Ако се занимавате со некоја од овие професии, тоа не мора да значи дека веднаш ќе добиете рак. Така, според извештајот од американското здружение на заболени од рак, некогаш може да помине и деценија додека болеста не излезе на површина.

Некои професии се многу опасни, па така ако сте пожарникар или полицаец, секојдневно си го ставате животот под ризик да не загинете како последица на пожар или пак оружје.

Но, постојат и други занимања кои имаат скриени, но опасни нуспојави.

1. Производство на гуми

Гумите се прават од многу различни хемикалии, а работниците кои работат на производство се изложени на пареа, прашина и хемиски нуспродукти кои претставуваат сериозен здравствен ризик. Според Центарот за контрола и превенција на болести, неколку истражувања покажале дека зголемување на смртни случаи поради рак на мочниот меур, желудникот и белите дробови.

2. Земјоделство

Жените кои се занимаваат со земјоделство имаат 35 отсто поголем ризик од добивање на рак на дојката, покажа ново истражување. Друг податок зборува дека имаат и висок ризик за добивање на рак на белите дробови, поради зголемената изложеност на хемикалии, но во тоа е вклучено и пасивното пушење.

3. Фризери

Една третина од жените кои имаат повеќе од 18 години, како и 10 отсто од мажите, користат некој облик на бои за коса, а услугите за тоа ги бараат во професионални салони.

Истражување од 2009 година, покажа дека фризерите имаат голем ризик за добивање на рак на грлото и рак на белите дробови. Националниот институт за рак укажува дека бојата за коса е еден од главните виновници за тоа.

4. Автомеханичари

Автомеханичарите имаат валкана работа, но опасноста не е во тоа. Азбест се уште се користи во оваа професија, а неговите влакна кои се испуштаат во воздухот допираат до белите дробови на работникот и на тој начин се изложени на рак.

5. Маникир и педикир

Салоните за нокти се исто така подложни на сериозни здравствени проблеми. Пријавени се голем број на лица од оваа професија со проблеми со  дишењето и кожата, како и рак и тоа веројатно поради изложеноста на силни хемикалии за чистење, лакирање и вградување на нокти.

Од сите хемикалии кои предизвикуваат здравствени проблеми, формалин и титан диоксид (кои многу се користат во оваа професија) се двата најпроблематични. Носењето маски е императив, како и вентилација во салоните.

6. Пилоти

Неколку извештаи покажаа дека летачкиот екипаж има висок ризик од развој на најсмртоносниот облик на рак на кожата. Истражувањата покажале дека не постојат конкретни докази за да се објасни зголемениот ризик од рак од оваа професија.

Научници се уште не можат да дадат конечни одговори во врска со тоа, но некои уверуваат дека ризикот од рак се зголемува со летањето на поголеми висини, каде вработените се изложени на поголемо УВ зрачење.

Министерството за економија и годинава ќе го субвенционира подобрувањето на енергетската ефикасност на домовите и во текот на месецов ќе ги објави огласите за надоместок на дел од средствата за купени и вградени сончеви термални колекторски системи и за надоместок на дел од средствата за купени и вградени ПВЦ или алуминиумски прозорци што ќе бидат отворени до 31 август годинава.

Овие два огласа се дел од Програмата на владата за промоција на обновливи извори на енергија и поттикнување на енергетска ефикасност во домаќинствата за 2018 година преку која годинава првпат се додели надоместок на дел од трошоците за купување печки на пелети.

За трите мерки од Програмата вкупно се предвидени 50 милиони денари што ќе се доделуваат преку Министерството за економија од кои 14 милиони се веќе искористени за субвенционирање на печки за пелети, додека за мерката за сончеви колектори се предвидени шест милиони денари, а за мерката за енергетски ефикасни прозорци 30 милиони денари. Сите мерки се доделуваат по принципот „прв дојден, прв услужен“.

Едно лице може да поднесе само едно барање за добивање на надоместок. За да може да ги добие средствата ќе треба да ги има купено и вгрдено во својот дом колекторските системи по денот на објавувањето на јавниот оглас, заклучно со денот на неговото истекување.

