи и во ЕУ, гледано од аспект на стопанството, ја темелиме на податокот дека земјите членки на Европската Унија се наши најголеми надворешно – трговски партнери, со учество од 81 отсто од нашиот извоз во ЕУ и за редовно, навремено одржување на бизнис релациите, покорисно би било да не постои временско разидување, односно да ја имаме истата позиција како и досега – велат од Стопанската комора на Македонија.

Летното и зимското сметање на времето како предложен систем пошироко бил применет пред точно еден век, со што во Европа била прифатена конвенцијата зимското сметање на времето да почнува последната недела на октомври и да трае до последната недела од март. Ова правило, прифатено и кај нас со носење на Закон за сметање на времето во 1996 година, во најголема мера се однесувало на потребата за користење на повеќе дневна светлина во текот на денот. Ова генерално им оди во прилог на компаниите од земјоделскиот сектор и други дејности кои се поврзани со потребата од повеќе дневна светлина. Според некои истражувања на овој начин се влијаело на заштеда на електрична енергија со намалување на периодот на вештачко осветлување, некаде и со заштеда во потрошувачката на нафта, секако влијае и на продуктивноста на работната сила, што од економска гледна точка е многу важен параметар.

Доколку дојде до позитивна одлука од страна на ЕК, а истата не се примени и кај нас, во прв налет можни се одредени последици од економски, односно трошковен аспект, прво во областа на транспортот, преку пореметување на утврдените возни редови, усогласување на софтверските решенија кои се применуваат во надворешно трговското работење, итн. Секако, треба да се направи соодветна анализа од повеќе аспекти, во поширок круг на дејности,за да може однапред да се предвиди влијанието од ваквата мерка. Ако таа се покрене и кај нас, Стопанската комора на Македонија ќе направи соодветно анкетно истражување меѓу своето членство за да ги види евентуалните позитивни или негативни укажувања – велат од Комората.