За тоа ќе треба да поднесе барање со изјава дека барателот го нема искористено претходно барањето за поврат на дел од средствата, што може да се подигне во архивата на Министерството за економија или да се обезбеди преку интернет страницата на Министерството www.economy.gov.mk. Покрај тоа, треба да достави оригинален доказ за купување на сончевиот колектор со фискална сметка и фактура за направените трошоци за негово вградување.

Иако состојбата на главниот извршен директор на Berkshire Hathaway Ворен Бафет се проценува на 91.1 милијарди долари, тој неодамна изјави дека да имаш повеќе пари не е клуч за среќата.

Милијардерот дури признава дека уживал во деновите кога имал само една мала честичка од она со што располага сега.

Не бев несреќен, кога имав 10 000 долари, откако го завршив училиштето, вели Бафет во интервју за CNBC. “Имав многу забава.”

Бафет тврди дека луѓето имаат тенденција да мислат дека ако имаат повеќе пари, ќе бидат посреќни. Тој го дава следниот пример: “Ако имате 100 000 долари и сте несреќен човек, но мислите дека 1 милион долари ќе ве направат среќни, тоа нема да се случи.”

Дури и ако ги добиете овие 1 милиони долари, вашата среќа ќе испари, кога ќе погледнете и видите луѓе со по 2 милиони долари, додава Бафет. Нема да бидеш многу посреќен ако го удвоиш твојот статус.

Во 2017 година Бафет изјави дека ќе биде задоволен и ако заработува по 100 000 долари годишно, делумно затоа што тој веќе има инвестиција која го направила среќен – куќа која ја купува во 1958 година и во која живее и до денес.

Вистината е дека поседувам големо богатство. Мали парчиња хартија, на кои пишува Berkshire Hathaway. Може да се користат за купување на различни стоки и услуги во светот. Со нив може да се купи се. Можам да си купувам 120 метри јахти, да имам 20 куќи и многу друго, вели Бафет. “Но, тоа нема да ме направи посреќен”.

Следниот неработен ден за граѓаните од православна вероисповед во Македонија е 6-ти април (Велики петок.

После викендот исто така неработен ден ќе биде и вториот ден од Велигден, 9-ти април, што значи дека следуваат 4 споени неработни денови.

Ова се сите неработни денови кои преостануваат до крајот на годината:

Согласно со Законот за празниците на Република Македонија во 2018 година неработни денови се:

За сите граѓани на РМ

• 09 април (понеделник), Велигден, вториот ден на Велигден според православниот календар

• 01 мај (вторник), Ден на трудот,
• 24 мај (четврток) „Св. Кирил и Методиј“ Ден на сесловенските просветители
• 15 јуни (петок), Рамазан Бајрам, првиот ден на Рамазан Бајрам,
• 02 август (четврток), Ден на Републиката
• 8 септември (сабота), Ден на независноста

• 11 октомври (четврток), Ден на народното востание,
• 23 октомври (вторник), Ден на Македонската Револуционерна Борба,
• 8 декември (сабота), “Св. Климент Охридски”

За граѓаните од православна вероисповед

• 06 април (петок), Велики Петок, петок пред Велигден
• 25 мај (петок), Духовден, петок пред Духовден
• 28 август (вторник), Успение на Пресвета Богородица (Голема Богородица)

За граѓаните од католичка вероисповед

• 02 Април (понеделник), Велигден, вториот ден на Велигден
• 01 ноември (четврток), Празникот на сите светци
• 25 декември (вторник), првиот ден на Божик

За граѓаните од муслиманска вероисповед

• 21 август (вторник), Курбан Бајрам, првиот ден на Курбан Бајрам

За граѓаните припадници на албанската заедница во РМ

• 22 ноември (четврток), Ден на Албанската азбука

За граѓаните припадници на српската заедница во РМ

• 27 јануари (сабота), Свети Сава

За граѓаните припадници на ромската заедница во РМ

• 08 април (недела), Меѓународен ден на Ромите

За граѓаните припадници на влашката заедница во РМ

• 23 мај (среда), Национален ден на Власите

За граѓаните припадници на еврејската заедница во РМ

• 19 септември (среда), Јом Кипур, првиот ден на Јом Кипур

За граѓаните припадници на бошњачката заедница во РМ

• 28 септември (петок), Меѓународен ден на Бошњаците

За граѓаните припадници на турската заедница во РМ

• 21 декември (петок), Ден на настава на турски јазик